Belovejskaya Puşça Milli Parkı — Vikipediya

Belovejskaya Puşça Milli Parkı
belar. Нацыянальны парк Белавежская пушча
BTMB kateqoriyası — II (Milli park)
Sahəsi	1.529,6 km2 ha
Yaradılma tarixi	11 avqust 1932
İdarəetmə orqanı	Belarus Təbiət Nazirliyi
Yerləşməsi
52°35′07″ şm. e. 23°52′44″ ş. u.HGYO
Ölkə	Belarus
Vilayət	Brest regionu Qrodno regionu
Rayon	Kamyanyets Prujani Sviçlaç
npbp.brest.by
Belovejskaya Puşça Milli Parkı
UNESCO Ümumdünya İrsi
Tipi	Təbii
Kriteriya	ix, x
Hissəsi	Białowieża Forest
İstinad nöm.	33-001
Vikianbarda əlaqəli mediafayllar

Belovejskaya Puşça Milli Parkı (rus. Национальный парк «Беловежская пуща»; belar. Нацыянальны парк Белавежская пушча^[1][2][3]) — Belarusun Brest regionunun Kamyanyets və Prujani rayonlarında, Qrodno regionunun Sviçlaç rayonunda yerləşən milli park. Milli park Polşa ilə sərhəddədir. Bu ərazidə Avropanın qədim meşələrindən Byaloveşa meşəsi mühafizə olunur. Belarus-Polşa sərhədini bu meşə müəyyən edir və Polşa tərəfində Byaloveşa Milli Parkı yerləşir. Sərhəddə turistlər və velosipedçilər üçün keçid vardır. Milli parkda Avropa qitəsinin ən ağır quru heyvanları — Avropa bizonu yaşayır.

Belovejskaya Puşça Biosfer Qoruğunun sahəsi 1.171 km²-dır. Əsas hissəsinin sahəsi 157 km², bufer zonasının sahəsi 174 km², tranzit zonasının sahəsi 700 km², Dünya irsi bölgəsinin sahəsi isə 876 km²-dır. Milli park Brest şəhərinin 40 km şimalındadır və Brest regionunun 2,7 %-ini təşkil edir.^[4]

Bu ərazilər haqqında ilk qeydlər 983-cü ilə aiddir. Milli parkın adı XIV əsrdə qurulmuş Belaya Veja şəhərindən və XV əsrdə Polşa və Litva tarixi sənədlərində qeyd olunan Puşça sözündən almışdır.

İkinci Polşa Respublikası dövründə Byaloveşa meşəsinin böyük hissəsi 11 avqust 1932-ci ildə milli park elan olunmuşdur. İkinci dünya müharibəsindən sonra bağlanmış müqaviləyə əsasən Byaloveşa meşəsi Polşa ilə Belarus SSR arasında bölüşdürülmüşdür. 1947-ci ildə Polşada Byaloveşa Milli Parkı qurulmuşdur.

Milli parkın idarəetmə orqanı Kamyanyukidədir. Orada kiçik muzey, restoran, bar, hotellər (SSRİ dövründə tikilmiş və baxıma möhtacdırlar) yerləşir.

Milli park Belarusun ən əhəmiyyətli ekosisteminə sahibdir. Burada 900 bitki növü (zanthoxylum, şam ağacı, Avropa ağ şamı, nadir ot növləri) və 250 heyvan növü (Avropa bizonu, canavar, adi vaşaq, susamuru, böyük xallı qartal, durna, ağacdələn, adi yapalaqca) yaşayır.

• Vikianbarda Belovezhskaya Pushcha National Park ilə əlaqəli mediafayllar var.
• Təbiət saytı
• Səyahət Arxivləşdirilib 2020-05-25 at the Wayback Machine
• Rəsmi sayt Arxivləşdirilib 2020-04-02 at the Wayback Machine