Marat Allahverdiyev — Vikipediya

Marat Allahverdiyev
Azərbaycan Respublikası Prezidenti yanında Ali Nəzarət İnspeksiyasının sədri
20 mart 1991 – 10 aprel 1992
Əvvəlki	vəzifə təsis edilib
Sonrakı	Fazil Muradəliyev
Azərbaycan Respublikası Ali Sovetinin XII çağırış deputatı
5 fevral 1991 – 24 noyabr 1995
Azərbaycan SSR Dövlət Nəşriyyat, Poliqrafiya və Kitab Ticarəti İşləri Komitəsinin sədri
7 dekabr 1976 – 9 sentyabr 1980
Əvvəlki	Cahangir İldırımzadə
Sonrakı	Nazim İbrahimov
Şəxsi məlumatlar
Doğum tarixi	18 may 1941(1941-05-18)
Doğum yeri	Bakı, Azərbaycan SSR, SSRİ
Vəfat tarixi	24 oktyabr 2015(2015-10-24) (74 yaşında)
Təhsili	Azərbaycan Texniki Universiteti
Uşağı	Elnur Allahverdiyev
Təltifləri

Marat Allahverdi oğlu Allahverdiyev (18 may 1941, Bakı – 24 oktyabr 2015) — azərbaycanlı dövlət və siyasi xadim, 1990–1995-ci illərdə Azərbaycan Respublikası Ali Sovetinin deputatı.

Marat Allahverdiyev 1941-ci il mayın 18-də Bakı şəhərində anadan olub. Azərbaycan Politexnik Universitetini bitirib.^[1]

3 övladı, 6 nəvəsi var. Azərbaycan Milli Məclisinin VI çağırış üzvü Elnur Allahverdiyevin atasıdır.

Tikinti sahə rəisliyindən başlayaraq Bakı şəhər komitəsində tikinti instruktoru, dəmir-beton zavodunun direktoru, Azərbaycan Rabitə Nazirliyi rabitə montaj-tikinti trestinin rəhbəri, sonralar Mətbuat və İnformasiya Nazirliyinə çevrilən Azərbaycan Respublikası Dövlət Poliqrafiya və Kitab Ticarəti İşləri Komitəsinin sədr müavini, sədri,^[2] məşhur "Bərpaçı" mərkəzinin rəisi, Azərbaycan Mədəniyyət nazirinin müavini, Respublika Xalq Nəzarət Komitəsi sədrinin birinci müavini, Azərbaycan Respublikası Prezidenti yanında Ali Nəzarət İnspeksiyasının sədri vəzifələrində çalışıb.

1990–1995-ci illərdə Azərbaycan SSR Ali Sovetinin deputatı seçilmişdir.

Beynəlxalq İctimai Telekommunikasiya Akademiyasının üzvü, akademik, texniki elmlər doktoru olub.

20 may 1990-cı ildə Zaqafqaziya müsəlmanları Ruhani idarəsi və onun qazilər şurasının qərarı, Allahşükür Paşazadənin imzası ilə 1984–1990-cı illərdə 30 qədər məscid o cümlədən "Təzə-Pir", "Əjdərbəy", "Maştağa", "Mərdəkan", "Bibi-heybət", "Türbə", bir sıra pirlər, ovdanlar, bulaqlar, Mir Mövsüm Ağanın məzarının abadlaşdırılması, H. Z. Tağıyevin, Hacı Qurbani məqbərəsi və sair bərpa işlərinə yardım etdiyinə görə təşəkkür edilib.