Alim Qasımov — Vikipediya
Alim Qasımov | |
---|---|
Alim Həmzə oğlu Qasımov | |
![]() 2012-ci ildə "Sarı gəlin" xalq mahnısını ifa edərkən | |
Ümumi məlumatlar | |
Doğum tarixi | |
Doğum yeri | Nabur, Şamaxı rayonu, Azərbaycan SSR, SSRİ |
Vətəndaşlığı | ![]() ![]() |
Milliyyəti | Azərbaycanlı |
Uşağı | Fərqanə Qasımova |
Musiqiçi məlumatları | |
Fəaliyyəti | Xanəndə |
Fəaliyyət illəri | 1977—h.h. |
Janr | muğam |
Musiqi aləti | Dəf |
Təhsili | |
Mükafatları | ![]() ![]() ![]() ![]() ![]() ![]() ![]() ![]() |
![]() |
Alim Qasımov (14 avqust 1957[1], Nabur, Mərəzə rayonu Şamaxı) — Azərbaycan xanəndəsi, Azərbaycan Respublikasının xalq artisti (1993), Azərbaycan Respublikasının Dövlət Mükafatı laureatı (2010).
Həyatı
[redaktə | mənbəni redaktə et]Erkən illəri
[redaktə | mənbəni redaktə et]Alim Qasımov 1957-ci ildə Şamaxı rayonunun Nabur kəndində (indiki Qobustan rayonunun inzibati ərazi vahidliyinə daxildir) anadan olub. O, 1978–1982-ci illərdə Asəf Zeynallı adına Bakı Musiqi Məktəbində və 1983–1989-cu illərdə Azərbaycan Dövlət İncəsənət İnstitutunda muğam dərsləri alıb. Müəllimləri muğam xanəndələri Hacıbaba Hüseynov və Ağaxan Abdullayev olub.[2]
Yaradıcılığı
[redaktə | mənbəni redaktə et]1970-ci illər
[redaktə | mənbəni redaktə et]1979-cu ildə ilk çıxışı Azərbaycan Televiziyasında olub.
1980-ci illər
[redaktə | mənbəni redaktə et]1980-ci ildə Moskvada 22-ci Olimpiya oyunlarında iştirak edib.
1982-ci ildə birinci Respublika muğam müsabiqəsinin qalibi olub.[3]
1983-cü ildə Səmərqənddə keçirilən Beynəlxalq Musiqi Simpoziumuna qoşulub.
1990-cı illər
[redaktə | mənbəni redaktə et]2000-ci illər
[redaktə | mənbəni redaktə et]2000-ci ildə "Love's deep ocean" diski "Avropa Dünya Musiqi xəritəsi"ndə 9-cu yeri tutub və 47 Avropa ölkəsinin radiolarında səslənib. 2000-ci ildə Avropa Nadir Səslər assambleyasının üzvü seçilib.
2009-cu ildə Alim Qasımov ABŞ-nin Corctaun Universiteti və mərkəzi İordaniyada yerləşən Strateji Araşdırmalar Mərkəzinin keçirdiyi müsabiqədə dünyanın ən nüfuzlu 500 müsəlmanı arasında 4 azərbaycanlıdan biri olub.[3]
2010-cu illər
[redaktə | mənbəni redaktə et]2010-cu ildə Alim Qasımov fransalı DJ David Vendetta ilə "I'm your Goddess" adlı mahnını duet şəklində ifa edib.[4] 2010-cu il martın 17-də ABŞ-nin "The New York Times" qəzetinin jurnalisti Con Pareles Alim Qasımovu "ehtiras və sədaqət, düşüncə və cazibə ilə əlaqələndirən seyrək bir cəhətdən canlı olan ən böyük müğənnilərdən biri" adlandırıb.[5]
2011-ci il iyulun 4-də İslandiya müğənnisi Byork Böyük Britaniyanın "The Guardian" qəzetində nəşr olunan müsahibəsində Alim Qasımovu ən sevdiyi ifaçılar, onun "Azerbaijan: The Art of the Mugham" albomunu ən sevdiyi musiqi albomlar sırasına daxil edib.[6][7][8][9]
2012-ci il mayın 26-da Alim Qasımov Bakıda keçirilən 57-ci Avroviziya Mahnı Müsabiqəsinin final mərhələsində Azərbaycan təmsilçisi Səbinə Babayeva ilə eyni səhnəni paylaşıb.[3]
2015 Avropa Oyunlarının açılış mərasimi Alim Qasımovun canlı muğam ifası ilə başlayıb.[10] Daha sonra Alim Qasımov Bakı Olimpiya Stadionunda qaranlıqda uçan xalça üzərində muğam oxuyub.[10]
Şəxsi həyatı
[redaktə | mənbəni redaktə et]Ailəlidir. Qızı Fərqanə Qasımova xanəndədir.[11]
İrsi
[redaktə | mənbəni redaktə et]1997-ci ildə "Parni iz Baku" komandasının üzvü olan Bəhram Bağırzadə, 2010-cu ildə "Bu Şəhərdə" komediya duetinin aktyoru Rafael İsgəndərov Alim Qasımovun parodiyasını Bakıda keçən konsertlərində edib.
Ədəbiyyatda
[redaktə | mənbəni redaktə et]Alim Qasımov İordaniyanın Əmman şəhərində yerləşən Kral İslam Strateji Araşdırmalar Mərkəzi tərəfindən tərtib olunan "Dünyanın ən nüfuzlu 500 müsəlmanı" kitabının siyahısının 2009-cu ildən 2019-cu ilə qədər olan variantlarına daxil edilib.[12]
2007-ci il avqust ayında Alim Qasımovun 50 illik yubileyi münasibətilə Natəvan Faiqin "Alim Qasımov fenomeni" adlı kitab işıq üzü görüb.[13]
Filmoqrafiya
[redaktə | mənbəni redaktə et]Aktyor kimi
- Aşıq Qərib (film, 1988) — İfaçı
- Qəzəlxan (film, 1991) — Xanəndə
İfaçı kimi
- Doğma sahillər (film, 1989)
- Bəxtəvər (film, 1990)
- Gecə qatarında qətl (film, 1990)
- 40-cı qapı (film, 2008)
İştirak etdiyi film
Bəstəkar kimi
Diskoqrafiya
[redaktə | mənbəni redaktə et]Alim Qasımovun diskoqrafiyasına 7 studiya albomu və bir yığma albomu daxildir.
- Studiya albomları
- Classical Mugham (1996)
- Azerbaijan: Art of the Mugham (1998)
- The Legendary Art of Mugham (1998)
- Love's Deep Ocean (2000)
- Oyanış feat. Coldünya (2003)
- Central Asian Series, Vol. 6: Spiritual Music of Azerbaijan feat. Fərqanə Qasımova (2007)
- Intimate Dialogue feat. Fərqanə Qasımova (2010)
- Yığma albomları
- Central Asian Series, Vol. 6: Spiritual Music of Azerbaijan feat. Fərqanə Qasımova, Kronos Kvarteti & Humayun Saxi (2010)
Təltif və mükafatları
[redaktə | mənbəni redaktə et]- 1988 —
Beynəlxalq Musiqi Festivalı, I mükafat, Səmərqənd
- 1988 —
Azərbaycan SSR əməkdar artisti
- 1989 —
Musiqi medalı, Bonn
- 1993 —
Azərbaycan Respublikasının xalq artisti
- 1993 —
Musiqi medalı, Paris
- 1994 —
Musiqi medalı, Hyuston
- 1997 —
"Humay" mükafatı
- 1999 —
IMC UNESCO Beynəlxalq Musiqi Mükafatı
- 1999 —
Musiqi medalı
- 2000 —
"Almaniya Fonoqrafik tənqidçiləri"nin diplomu
- 2001 —
"Şərq təranələri" Beynəlxalq Musiqi Festivalı, Səmərqənd[14]
- 2003 —
IMC UNESCO Mükafatı
- 2008 —
"Şöhrət" ordeni
- 2010 —
Azərbaycan Respublikasının Dövlət Mükafatı[15]
- 2014 —
"Qızıl çinar" beynəlxalq mükafatı[16]
- 2017 —
"Şərəf" ordeni[17]
- 2024 —
"Heydər Əliyevin 100 illiyi (1923–2023)" yubiley medalı[18]
İstinadlar
[redaktə | mənbəni redaktə et]- ↑ Alim Qasimov // SNAC (ing.). 2010.
- ↑ "Ağaxan Abdullayev: "25-30 tələbənin içindən bir Alim Qasımov çıxırsa, mənə bəs edir" - FOTO". milli.az. milli.az. 2022-03-24 tarixində arxivləşdirilib. İstifadə tarixi: 3 aprel 2020.
- ↑ 1 2 3 "Qasımov Alim - Xanəndə". report.az. report.az. 2019-03-06 tarixində arxivləşdirilib. İstifadə tarixi: 22 iyul 2016.
- ↑ "Alim Qasımov David Vendetta ilə klip çəkdirib". www.anl.az. www.anl.az. 2022-03-24 tarixində arxivləşdirilib. İstifadə tarixi: 3 aprel 2020.
- ↑ Pareles, Jon. "Classical Azeri Poetry in Song, From a Team of Father and Daughter". The New York Times. 15 March 2010. 15 February 2021 tarixində arxivləşdirilib. İstifadə tarixi: 31 March 2011.
- ↑ Ross, Alex. "How Björk broke the sound barrier". www.theguardian.com. www.theguardian.com. 2015-04-07 tarixində arxivləşdirilib. İstifadə tarixi: 3 aprel 2020.
- ↑ "Björk: 'Manchester is the prototype'". www.theguardian.com. www.theguardian.com. 2011-07-23 tarixində arxivləşdirilib. İstifadə tarixi: 3 aprel 2020.
- ↑ "The songs that get Björk out of bed in the morning". www.abc.net.au. www.abc.net.au. 2022-03-24 tarixində arxivləşdirilib. İstifadə tarixi: 3 aprel 2020.
- ↑ "Catch a mind-blowing performance by mugham master Alim Qasimov at KLIAF". www.thestar.com.my. www.thestar.com.my. 2022-03-24 tarixində arxivləşdirilib. İstifadə tarixi: 3 aprel 2020.
- ↑ 1 2 "Alim Qasımov xalçada uçmasından danışır". www.azadliq.org. www.azadliq.org. 2022-03-24 tarixində arxivləşdirilib. İstifadə tarixi: 3 aprel 2020.
- ↑ "Alim Qasımov: MUĞAM MƏNƏVİ QİDADIR". www.anl.az. www.anl.az. 2022-03-24 tarixində arxivləşdirilib. İstifadə tarixi: 3 aprel 2020.
- ↑ "İlham Əliyev, Allahşükür Paşazadə, Alim Qasımov - Ən nüfuzlular siyahısı açıqlandı". sputnik.az. sputnik.az. 2021-07-26 tarixində arxivləşdirilib. İstifadə tarixi: 3 aprel 2020.
- ↑ ""Alim Qasımov fenomeni" adlı kitab və disk hazırlanıb". www.anl.az. www.anl.az. 2022-03-24 tarixində arxivləşdirilib. İstifadə tarixi: 3 aprel 2020.
- ↑ "Özbəkistanın Səmərqənd şəhərində "Şərq təranələri" X Beynəlxalq Musiqi Festivalı keçirilir". zamaninsesi.com. zamaninsesi.com. 2016-08-29 tarixində orijinalından arxivləşdirilib. İstifadə tarixi: 18 iyul 2016.
- ↑ "2010-cu il üçün Azərbaycan Respublikasının Elm, mədəniyyət və ədəbiyyat üzrə dövlət mükafatlarının verilməsi haqqında Azərbaycan Respublikası Prezidentinin Sərəncamı". 2022-03-24 tarixində arxivləşdirilib. İstifadə tarixi: 2020-04-04.
- ↑ "Ümummilli lider Heydər Əliyevin anadan olmasının 91-ci ildönümünə və Heydər Əliyev Fondunun yaradılmasının 10 illiyinə həsr olunmuş təntənəli mərasim keçirilmişdir". "Azərbaycan" qəzeti (az.). anl.az. 11 may 2014. 2022-03-24 tarixində arxivləşdirilib. İstifadə tarixi: 2015-05-18.
- ↑ "A.H.Qasımovun "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı". 2021-10-26 tarixində arxivləşdirilib. İstifadə tarixi: 2020-04-03.
- ↑ AzərTAc. "Деятелям культуры и искусства вручена юбилейная медаль «100-летие Гейдара Алиева (1923–2023)»" (Turoyo). AzərTAc. 07.05.2024. İstifadə tarixi: 2024-05-08.
Xarici keçidlər
[redaktə | mənbəni redaktə et]![](http://upload.wikimedia.org/wikipedia/commons/thumb/f/fa/Wikiquote-logo.svg/34px-Wikiquote-logo.svg.png)
- Alim Qasımov — Facebook səhifəsi
- Alim Qasımov — Instagram səhifəsi
- Alim Qasımov — IMDb səhifəsi