"Vətənə xidmətə görə" ordeni (Azərbaycan) — Vikipediya
"Vətənə xidmətə görə" ordeni | |
---|---|
1-ci dərəcə | |
2-ci dərəcə | |
3-cü dərəcə | |
| |
Ölkə | ![]() |
Tip | orden |
Status | verilir |
Statistika | |
Təsis tarixi | 7 noyabr 2003 |
Ardıcıllıq | |
Yüksək mükafat | "Dostluq" ordeni |
Aşağı mükafat | "Əmək" ordeni |
![]() |
"Vətənə xidmətə görə" ordeni — 7 noyabr 2003-cü ildə təsis edilmiş Azərbaycan Respublikasının ordeni.
Statusu
[redaktə | mənbəni redaktə et]Azərbaycan Respublikasının üç dərəcədə "Vətənə xidmətə görə" ordeni aşağıdakılara görə verilir:
- — Azərbaycan Respublikasına sadiqliyə görə, vəzifə borcunu ləyaqətlə və vicdanla yerinə yetirməyə görə;
- — dövlət qulluğunda səmərəli fəaliyyətə, yüksək peşəkarlığa və xüsusi nailiyyətlərə görə;
- — milli dövlət quruculuğu işlərində xüsusi xidmətlərə görə.
"Vətənə xidmətə görə" ordeninin yüksək dərəcəsi birinci dərəcə sayılır.
"Vətənə xidmətə görə" ordeninin hər üç dərəcəsi ardıcıllıqla verilir.
"Vətənə xidmətə görə" ordeni döşün sol tərəfinə, Azərbaycan Respublikasının digər ordenləri olduqda, onlardan sonra taxılır.
Təsviri
[redaktə | mənbəni redaktə et]"Vətənə xidmətə görə" ordeni hər tərəfə şüalar saçan səkkizguşəli ulduzəsasında tərtib edilmiş kompozisiyadan ibarətdir.
Lövhənin çökək mərkəzində Azərbaycan Respublikasının Dövlət Gerbi təsvir edilmişdir. Orden üç səviyyədən ibarətdir, səkkizguşəli ulduzun yığılması iki kvadrat təşkil edir, onun mərkəzində Azərbaycan Respublikasının Dövlət Gerbi təsvir olunmuşdur. Gerbin üst hissəsində dairənin yarımçevrəsi boyunca "Vətənə xidmətə görə" sözləri yazılmışdır. Bütün yazılar və təsvirlər qabarıqdır.
"Vətənə xidmətə görə" ordeninin üç dərəcəsi vardır: Onun birinci dərəcəsi qızıldan, ikinci dərəcəsi gümüşdən, üçüncü dərəcəsi bürüncdəndir. Ordenin qabarit ölçüləri 35 mm x 35 mm-dir.
Ordenin arxa tərəfi hamar səthlidir, ortasında ordenin nömrəsi həkk olunmuşdur.
Orden paltara bərkidilmək üçün elementi olan 27 mm x 47,5 mm mm ölçüdə müvafiq olaraq qırmızı-qara, tünd göy-mavi və çəhrayışabalıdı çalarlı beşbucaqlı xara lentə halqa və ilgək vasitəsilə birləşdirilir.
"Vətənə xidmətə görə" ordeni poçt markası üzərində
[redaktə | mənbəni redaktə et]![](http://upload.wikimedia.org/wikipedia/commons/thumb/b/b5/Stamps_of_Azerbaijan%2C_2011-968.jpg/200px-Stamps_of_Azerbaijan%2C_2011-968.jpg)
2011-ci ilin sentyabr ayının 5-də Bakı şəhərində Azərbaycan Respublikası Rabitə və İnformasiya Texnologiyaları Nazirliyinin "Azərmarka" şirkəti tərəfindən Azərbaycan ordenlərinə həsr olunmuş yeni poçt markaları təqdim edilmişdir. Qiyməti 60 qəpik, tirajı isə 5000 ədəd olan həmin markalardan biri "Vətənə xidmətə görə" ordeninə həsr olunmuşdur[1]
Təltif edilənlər
[redaktə | mənbəni redaktə et]Ordenin hər üç dərəcəsi ilə təltif edilənlər
- Bəylər Həsən oğlu Eyyubov
- Nazim Xeyrulla oğlu Məmmədov
- Rəsul Afiq oğlu Tağıyev
- Səfər Məmməd oğlu Mehdiyev
- Rəşad Heydər oğlu Sadıqov
- Novruzəli Davud oğlu Aslanov
- Rza Cahangir oğlu Həsənəliyev
- Əsgər Həsən oğlu Abdullayev
İstinadlar
[redaktə | mənbəni redaktə et]- ↑ Yeni markalar çap olunub. ictnews.az Arxivləşdirilib 2016-03-10 at the Wayback Machine (az.)
Mənbə
[redaktə | mənbəni redaktə et]- "Azərbaycan Respublikasının "Vətənə xidmətə görə" ordeninin Statutu", Azərbaycan Respublikasının 2003-cü il 7 noyabr tarixli 514-IIQ saylı Qanunu.
- "Azərbaycan Respublikasının "Vətənə xidmətə görə" ordeninin Təsviri", Azərbaycan Respublikasının 2003-cü il 7 noyabr tarixli 514-IIQ saylı Qanunu.