Kristabel Borq — Vikipediya
Kristabel Borq | |
---|---|
ing. Christabelle Borg | |
![]() | |
Ümumi məlumatlar | |
Doğum adı | Kristabel Borq ing. Christabelle Borg |
Doğum tarixi | |
Doğum yeri | Mcarr, Malta |
Vətəndaşlığı | ![]() |
Musiqiçi məlumatları | |
Fəaliyyəti | müğənni, bəstəkar, aparıcı |
Fəaliyyət illəri | 2009–h.h. |
Janrlar | Pop, Dans-pop, R&B |
Musiqi aləti | vokal |
Təhsili | |
![]() |
Kristabel Borq (ing. Christabelle Borg; d. 28 aprel, 1992, Mcarr, Malta) və ya sadəcə Kristabel — Malta müğənnisi, bəstəkarı və aparıcısı. O, "Taboo" mahnısı ilə Maltanı 2018 Avroviziya Mahnı Müsabiqəsində təmsil edəcək.
Həyatı
[redaktə | mənbəni redaktə et]Kristabel Borq 28 aprel 1992-ci ildə Malta adasında anadan olmuşdur. O, Los-Ancelesdə yerləşən Dağ Müqəddəs Merinin kollecində təhsil almış və 2014-cü ildə orada təhsilini bitirmişdir. Daha sonra isə Malta Universitetində mühasibat ixtisası üzrə təhsil almışdır.[1]
Musiqi karyerası
[redaktə | mənbəni redaktə et]Kristabel öz karyerasını yeniyetmə yaşlarından Maltanın Teen Trouble və Teen Traffic televiziya proqramları ilə başlatmışdır. 2014-cü ildə Kristabel ifa etdiyi "Lovetricity" mahnısı Maltanın Avroviziya üçün təşkil olunan milli seçim turunda iştirak etmiş və səkkizinci yeri tutaraq, məğlub olmuşdur. Növbəti ildə yenidən seçim turuna qayıdan ifaçı səsləndirdiyi "Rush" mahnısı ilə finalda ikinci, 2016-cı ildə isə "Kingdom" mahnısı ilə dördüncü yerdə qərarlaşaraq, milli seçim turunda növbəti məğlubiyyətlə üzləşmişdir. Dördüncü dəfə 2018-ci ildə bəxtini sınayan Kristabel ifa etdiyi "Taboo" mahnısı ilə bütün rəqiblərini geridə qoyaraq, seçim turunda qalib gəlmiş və Maltanı Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil etmək hüququ əldə etmişdir.[2][3] Uzun sürən çalışmalardan sonra Kristabel 10 may tarixində baş tutan müsabiqənin ikinci yarımfinal mərhələsində 12-ci səhnə almışdır. Nəticədə ifaçı 101 xalla 13-cü yeri tutaraq, müsabiqənin finalına yüksələ bilməmişdir
Diskoqrafiya
[redaktə | mənbəni redaktə et]Sinqllar
[redaktə | mənbəni redaktə et]Mahnı adı | İl |
---|---|
"I Wanna Know" | 2009 |
"Flame" | |
"Naturally" | |
"Everytime I Bleed" | |
"Everything About You" | 2011 |
"Say" | 2012 |
"Fall for You" | 2013 |
"Bay Kids Song" | |
"Lovetricity" | 2014 |
"Rush" | 2015 |
"Kingdom" | 2016 |
"Taboo" | 2018 |
İstinadlar
[redaktə | mənbəni redaktə et]- ↑ "Eurovision participants: Christabelle Borg". TVM. 2015-05-09 tarixində orijinalından arxivləşdirilib. İstifadə tarixi: 3 fevral 2018.
- ↑ "Malta: Christabelle Borg to Eurovision 2018". Eurovoix. 3 fevral 2018. 2018-02-04 tarixində arxivləşdirilib. İstifadə tarixi: 2018-02-04.
- ↑ "Malta's Christabelle set to break taboos at Eurovision 2018". Avropa Yayım İttifaqı. 3 fevral 2018. 2018-02-06 tarixində arxivləşdirilib. İstifadə tarixi: 2018-02-04.
Əvvəlki: Klaudia Faniello "Breathlessly" | Malta Avroviziya Mahnı Müsabiqəsində ![]() 2018 | Sonrakı: Mikela Paç "Chameleon" |