Ümumşəhər qəbiristanlığı — Vikipediya
Qəbiristanlıq | |
Ümumşəhər qəbiristanlığı | |
---|---|
![]() Ümumşəhər qəbiristanlığının girişi | |
Ölkə | |
Rayon | Qaradağ rayonu |
Status | qəbiristanlıq |
Əsası qoyulub | bilinmir |
Ümumşəhər qəbiristanlığı (bəzən "Qurd qapısı" qəbiristanlığı kimi qeyd olunur) — Bakının Qaradağ rayonunda yerləşən məzarlıq.
Coğrafiyası
[redaktə | mənbəni redaktə et]Qəbiristanlıq Laçın massivinin yaxınlığında, Bakı dairəvi avtomobil yolunun alt hissəsində yerləşir. "Qurd qapısı" adlanan ərazi ilə Sədərək Ticarət Mərkəzi aralığındadır.
Tarixi
[redaktə | mənbəni redaktə et]Ümumşəhər qəbiristanlığının dəqiq tarixi məlum deyildir.
Dəfn
[redaktə | mənbəni redaktə et]Məzarlıqda müxtəlif millətlərdən olan insanlar dəfn olunub. Burada azərbaycanlı, yəhudi, rus və erməni millətlərinin nümayəndələri dəfn edilmişdir.[1]
2020-ci ilin 27 sentyabrında başlayan Vətən müharibəsində həlak olan 18 şəhid məzarlıqda dəfn olunmuşdur. Lakın bir müddət sonra şəhid ailələri müraciət edərək qəbirlərin Yasamal rayonundakı Şəhidlər xiyabanına köçürülməsini istəmişlər. 2021-ci il yanvarın 30-da isə rəsmi qurumların şəhid ailələri ilə bir daha görüşü keçirilib, onların qəbir yerlərinin dəyişdirilməsi ilə bağlı ümumi istəyi nəzərə alınıb və müvafiq qərar qəbul edilib. Bundan sonra ümumşəhər qəbirstanlığında dəfn olunmuş 18 Vətən müharibəsi şəhidinin məzarının Yasamal rayonundakı Şəhidlər Xiyabanına köçürülməsi qərara alınıb.[2]
Qalereya
[redaktə | mənbəni redaktə et]- Qəbiristanlığın Bakı dairəvi avtomobil yolundan görünüşü
- Yusif Muxtarovun məzarı
- Amaliya Pənahovanın məzarı
- Arif Quliyevin məzarı
- Yaqub Zurufçunun məzarı
- Ramiz Novruzun məzarı
- Rəmişin məzarı
- Ağakişi Kazımovun məzarı
- Oqtay Əliyevin məzarı
- İranə Tağızadənin məzarı
İstinadlar
[redaktə | mənbəni redaktə et]- ↑ "Зильберштейн М. Еврейские кладбища Баку" (PDF). ourbaku.com. 2023-04-14 tarixində arxivləşdirilib (PDF). İstifadə tarixi: 2023-04-14.
- ↑ "Ümumşəhər qəbristanlığındakı 18 şəhidin məzarı Yasamal rayonundakı Şəhidlər Xiyabanına köçürülüb" (az.). apa.az. 2021-01-30. 2022-10-02 tarixində arxivləşdirilib. İstifadə tarixi: 2021-02-19.
![]() | Qaradağ rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |