Edviq — Vikipediya

Edviq
Ēadwiġ
İngiltərə kralı
955 23 noyabr – 959 1 oktyabr
Əvvəlki	Edred
Sonrakı	Edqar
Şəxsi məlumatlar
Doğum tarixi	təq. 940[1]
Doğum yeri	Uesseks krallığı[d]
Vəfat tarixi	1 oktyabr 959(0959-10-01)
Vəfat yeri	Qloster[d], Qlosterşir[d], İngiltərə[1]
Dəfn yeri	Vinçester kafedralı[d]
Fəaliyyəti	monarx
Atası	I Edmund
Anası	Elfqita
Həyat yoldaşı	Elqiva
Vikianbarda əlaqəli mediafayllar

Edviq (İdviq; ing. Ēadwiġ; təq. 940^[1], Uesseks krallığı^[d] – 1 oktyabr 959, Qloster^[d][1]) — Uesseks sülaləsindən olan İngiltərə kralı. Kral I Edmundun birinci həyat yoldaşı Elfqitadan olan böyük oğlu.

Edviq 14 yaşında İngiltərənin kralı elan olunmuş, kral elan olunduqdan sonra dayısı Edredin əsas məsləhətçisi olan Abbat Dunstanı sürgün etdirmişdir.

Dunstan ilə Edviq arasında mübahisə Edviqın tacqoyma mərasimində baş vermişdi. Belə ki, qonaqlar onun şərəfinə badələr qaldıranda Edviq gələcək həyat yoldaşı Elqiva ilə birlikdə mərasimi tərk etmişdi. Dunstanın əmri ilə Edviq güclə mərasimə gətirilmişdi. Buna cavab olaraq Edviq Dunstanı dövlət maliyyəsini xərcləməkdə təqsirləndirərək sürgün etdirmişdir.

Dunstanı sürgün etməklə Edviq Dunstanın tərəfdaşlarını özünə düşmən etdi. 958-ci ildə Mersiya və Nortumbriya zadəganları Edviqın balaca qardaşı Edqarı kral elan etdilər. Daha sonra Edviqı həyat yoldaşı Elqiva ilə boşanmağa məcbur etdilər və onu İrlandiyaya sürgün etdilər.

Edviq 1 oktyabr 959-cu ildə naməlum səbəblər nəticəsində ölmüşdür.

• Britaniya monarxlarının siyahısı

• Anqlo-Sakson tarixçəsi
• K.Rıjov, "Bütün dünyanın monarxları". Qərbi Avropa.