B-4 metrostansiyası (Bakı) — Vikipediya
B-4 metrostansiyası | |
---|---|
![]() | |
Qonşu stansiyalar | 8 Noyabr, Qış Bulvarı metrostansiyası |
|
B-4 stansiyası — Bakı metrosunun Bənövşəyi xəttinin hal-hazırda tikintisi davam etməkdə olan 5-ci stansiyası. Metrostansiya Nəsimi rayonu ərazisində, Cəlil Məmmədquluzadə küçəsində, 1 saylı Mərkəzi Klinik Xəstəxanasının arxasında, Heydər Əliyev adına İdman Konsert Kompleksinin yaxınlığında yerləşir.
Stansiyanın 2024-cü ilin sonu 2025-ci ilin ilk yarısında təhvil verilməsi planlaşdırılıb.[1]
Tarixi
[redaktə | mənbəni redaktə et]21 sentyabr 2021-ci ildə Bakı metropoliteninin Bənövşəyi xətti üzrə Cəlil Məmmədquluzadə küçəsində Heydər Əliyev adına İdman-Konsert Kompleksinin arxasındakı ərazidə yerləşəcək şərti adı B-04 olan stansiyanın inşasına başlanılıb. Bakı Metropoliteni QSC-nin Tikinti Departamentinin baş mühəndisi Yaqub Musayev deyib ki, stansiyanın yeri müəyyən edilib: "Yeni stansiya metronun "Nizami" stansiyasına yaxın ərazidə inşa ediləcək. Stansiya "Beşmərtəbə" deyilən ərazinin arxasında, 1 saylı Doğum evinin yanında inşa ediləcək".[2]
“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov 2023-cü ilin fevralında deyib: “Metrostansiya özü 4 səviyyədən ibarət olacaq. Artıq 3 səviyyədə qazıntı işləri başa çatıb. 4-cü səviyyənin isə yarısı qazılıb. Yəni 144 metrlik platforma, ümumən isə 170 metr uzunluğunda kompleksdir. Onun təxminən 70-80 metri qazılıb. İşlər də planlı şəkildə davam edir. 4-cü səviyyə qrunt suların bol olması tikintinin normal qaydalara uyğun işinin fərqlənməsinə səbəb oldu. Bəzən deyirlər ki, “1-ci səviyyəni tez tikdiniz, digər səviyyələrdə isə işlər ağır getdi”. İş ağır getmir. Bu sadəcə olaraq işin planlaşdırılmış qaydasıdır. Bir sözlə, işlər qaydasında gedir. Aparılan qazıntı işləri bu ilin sonuna qədər tam başa çatacaq. Gələn il ərzində infrastruktur və təchizat məsələləri ilə bağlı işlər həll olunacaq. Qeyri-adi nəsə baş verməsə, 2024-cü ilin sonlarında stansiyanı təhvil vermək mümkün ola bilər”[3]
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ Orxan Hüseyn. "Bakıda yeni tikilən metro stansiyası ilə bağlı AÇIQLAMA - Bu tarixdə təhvil veriləcək". Baku.ws (az.). 2023-04-06 tarixində arxivləşdirilib. İstifadə tarixi: 2023-04-05.
- ↑ "Bakıda bu ərazidə də metro stansiyası tikiləcək". 2023-02-10 tarixində arxivləşdirilib. İstifadə tarixi: 2023-02-10.
- ↑ "Bakıda yeni metrostansiya bu tarixdə açılacaq". 2023-02-17 tarixində arxivləşdirilib. İstifadə tarixi: 2023-02-17.
Xarici keçidlər
[redaktə | mənbəni redaktə et]
![]() | Bakı şəhəri ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |