İkinci Ərəbcəbirli — Vikipediya
İkinci Ərəbcəbirli | |
---|---|
40°38′13″ şm. e. 47°42′56″ ş. u. | |
Ölkə | |
Tarixi və coğrafiyası | |
Saat qurşağı | |
İkinci Ərəbcəbirli — Azərbaycan Respublikasının Göyçay rayonunun inzibati ərazi vahidində kənd. Şirvan düzündədir. Yaşayış məntəqəsi r-nun ərazisində məskunlaşmış ərəbcəbirli tayfasına məxsus kəndlərdəndir. Rayon mərkəzindən 4 km qərbdə, Ağdaş – Göyçay avtomobil yolu üzərində yerləşən kənd.
Tarixi
[redaktə | mənbəni redaktə et]Göyçay rayonunun ərazisində Azərbaycanın tarixi keçmişini əks etdirən bir sıra abidələr vardır. Rayonun Ərəbcəbirli kəndi ərazisində XII-XIV əsrdə inşa edilmiş və Ərəb xilafəti dövrünə aid Surxay qalası, İnçə və Ərəbcəbirli kəndləri ərazisində tapılmış və bizim eradan əvvəl II əsrə aid küp qəbirlərinin qalıqları bu ərazidə qədim dövrlərdə insan məskənlərinin mövcud olduğunu sübut edir[1]. 15 aprel 2005-ci ildə Azərbaycan Respublikasının Prezidentinin qanunu ilə Birinci Ərəbcəbirli, İkinci Ərəbcəbirli və Mirzəhüseynli kəndləri Şəhadət kənd inzibati ərazi dairəsinin tərkibindən ayrılaraq, İkinci Ərəbcəbirli kəndi mərkəz olmaqla, İkinci Ərəbcəbirli kənd inzibati ərazi dairəsi yaradılmışdır[2]. 2011-ci il oktyabr ayının 19-da Göyçay rayonunun Qaraməryəm və Ərəbcəbirli kəndlərinə ilk dəfə olaraq təbii qaz verilmişdir[3].
Toponimikası
[redaktə | mənbəni redaktə et]İkinci Ərəbcəbirli oyk, mür. Göyçay rayonunun şəhadət inzibati ərazi vahidində kənd. Şirvan düzündədir. Yaşayış məntəqəsi r-nun ərazisində məskunlaşmış ərəbcəbirli tayfasına məxsus kəndlərdəndir. Oykonimin birinci komponentifərqləndirici xüsusiyyətə malikdir.[4] Kəndin adı Ərəbşamlı tayfasının XIX əsrdə 12 ailədən ibarət ərəbcəbirli tirəsinin adı ilə əlaqədardır. Bu yaşayış məntəqəsi ərəbcəbirli tayfasının burada məskunlaşması nəticəsində yaranmışdır. Məntəqənin yaxınlığında orta əsrlərdə yaşayış yeri olmuşdur. Kənd ərazisindən IV –VIII əsrlərə aid çoxlu küp qəbirləri aşkara çıxarılmışdır. Bu qəbirlərdən müxtəlif təsvirləri olan bəzək əşyaları, şüşə, əqiq, muncuqlar və s. tapılmışdır. Ərazidəki bəzi qəbir yerlərindən vaxtilə Təbrizdə, Tiflisdə (XII əsr) zərb edilmiş Elxani sikkələri aşkar edilibdir.
Əhalisi
[redaktə | mənbəni redaktə et]2009-cu ilin siyahıyaalınmasına əsasən kənddə 1197 nəfər əhali yaşayır.[5]
Məşğuliyyəti
[redaktə | mənbəni redaktə et]Əhalisi əsasən heyvandarlıq, taxılçılıq, pambıqçılıq, baramaçılıq, bağçılıqla məşğul olur.
Mədəniyyəti
[redaktə | mənbəni redaktə et]Göyçay rayonu İkinci Ərəbcəbirli kənd məscidi dini icması Dini Qurumlarla İş üzrə Dövlət Komitəsində qeydiyyatdan keçmiş dini icmadır[6]. 2006-cı ildə Ərəbcəbirli kənd əsas məktəbi üçün 132 yerlik yeni tədris binası tikilmişdir[7].
Coğrafiyası və iqlimi
[redaktə | mənbəni redaktə et]- Şirvan düzünün şimal hissəsində Böyük Qafqaz dağlarının ətəklərində yerləşir.
Tanınmış şəxsləri
[redaktə | mənbəni redaktə et]- Ayaz Əhmədov – Vətən müharibəsi şəhidi
Həmçinin bax
[redaktə | mənbəni redaktə et]Xarici keçidlər
[redaktə | mənbəni redaktə et]İstinadlar
[redaktə | mənbəni redaktə et]- ↑ Göyçay (Fotosessiya) dintarixi.az saytı[ölü keçid]
- ↑ "Azərbaycan Respublikasının bəzi rayonlarının inzibati ərazi bölgüsündə qismən dəyişikliklər edilməsi haqqında Azərbaycan Respublikasının Prezidentinin 15 aprel 2005-ci il tarixli 892-IIQ saylı Qanunu". 2021-01-19 tarixində arxivləşdirilib. İstifadə tarixi: 2013-10-29.
- ↑ Göyçay rayonunun daha 2 kəndinə təbii qaz verilmişdir[ölü keçid]
- ↑ Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
- ↑ Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629
- ↑ "Dini icmalar". 2014-09-21 tarixində arxivləşdirilib. İstifadə tarixi: 2013-10-29.
- ↑ "Göyçay rayonunun sosial-iqtisadi inkişaf Proqramı (2004-2008-ci illər)" (PDF). 2013-09-13 tarixində orijinalından (PDF) arxivləşdirilib. İstifadə tarixi: 2013-10-29.
![]() | Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |