Aydın Ələkbəroğlu — Vikipediya
Aydın Ələkbəroğlu | |
---|---|
Doğum tarixi | |
Doğum yeri | Şuşa rayonu, Azərbaycan SSR, SSRİ |
Vəfat tarixi | |
Vəfat yeri | Bakı, Azərbaycan |
Vətəndaşlığı | ![]() |
Milliyyəti | Azərbaycanlı |
Dini | İslam |
İxtisası | Tərcüməçilik |
Təhsili | Azərbaycan Dövlət Universitetinin |
Fəaliyyət illəri | 1966-1995 |
Aydın Ələkbəroğlu Abdullayev (1946, Şuşa, — 1995, Bakı) — Dövlət Təhlükəsizlik Komitəsinin əməkdaşı, yazıçı, tərcüməçi, 1990–1995-ci illərdə Azərbaycan SSR Ali Sovetinin deputatı[1]
Həyatı
[redaktə | mənbəni redaktə et]Aydın Ələkbəroğlu 1946-cı ildə Şuşada anadan olmuşdur. Əslən Qubadlının Eyvazlı kəndindədir. Bakıda 44 saylı orta məktəbi bitirdikdən sonra Azərbaycan Dövlət Universitetinin (indiki BDU) şərqşünaslıq fakültəsinin ərəb bölməsində təhsil almışdır (1964-1970). Misirdə (1967) və Yəməndə (1970-1972) tərcüməçi işləmişdir. 1974-cü ildən ömrünün sonunadək Azərbaycan Respublikası Dövlət Təhlükəsizliyi Komitəsində çalışmışdır. 1990-1995-ci illərdə Azərbaycan Milli Məclisinin deputatı olmuşdur.
Yaradıcılığı
[redaktə | mənbəni redaktə et]Ədəbi yaradıcılığa 1966-cı ildə «Göyərçin» jurnalında dərc etdirdiyi «Təəccüblənmə, Elxan» adlı uşaqlar üçün yazılmış hekayə ilə başlamışdır. Bundan sonra dövri mətbuatda tez-tez maraqlı əsərlərilə çıxış edən müəllif oxuculara «Nübar» (1980), «Dağlar o dağlar deyil» (1984), «Gərək belə olmayaydı» (1988) və b. kitablarını təqdim etmişdir.
Bədii tərcümələri
[redaktə | mənbəni redaktə et]Yazıçı bədii tərcümə ilə də məşğul olmuş, Şərq ədəbiyyatından nümunələri dilimizə tərcümə etmişdir. Tərcümələri sırasında dünya ədəbiyyatından nümunələr də var:
- "Dünya uşaq ədəbiyyatı" seriyasından Qrim qardaşlarının nağılları,
- Pivovarovun «Üç minus və ya 5a sinfində əhvalat" povesti,
- Yanuş Korçakın "Kral Birinci Matiuş" əsəri,
- Saya Kazisin "Taxta başmaqlar" hekayələr toplusu,
- Stendalın məşhur «Qırmızı və qara" romanı.[2]
İstinadlar
[redaktə | mənbəni redaktə et]- ↑ "Xəlil Rza Ulutürkün mitinqdə təriflədiyi DTK əməkdaşı... - AYDIN ƏLƏKBƏROĞLU KİM OLUB?". 2024-04-10 tarixində arxivləşdirilib. İstifadə tarixi: 2024-04-10.
- ↑ "Azərbaycan xalqı hər zaman ləyaqətli, şərəfli oğulları ilə qürur duyub". 2024-04-10 tarixində arxivləşdirilib. İstifadə tarixi: 2024-04-10.