Ağakərim Şərifov — Vikipediya
Ağakərim Şərifov | |
---|---|
Şəxsi məlumatlar | |
Doğum tarixi | 1 noyabr 1949 (74 yaş) |
Doğum yeri | |
Partiya | |
Təhsili | |
Fəaliyyəti | siyasətçi |
Ağakərim Şərifov (1 noyabr 1949, Lənkəran) — Azərbaycan Respublikası Milli Məclisinin II çağırış[1] deputatı. 05.11.2000–02.12.2005-ci illər ərzində Milli Məclisin İqtisadi Siyasi Daimi Komisiyasının üzvü olub. Hal-hazırda "Azərenerji" ASC "Enerjisisteminin İdarəetmə Vasitələri Şəbəkəsi" MMC director müavini vəzifəsində işləyir (12 fevral 2007-ci ildən). Yeni Azərbaycan Partiyasının üzvüdür.
Həyatı və fəaliyyəti
[redaktə | mənbəni redaktə et]Ağakərim Şərifov Şirəli oğlu 1 noyabr 1949-cu ildə Lənkəran şəhərində anadan olmuşdur.
1966-cı ildə Lənkəran 3 saylı orta məktəbi bitirib.
1973-cü ildə Ç. İldırım adına Azərbaycan Politexnik İnstitutunu bitirib, Avtomatik elektrik rabitə mühəndisi peşəsinə yiyələnmişdir. İlk əmək fəaliyyətinə 1 saylı Bakı Tikinti Trestinin, 8 tikinti idarəsindən başlayıb (1968–1969).
1971–1973-cü illər ərzində Rabitə Nazirliyi BTŞ-nın ATS-37 idarəsində baş elektro-mexanik vəzifəsində işləyib.
1973–1974-cü illərdə Almaniya Demokratik Respublikasında Sovet ordusunda həqiqi hərbi xidmətdə olmuşdur.
1974–1985-ci illər ərzində Lənkəran Rabitə Qovşağında mühəndis vəzifəsində işləmişdir.
1985–1993-cü illər ərzində Lənkəran Təcrübə Cihazqayırma zavodunda direktor vəzifəsində çalışmışdır.
1993–1995-ci illər ərzində Lənkəran şəhər Xalq Deputatları Sovetinin sədri kimi fəaliyyət göstərmişdir.
1995–2000-ci illər ərzində Lənkəran şəhər İcra Hakimiyyətinin Başçısının humanitar məsələlər üzürə müavini vəzifəsində çalışmışdır.
2007-ci ildən hal-hazırkı vaxta kimi "Azərenerji" ASC "Enerjisisteminin İdarəetmə Vastələri Şəbəkəsi" MMC director müavini vəzifəsində çalışır.
Parlamentdə
[redaktə | mənbəni redaktə et]2000–2005-ci illər ərzində Azərbaycan Respublikası Milli Məclisinin II çağırış deputatı olmuşdur[1] deputatı, Milli Məclisin İqtisadi Siyasi Daimi Komisiyasının üzvü olub.
Ailəsi
[redaktə | mənbəni redaktə et]Evlidir, 5 övladı, 10 nəvəsi var.