Dərman — Vikipediya
![](http://upload.wikimedia.org/wikipedia/commons/thumb/0/00/FlattenedRoundPills.jpg/250px-FlattenedRoundPills.jpg)
![](http://upload.wikimedia.org/wikipedia/commons/thumb/6/65/12-08-18-tilidin-retard.jpg/220px-12-08-18-tilidin-retard.jpg)
Dərman — insan və heyvanlarda xəstəlikləri müalicə etmək üçün istifadə edilən farmokoloji vasitə. Tibbi praktikada olduqca çox dərmanlar işlədilir. Odur ki, onlar haqqında tam təsəvvür yaratmaq üçün dərmanları oxşar xüsusiyyətlərinə görə qruplaşdırırlar. Ən geniş yayılmış təsnifat dərmanların həm farmakoloji təsir xüsusiyyətləri və həm də kimyəvi tərkibi əsas götürülən qarışıq təsnifatdır.[1]
![](http://upload.wikimedia.org/wikipedia/commons/thumb/d/dd/Syd%C3%A4nl%C3%A4%C3%A4kkeen_pakkausta_l%C3%A4%C3%A4ketehdas_Starilla_vuonna_1953._Kuva_Vapriikin_kuva-arkisto._%2816248845637%29.jpg/220px-Syd%C3%A4nl%C3%A4%C3%A4kkeen_pakkausta_l%C3%A4%C3%A4ketehdas_Starilla_vuonna_1953._Kuva_Vapriikin_kuva-arkisto._%2816248845637%29.jpg)
Ən bahalı dərmanlar[2]
[redaktə | mənbəni redaktə et]Bəzi aztapılan dərmanlarla müalicə kursunun illik xərci xəstəyə yüz minlərlə dollara başa gəlir. Forbes jurnalı dünyanın ən bahalı dərmanlarının siyahısını tərtib etmişdir.
Jurnalın məlumatına görə, dünyada ən bahalı dərman Alexion Pharmaceutical şirkətinin istehsalı olan Soliris preparatıdır. Bu dərmanla illik müalicə kursu 409,5 min dollara başa gəlir. Soliris immun sisteminin unikal pozğunluğundan əziyyət çəkənlərə yardım edir. İnsan yatanda onun qanında qırmızı qan hissəcikləri (paroxysymal nocturnal hemoglobinuria) parçalanır. Dərman bazara iki il öncə daxil olub.
Soliris dərmanının yazıldığı immun sisteminin pozulması xəstəliyindən ABŞ-də 8 min insan əziyyət çəkir. Bu dərmanın satış həcmi 2009-cu ildə 300 milyon dollara çatıb.
Jurnal qeyd edir ki, xəstəlik nadir olduqda onun dərmanı da baha olur. ABŞ-də cəmisi 500 nəfər Hantera sindromu kimi tanınan genetik xəstəlikdən əziyyət çəkir. Bu xəstələr üçün hazırlanmış Elaprase dərmanının illik xərci 375 min dollardır. Shire Pharmaceuticals şirkəti tərəfindən işlənmiş Elaprase dərmanı ötən il təkcə ABŞ bazarlarında 353 milyon dollar həcmində satılıb.
Daha bir nadir preparat BioMarin Pharmaceuticals şirkətinin istehsalı olan Naglazyme dərmanıdır. Bu dərman xəstəyə ildə 365 min dollara başa gəlir.
Ən bahalı dərmanlar siyahısında müalicə kursu 200 min dollaк olan 9 adlı dərman daxil edilib.
Həmçinin bax
[redaktə | mənbəni redaktə et]Mənbə
[redaktə | mənbəni redaktə et]İstinadlar
[redaktə | mənbəni redaktə et]- ↑ "Dərmanlar". 2021-10-25 tarixində arxivləşdirilib. İstifadə tarixi: 2012-04-04.
- ↑ "Dünyanın ən bahalı dərmanlarının adları açıqlandı". 2010-04-05 tarixində orijinalından arxivləşdirilib. İstifadə tarixi: 2010-03-31.