Eyvaz Qələmçəli — Vikipediya
EYVAZ QƏLƏMÇƏLİ | |
---|---|
Eyvaz Qasım oğlu Həsənov | |
Doğum tarixi | 1929 |
Doğum yeri | |
Vəfat tarixi | 19 mart 2003 |
Vəfat yeri | |
Dəfn yeri | |
Fəaliyyəti | şair |
Eyvaz Qələmçəli (1929, Köhnəqışlaq, Ağstafa rayonu – 19 mart 2003, Ağstafa rayonu) — şair[1], Azərbaycan Yazıçılar Birliyinin üzvü.
Həyatı
[redaktə | mənbəni redaktə et]Eyvaz Qələmçəli 1929-cu ildə Ağstafa rayonunun Köhnəqışlaq kəndində anadan olub. 15 yaşından şeir yazmağa başlayıb. İndiyə kimi üç kitabı - "Könlüm istəyir", "Bu dağlardadır", "Kürəyində haqqın əli" nəşr olunaraq oxucuların ixtiyarına verilib.
Eyvaz Qələmçəli "Şəhid oldu", "Kürəyində haqqın əli", "Qurbanam", "İncədərə", "Qoru", "Ehtiyacım var", "Gəncə bax", "Kimi", "Qaldı", "Ağlar", "Həkim", "Dünya", "Qocalmışam", "Mən Qocalmazdım", "Düşür yadıma", "Səslə mən döyüşə", "Azərbaycan əsgəri", "Ay aşıq", "Ceyrançölün çobanları", "Sinədəftər şair Zəlimxan Yaquba", "Hanı", "Aşıqlar evi", "Allah" və s. yüzlərlə şeir yazmışdır.
Min yerdən atıldı odlu daş mənə,
Biri ona dəymədi, dəydi beş mənə.
Vətən torpağını yağı düşmənə
Satanlar qocaltdı, mən qocalmazdım.
-deyən şair 2003-cü ilin mart ayının 19-da dünyasını dəyişib. Ağstafa rayon İcra Başçısının və Yazıçılar Birliyinin birgə fəaliyyəti nəticəsində onun 80 illik yubileyi 2009-cu il iyul ayının 3-də təntənəli qeyd edilib.
İstinadlar
[redaktə | mənbəni redaktə et]- ↑ “Sovet Ermənistanı”, №43 (9690), 8 aprel 1972. səh.4