Lütfəli bəy Behbudov — Vikipediya
Lütfəli bəy Behbudov | |
---|---|
![]() | |
Şəxsi məlumatlar | |
Doğum tarixi | 1877 |
Doğum yeri | |
Vəfat tarixi | 1918 |
Fəaliyyəti | mühəndis |
Behbudov Lütfəli bəy Rəhim bəy oğlu (1877, Şuşa – 1918) — mühəndis, Zaqafqaziya Seyminin Müsəlman Fraksiyasının üzvü.
Həyatı
[redaktə | mənbəni redaktə et]Lütfəli bəy Behbudov 1877-ci ildə Şuşa qəzasının Bayat kəndində anadan olmuşdu. Bəzi mənbələrdə onun adı Niftalı bəy kimi də qeyd edilir. Sankt-Peterburq şəhərində Dağ-Mədən Akademiyasını bitirmişdi. 1903-cü ildən Hacı Zeynalabdin Tağıyevin şirkətində mühəndis, sonra müdir işləmişdi. 1911-ci ildə Hacıyla arası dəymiş, məhkəməyə müraciət etmişdi.[1] Hacı Zeynalabdin onun acığına bütün qarabağlıları işdən çıxarmışdı.
Əbdürrəhim bəy Haqverdiyev tərcüməyi-halında yazır: 1911-ci sənədə "Tağıyev-Behbudov" keyfiyyətindən dolayı qulluqdan olan qarabağlıları və o cümlədən məni paraxodstvadan xaric etdilər (Bu xüsusda əlimdə indi də sənəd var).[2]
Lütfəli bəy 1911-ci ildə "Kürətan" adlı aksioner cəmiyyət yaradıb ona başçılıq etmişdi. Zaqafqaziya Seymində poçt-teleqraf naziri işləmişdi. 1918-ci ildə ermənilər tərəfindən öldürülmüşdü.
Ailəsi
[redaktə | mənbəni redaktə et]Lütfəli bəy tatar knyaginyası Leyla xanımla evlənmişdi. Dilarə bəyim, Pəri bəyim və Leyla bəyim adlı qızları vardı.
İstinadlar
[redaktə | mənbəni redaktə et]- ↑ Dennis, Robert. "Tağıyev-Behbudov məsələsi: XX əsrin əvvəllərində Qafqazın müsəlman elitləri arasındakı qarşıdurma". Bakı Araşdırmalar İnstitutu (az.). 2020-03-21. 2024-01-11 tarixində arxivləşdirilib. İstifadə tarixi: 2024-01-11.
- ↑ Ə. Haqverdiyev. Seçilmiş əsərləri. II cild. Bakı: 1971, səh. 472
Mənbə
[redaktə | mənbəni redaktə et]- Ənvər Çingizoğlu. Behbudovlar. Bakı: Mütərcim, 2008, 168 səh.