Armand Artsruni — Vikipediya
Armand Artsruni | |
---|---|
Doğum tarixi | avqust 1901 |
Doğum yeri | |
Vəfat tarixi | 1963[1][2] |
Vəfat yeri | |
Fəaliyyəti | fotoqraf |
Fəaliyyət illəri | 1920–1960 |
![]() |
Armand Artsruni (erm. Արմենակ Արծրունի; avqust 1901, Ərzurum, Ərzurum vilayəti – 1963[1][2], Qahirə) və ya mononimi ilə Armand — Misirdə yaşamış erməniəsilli fotoqraf. O, gəlirli bir niş bazarında fəaliyyət göstərən zaman portret fotoqrafiyasında ixtisaslaşmışdır. Armand Misirin yuxarı təbəqəsi tərəfindən çox zaman işə götürülmüş və Misirdə fotoqrafiya çətirlərindən istifadə edən ilk fotoqraf olmuşdur.
Həyatı
[redaktə | mənbəni redaktə et]Armand Artsruni 1901-ci ilin avqustunda o zamanlar Osmanlı imperiyasının bir hissəsi olan Ərzurumda anadan olmuşdur. O, 1907-ci ildə atası ilə birlikdə Misirin İsgəndəriyyə şəhərinə gəlmişdir. Məktəbdə rəsm çəkməyə həvəsi var idi. O, İsgəndəriyyədə yaşayan fotoqraf Nadirin yanında şagird kimi fəaliyyətə başlamışdı. Armand 1925-ci ildə Midan Mustafa Kamal küçəsi yaxınlığında, Ard əl-Şərifdə yerləşən studiyasında avstriyalı yəhudi fotoqraf və portretçi Solanın köməkçisi kimi Qahirəyə getmişdir. Sola Artsrunini ağ-qara fotoşəkillərin rənglənməsi, eləcə də boya çiləyiciliyi texnikası, kömür və təbaşirdən istifadəni öyrənmək üçün Avstriyaya göndərmişdir. 1930-cu ildə Solanın ölümündən sonra Artsruni Midan Mustafa Kamalda "Armand Studio" adı altında öz studiyasını açmışdır. Atası ona böyük ölçüləri olan neqativləri idarə edə bilən nəhəng böyüdücü düzəltmişdir. 1950-ci illərin ortalarında onun ilk studiyası məhv olmaq təhlükəsi ilə üzləşmişdi və buna görə də o, 1956-cı ildə Tələt Hərb küçəsində ikinci studiyasını açmışdır. O, portret fotoqrafiyası üzrə ixtisaslaşmış və siyasətçilərin, kino ulduzlarının, məşhur kabare rəqqasələrinin, eləcə də kral ailəsinin üzvlərinin fotoşəkillərini çəkmişdir. 1952-ci il inqilabı onun karyerasına mane olmamış və o, məşhur insanların, xüsusilə də Camal Əbdül Nasirin və Misirə səfər edən xarici dövlət başçılarının fotoşəkillərini çəkməyə davam etmişdir.[4]
İstinadlar
[redaktə | mənbəni redaktə et]- ↑ 1 2 Armand // RKDartists (nid.).
- ↑ 1 2 Armand // Photographers’ Identities Catalog.
- ↑ RKDartists (nid.).
- ↑ Zaatari, Akram. Portraits du Caire: Van Leo, Armand, Alban [Portraits of Cairo: Van Leo, Armand, Alban]. Fondation Arabe pour l'Image (French). Arles: Actes Sud. 1999. ISBN 978-2-7427-2252-5. OCLC 41529732.
Xarici keçidlər
[redaktə | mənbəni redaktə et]Vikianbarda Armand Artsruni ilə əlaqəli mediafayllar var.