Famil Mustafayev — Vikipediya
Famil Mustafayev | |
---|---|
Famil Front oğlu Mustafayev | |
![]() | |
21.06.2019 – hal-hazırda | |
Şəxsi məlumatlar | |
Doğum tarixi | 18 sentyabr 1966 (57 yaş) |
Doğum yeri | |
Milliyyəti | Azərbaycanlı |
Vətəndaşlığı | ![]() |
Təhsili |
|
Elmi fəaliyyəti | |
Elm sahəsi | iqtisadiyyat |
Elmi dərəcəsi | |
Elmi adı |
Famil Front oğlu Mustafayev (18 sentyabr 1966, Salyan rayonu) — Azərbaycan Respublikasının Prezidenti yanında Ali Attestasiya Komissiyasının sədri.[1]
Həyatı
[redaktə | mənbəni redaktə et]Famil Mustafayev 18 sentyabr 1966-cı ildə Salyan rayonunda anadan olmuşdur. 1983-cü ildə orta məktəbi əla qiymətlərlə bitirmişdir. 1984–1989-cu illərdə Rusiya Federasiyasında Rostov Dövlət Universitetinin İqtisadiyyat fakültəsində siyasi iqtisad ixtisası üzrə təhsil almış və universiteti fərqlənmə diplomu ilə bitirmişdir. 1998–2002-ci illərdə Bakı Dövlət Universitetinin Hüquq fakültəsində hüquqşünaslıq ixtisası üzrə təhsil almış və universiteti fərqlənmə diplomu ilə bitirmişdir.[1]
Ailəlidir, iki övladı var.
Əmək fəaliyyəti
[redaktə | mənbəni redaktə et]1989–1992-ci illərdə Azərbaycan Texniki Universitetində "Siyasi iqtisad" kafedrasında müəllim, 1992–1994-cü illərdə Azərbaycan Respublikası Dövlət Antiinhisar Siyasəti və Sahibkarlığa Kömək Komitəsində şöbə rəisi, Sahibkarlığa Kömək Milli Fondunun direktor müavini, 1994–1996-cı illərdə "Azərbaycan İnvestisiya Şirkəti" SC-nin vitse-prezidenti, prezidenti, 1996–1999-cu illərdə Azərbaycan Respublikası Dövlət Əmlak Komitəsində şöbə rəisi, Milli Depozit Mərkəzinin icraçı direktoru, prezidenti, 1999–2000-ci illərdə Azərbaycan Respublikasının Prezidenti yanında Qiymətli Kağızlar üzrə Dövlət Komitəsində Milli Depozit Mərkəzinin prezidenti, 2001–2004-cü illərdə Azərbaycan Dövlət İqtisad Universitetində "İqtisadi nəzəriyyə-2" kafedrasının baş müəllimi, 2004–2015-ci illərdə "Azərbaycan Milli Ensiklopediyası" Elmi Mərkəzinin direktor müavini, 2004–2019-cu illərdə Azərbaycan Dövlət İqtisad Universitetində 0,5 ştat professoru, 2015–2016-cı illərdə Azərbaycan Respublikasının təhsil nazirinin müşaviri, 2016–2018-ci illərdə Təhsil Nazirliyi yanında Peşə Təhsili üzrə Dövlət Agentliyinin direktoru, 2018–2019-cu illərdə Azərbaycan Respublikasının Prezidenti yanında Ali Attestasiya Komissiyası sədrinin vəzifələrini icra edən sədr müavini işləmişdir.
2019-cu ilin 21 iyun tarixindən Azərbaycan Respublikasının Prezidenti yanında Ali Attestasiya Komissiyasının sədridir.[2]
İctimai fəaliyyəti
[redaktə | mənbəni redaktə et]2011–2013-cü illərdə Azərbaycan Respublikası Prezidenti yanında Ali Attestasiya Komissiyasının "İqtisadiyyat" elmləri üzrə ekspert şurasının üzvü olub.[3]
2013-cü ilin fevral–oktyabr aylarında Azərbaycan Respublikası Prezidenti yanında Ali Attestasiya Komissiyasının "İqtisadiyyat və Hüquq" elmləri üzrə ekspert şurasının sədri vəzifəsini icra edib.[4]
2013–2018-ci illərdə "İqtisadiyyat" elmləri üzrə ekspert şurasının sədri olub.
2017–2018-ci illərdə Təhsil Nazirliyi yanında Təhsil və Məşğulluq üzrə Daimi Şuranın sədri vəzifəsində işləyib.
2018-ci ilin iyul-sentyabr aylarında Azərbaycan Respublikası Təhsil Nazirliyinin kollegiyasının üzvü olmuşdur.
Elmi fəaliyyəti
[redaktə | mənbəni redaktə et]1998-ci ildə "Keçid dövründə çoxukladlı iqtisadiyyatın formalaşmasında özəlləşdirmənin rolu" mövzusunda namizədlik dissertasiyasını müdafiə edərək İqtisad elmləri namizədi elmi dərəcəsini almışdır. 2010-cu ildə "Transformasiya şəraitində makroiqtisadi proseslərin dövlət tənzimlənməsi problemləri" mövzusunda doktorluq dissertasiyasını müdafiə edərək İqtisad üzrə elmlər doktoru elmi dərəcəsini almışdır.[1]
2009-cu ildə Azərbaycan Respublikası Prezidenti yanında Ali Attestasiya Komissiyasının qərarı ilə dosent elmi adını, 2014-cü ildə isə professor elmi adını almışdır. 60-dan çox məqalə, dərslik, dərs vəsaiti və proqramları, iki monoqrafiyanın müəllifidir.[1]
İstinadlar
[redaktə | mənbəni redaktə et]- ↑ 1 2 3 4 "Azərbaycan Respublikasının Prezidenti yanında Ali Attestasiya Komissiyasının sədri Famil Front oğlu Mustafayev İqtisad elmləri doktoru, professor". 2023-09-26 tarixində arxivləşdirilib. İstifadə tarixi: 2024-01-18.
- ↑ "Dissertasiya şuralarının fəaliyyətinin nəticələrinə dair müzakirələr aparılıb". 2023-03-27 tarixində arxivləşdirilib. İstifadə tarixi: 2024-01-18.
- ↑ Famil Mustafayev: 2021-ci ilin mart–iyun ayları ərzində 248 dissertasiya müdafiəsi keçirilib
- ↑ "Famil Mustafayev: "Elmi tədqiqat işlərinin sənayenin, biznesin və innovasiya iqtisadiyyatının çağırışlarına fokuslanması günün tələbidir"". 2024-01-18 tarixində arxivləşdirilib. İstifadə tarixi: 2024-01-18.
Xarici keçidlər
[redaktə | mənbəni redaktə et]- http://www.aak.gov.az/rehberlik/ Azərbaycan Respublikasının Prezidenti yanında Ali Attestasiya Komissiyası