GitHub Copilot — Vikipediya
GitHub Copilot | |
---|---|
![]() | |
Tipi | xidmət kimi proqram təminatı |
Tərtibatçı | Github Inc.[d], OpenAI |
Əməliyyat sistemi | Microsoft Windows, Linux, macOS |
Yayımlanma tarixi | 27 oktyabr 2021 |
Sonuncu versiya |
|
Sayt | copilot.github.com |
GitHub Copilot — Visual Studio Code, Visual Studio, Neovim və JetBrains kimi inteqrasiya olunmuş inkişaf mühitlərinin (IDE) istifadəçilərinə avtotamamlanan kod ilə kömək etmək üçün GitHub (Microsoft-a məxsusdur) və OpenAI tərəfindən hazırlanmış bulud əsaslı süni intellekt aləti.[2] Hazırda fərdi tərtibatçılar və müəssisələr üçün abunəlik ilə istifadə oluna bilən alət ilk dəfə 29 iyun 2021-ci ildə GitHub tərəfindən elan edilib və Python, JavaScript, TypeScript, Ruby və Go istifadə edən proqramçılar üçün ən yaxşı şəkildə işləyir.[3]
Tarixi
[redaktə | mənbəni redaktə et]29 iyun 2021-ci ildə GitHub Visual Studio Code-da texniki önbaxış üçün GitHub Copilot-u elan etdi.[2][4] GitHub Copilot, 29 oktyabr 2021-ci ildə JetBrains-ə plagin olaraq əlavə edildi.[5] 27 oktyabr 2021-ci ildə GitHub, GitHub Copilot Neovim plaginini açıq bir depo kimi yayımladı.[6] GitHub 29 mart 2022-ci ildə Visual Studio 2022 IDE üçün Copilot-un buraxıldığını elan etdi.[7] 21 iyun 2022-ci ildə GitHub Copilot-un artıq "texniki önbaxışdan" çıxarıldığını və fərdi tərtibatçılar üçün abunə əsaslı xidmət kimi əlçatan olduğunu elan etdi.[8]
GitHub Copilot 2014-cü ilin fevralında buraxılmış Microsoft Research layihəsi olan Visual Studio 2013 üçün "Bing Code Search" plagininin təkmilləşdirilmiş versiyasıdır.[9] Bu plagin təbii dil sorğularına cavab olaraq yüksək keyfiyyətli kontekstlə uyğun kod parçalarını təmin etmək üçün MSDN və StackOverflow daxil olmaqla müxtəlif mənbələrlə inteqrasiya olunub.[10]
Xüsusiyyətləri
[redaktə | mənbəni redaktə et]Problem təbii dildə yazıldıqda Copilot problemin həlli üçün kod yaza bilir.[11] O, həmçinin ingilis dilində daxil edilən kodu təsvir edə və digər proqramlaşdırma dilləri arasında kodu tərcümə edə bilər.[11]
Veb-saytında yazılanlara görə, GitHub Copilot proqramçılar üçün kod şərhlərinin işlək koda çevrilməsi və kod parçaları, kodun təkrarlanan bölmələri və bütün metodlar və/və ya funksiyalar üçün avtomatik tamamlama kimi köməkçi funksiyaları ehtiva edir.[3][12] GitHub Copilot-un avtomatik tamamlama xüsusiyyətinin hələ tam dəqiq olmadığını bildirir. Məsələn, bəzi Python funksiyasının başlıq kodu üçün Copilot funksiyanın gövdə kodunun qalan hissəsini ilk cəhddə 43%-ni və on cəhddən sonra isə 57%-ni avtomatik olaraq tamamlayıb.[3]
GitHub bildirir ki, Copilot-un xüsusiyyətləri proqramçılara sənədləşdirməni oxumağa sərf etdiyi vaxtı azaltmaqla bilmədikləri kodlaşdırma freymvorkları və dillərini istifadə etməyə imkan verir.[3]
Tətbiq edilməsi
[redaktə | mənbəni redaktə et]GitHub Copilot, insana bənzər mətn yaratmaq üçün dərin öyrənmədən istifadə edən dil modeli olan GPT-3-ün dəyişdirilmiş, istehsal versiyası olan OpenAI Codex istifadə edilərək yaradılmışdır.[13][14] Codex modeli əlavə olaraq onlarla proqramlaşdırma dilində giqabaytlarla mənbə kodu ilə öyrədilib.
Copilot-un OpenAI Codex-i ingilis dili, ictimai GitHub anbarı və digər açıq mənbə kodları ilə öyrədilir.[3] Buraya 54 milyon ictimai GitHub anbarından alınan 159 giqabaytlıq Python kodunun filtrlənmiş verilənlər dəsti daxildir.[15]
OpenAI-nin GPT-3-ü GitHub-un ana şirkəti olan Microsoft-a xüsusi olaraq lisenziyalaşdırılıb.[16]
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ https://marketplace.visualstudio.com/items?itemName=GitHub.copilot.
- ↑ 1 2 Gershgorn, Dave. "GitHub and OpenAI launch a new AI tool that generates its own code". The Verge (ingilis). 29 June 2021. 7 July 2021 tarixində arxivləşdirilib. İstifadə tarixi: 6 July 2021.
- ↑ 1 2 3 4 5 "GitHub Copilot · Your AI pair programmer". GitHub Copilot (ingilis). 23 April 2022 tarixində arxivləşdirilib. İstifadə tarixi: 7 April 2022.
- ↑ "Introducing GitHub Copilot: your AI pair programmer". The GitHub Blog (ingilis). 29 June 2021. 21 June 2022 tarixində arxivləşdirilib. İstifadə tarixi: 7 April 2022.
- ↑ "GitHub Copilot - IntelliJ IDEs Plugin | Marketplace". JetBrains Marketplace. 27 June 2022 tarixində arxivləşdirilib. İstifadə tarixi: 7 April 2022.
- ↑ Copilot.vim, GitHub, 7 April 2022, 13 June 2022 tarixində arxivləşdirilib, İstifadə tarixi: 7 April 2022
- ↑ "GitHub Copilot now available for Visual Studio 2022". The GitHub Blog (ingilis). 29 March 2022. 14 June 2022 tarixində arxivləşdirilib. İstifadə tarixi: 7 April 2022.
- ↑ "GitHub Copilot is generally available to all developers". The GitHub Blog (ingilis). 21 June 2022. 23 June 2022 tarixində arxivləşdirilib. İstifadə tarixi: 21 June 2022.
- ↑ Lardinois, Frederic. "Microsoft Launches Smart Visual Studio Add-On For Code Snippet Search". TechCrunch (ingilis). 2014-02-17. 2023-09-05 tarixində arxivləşdirilib. İstifadə tarixi: 2023-09-05.
- ↑ "Bing Code Search". Microsoft Research (ingilis). 2014-02-11. 2023-09-05 tarixində arxivləşdirilib. İstifadə tarixi: 2023-09-05.
- ↑ 1 2 Finnie-Ansley, James; Denny, Paul; Becker, Brett A.; Luxton-Reilly, Andrew; Prather, James. The Robots Are Coming: Exploring the Implications of OpenAI Codex on Introductory Programming // Australasian Computing Education Conference. ACE '22 (ingilis). New York, NY, USA: Association for Computing Machinery. 14 February 2022. 10–19. doi:10.1145/3511861.3511863. ISBN 978-1-4503-9643-1.
- ↑ Sobania, Dominik; Schweim, Dirk; Rothlauf, Franz. "A Comprehensive Survey on Program Synthesis with Evolutionary Algorithms". IEEE Transactions on Evolutionary Computation. 27. 2022: 82–97. doi:10.1109/TEVC.2022.3162324. ISSN 1941-0026. 2023-07-04 tarixində arxivləşdirilib. İstifadə tarixi: 2023-11-22.
- ↑ Krill, Paul. "OpenAI offers API for GitHub Copilot AI model". InfoWorld (ingilis). 12 August 2021. 17 April 2022 tarixində arxivləşdirilib. İstifadə tarixi: 7 April 2022.
- ↑ "OpenAI Releases GPT-3, The Largest Model So Far". Analytics India Magazine (ingilis). 3 June 2020. 4 August 2020 tarixində arxivləşdirilib. İstifadə tarixi: 7 April 2022.
- ↑ "OpenAI Announces 12 Billion Parameter Code-Generation AI Codex". InfoQ (ingilis). 9 July 2022 tarixində arxivləşdirilib. İstifadə tarixi: 7 April 2022.
- ↑ "OpenAI is giving Microsoft exclusive access to its GPT-3 language model". MIT Technology Review (ingilis). 5 February 2021 tarixində arxivləşdirilib. İstifadə tarixi: 7 April 2022.
Xarici keçidlər
[redaktə | mənbəni redaktə et]- copilot.github.com — GitHub Copilot rəsmi saytı