Məcnun Vahidov — Vikipediya
Məcnun Vahidov | |
---|---|
Məcnun Əbdülvahid oğlu Vahidov | |
![]() | |
Doğum tarixi | |
Doğum yeri | Ağdaş |
Vəfat tarixi | (62 yaşında) |
Vəfat yeri | Bakı, Azərbaycan |
Vəfat səbəbi | terror |
Fəaliyyəti | şahmat bəstəkarı[d] |
Məcnun Vahidov — Azərbaycanlı müəllim-pedaqoq, yazıçı-ssenarist. Texnika elmləri namizədi, dosent.
Həyatı
[redaktə | mənbəni redaktə et]Məcnun Abdulvahid oğlu Vahidov 27 iyul 1946-cı ildə Ağdaşda anadan olub.
1969-cu ildə AzNKİ-nun Neft-mexanika fakültəsini bitirib və ömrününü sonuna kimi də bu təhsil ocağında çalışıb. Mancanaq dəzgahların optimal layihələşdirilməsi ilə məşğul olub. 80 elmi əsərin və 10 ixtiranın müəllifidir. Şahmat bəstəçiliyi üzrə idman ustası idi. "Şahmat bəstəçiliyi" və "Karavan mansub na Velikom Şelkovom" kitablarının müəllifidir. Azərbaycan Şahmat Federasiyası nəzdində şahmat bəstəçiliyi üzrə komissiyasının sədri və Azərbaycanın yığma komandasının kapitanı olub. 200-ə qədər şahmat məsələləri və etüdləri tərtib edib və bunların bir qismi beynəlxalq müsabiqələrdə mükafat qazanıb. Şahmat bəstəçiliyinə aid bir sıra nəzəri məqalələr dərc edib. Həmmüəllifləri ilə birgə o iki yeni mövzu kəşf edib və bunlar şahmat üzrə məlumat kitablarına daxil edilib. Hakimlik dərəcəsi olduğundan o, Bakı, Azərbaycan, SSRİ birinciliklərində və beynəlxalq yarışlarda hakimlik edib. Ədəbi yaradıcılıqla da məşğul olub. O, bir çox yumoristik hekayələrin və "Yarımştat" televiziya tamaşasının müəllifidir. Məcnun Vahidov eyni zamanda türkologiya ilə yaxından maraqlanıb və bu sahəyə bir neçə maraqlı məqalə həsr edib.
Məcnun Vahidov 30 aprel 2009-cu ildə Neft Akademiyasında törədilən terror aktı nəticəsində həlak olub.[1]
Filmoqrafiya
[redaktə | mənbəni redaktə et]- Yarımştat (film, 1996) - ssenari müəllifi
- ADıNA günü (film, 2010) (qısametrajlı sənədli film) (ANS) - arxiv kadrlar
İstinadlar
[redaktə | mənbəni redaktə et]- ↑ "Məcnun Vahidov". kinozal.az.[ölü keçid]