Ülviyyə Həmzəyeva — Vikipediya
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Ülviyyə Həmzəyeva | |
---|---|
Naxçıvan Rəssamlar Birliyinin sədri, Milli Məclisin deputatı | |
Şəxsi məlumatlar | |
Doğum tarixi | 30 aprel 1982 (42 yaş) |
Doğum yeri | |
Təhsili | |
Fəaliyyəti | rəssam, siyasətçi |
| |
Təltifləri | ![]() ![]() ![]() |
Həmzəyeva Ülviyyə Tapdıq qızı (30 aprel 1982, Şəkərabad, Babək rayonu) — Azərbaycan Respublikasının Əməkdar Rəssamı, Naxçıvan Muxtar Respublikasının Əməkdar Rəssamı, Naxçıvan Rəssamlar Birliyinin sədri, "Yeni Era" Dünya Rəssamlıq Akademiyasının həqiqi üzvü, 2010–2015-ci il IV çağırış Naxçıvan Muxtar Respublikası Ali Məclisinin deputatı, V və VI çağırış Milli Məclisin deputatı.
Həyatı
[redaktə | mənbəni redaktə et]Ülviyyə Həmzəyeva 30 aprel 1982-ci ildə Naxçıvan Muxtar Respublikası Babək rayonu Şəkərabad kəndində anadan olmuşdur. Orta təhsilini Naxçıvan şəhərində almışdır. 2003-cü ildə Naxçıvan Dövlət Universitetinin incəsənət fakültəsinin təsviri incəsənət ixtisasını fərqlənmə ilə bitirmişdir. 2006-cı ildə Naxçıvan Dövlət Universitetinin pedaqogika nəzəriyyəsi və tarixi ixtisası üzrə magistr pilləsini fərqlənmə ilə bitirmişdir. Naxçıvan Dövlət Universitetin təsviri incəsənət və rəsmxət kafedrasının baş müəllimi kimi fəaliyyət göstərmişdir. Azərbaycan Dövlət Rəssamlıq Akademiyasının dissertantıdır.
Siyasi fəaliyyəti
[redaktə | mənbəni redaktə et]Naxçıvan Ali Məclisinin V çağırışı, Azərbaycan Milli Məclisinin V çağırış deputatı və Azərbaycan Milli Məclisinin VI çağırış deputatıdır.
Yeni Azərbaycan Partiyasının VII qurultayında (5 mart 2021-ci il) YAP İdarə Heyətinin üzvü seçilib[1].
Yaradıcılığı
[redaktə | mənbəni redaktə et]Əsərlərində əsasən milliliyi, qədimliyi, mifologiyanı və real həyatın fəlsəfəsini özünəməxsus tərzdə əks etdirməyə çalışır. Əsərləri Azərbaycan sənətinin qədim ənənələri ilə dərin əlaqəlidir. Xalçaların, miniatürlərin və qədim petrogliflərin nümunələrini xatırladan rəsm əsərləri, əfsanələr və nağılların fantastik personajlarını canlandırır.
Ülviyyə Həmzəyeva həm də Azərbaycanda ilk dəfə olaraq 2001-ci ildə Naxçıvan Dövlət Universitetinin gənclik parkında soyqırım qurbanlarının xatirəsinə ucaldılan abidənin müəllifidir. Rəssamın əsərləri, Azərbaycan, ABŞ, Çin, Türkiyə, Portuqaliya, Gürcüstan, İspaniya və.s. ölkələrdə 200-ə yaxın qarışıq və fərdi sərgilərdə nümayiş olunmuşdur. 2008-ci ildə Naxçıvan Muxtar Respublikasının Əməkdar Rəssamı, 2009-cu ildə isə Azərbaycan Respublikasının Əməkdar Rəssamı fəxri adına layiq görülmüşdür. Azərbaycan Rəssamlar İttifaqının üzvüdür, 2013-cü ildə "Yeni Era" Dünya Rəssamlıq Akademiyasının həqiqi üzvlüyünə qəbul edilmişdir. UNESCO-nun Beyneynəlxalq İncəsənət Assosasiyasının üzvüdür. 2011-ci ildən Naxçıvan Muxtar Respublikası Rəssamlar Birliyinin sədridir. Əsərləri şəxsi kolleksiyalarda və muzeylərdə saxlanılır.
Əməkdar rəssam Ülviyyə Həmzəyevanın 28 oktyabr 2022-ci ildə Mədəniyyət Nazirliyinin Muzey Mərkəzində əsərlərindən ibarət fərdi sərgisi təşkil olunmuşdur.[2]
Şəkillər
[redaktə | mənbəni redaktə et]- "Muğam" kompozisiyası
- Mirzə Cəlil dünyası
- "Bəşəriyyətin beşiyi" kompozisiyası
İstinadlar
[redaktə | mənbəni redaktə et]- ↑ "Yeni Azərbaycan partiyasinin idarə heyəti". 2021-02-10 tarixində arxivləşdirilib. İstifadə tarixi: 2021-03-11.
- ↑ "Milli ruhlu tablolardan süzülən şəfəqlər". 2022-12-19 tarixində arxivləşdirilib. İstifadə tarixi: 20 dekabr 2022.
Xarici keçidlər
[redaktə | mənbəni redaktə et]- UNESCO Dünya Rəssamlıq Akademiyası Arxivləşdirilib 2016-07-11 at the Wayback Machine