Mehdiabad (Abşeron) — Vikipediya
Mehdiabad | |
---|---|
40°30′02″ şm. e. 49°51′14″ ş. u. | |
Ölkə | ![]() |
Region | Abşeron rayonu |
Tarixi və coğrafiyası | |
Əsası qoyulub | 1956 |
Saat qurşağı | |
Əhalisi | |
Əhalisi | 12 700 nəfər |
Rəsmi dili | |
Rəqəmsal identifikatorlar | |
Poçt indeksi | AZ0118 |
Mehdiabad — Azərbaycan Respublikasının Abşeron rayonunun Mehdiabad qəsəbə inzibati ərazi dairəsində qəsəbə.[1]
1957-ci ildə Samur-Abşeron kanalının istismara buraxılması ilə əlaqədar Novxanı, Fatmayı və Digah kəndlərinin sahələrində Abşeron Üzümçülük sovxozlarının salınmasına qərar verilir və ora rəhbərlik etmək Səfər Səfərova tapşırılır. S.Səfərovun təşəbbüsü ilə sovxoz üçün yeni qəsəbələrin salınması qərara alınır və tezliklə ilk binalar tikilir. Qəsəbə partizan, Sovet ittifaqı qəhrəmanı Mehdi Hüseynzadənin şərəfinə Mehdiabad adlandırılır.[2]
Tarixi
[redaktə | mənbəni redaktə et]Mehdiabad Abşeronun yeni salınmış, lakin böyük qəsəbələrindən biridir. Mehdiabad qəsəbəsinin salınması sırf iqtisadi amillərlə bağlı olub. Abşeron yarımadasında kənd təsərrüfatını, xüsusilə üzümçülüyü inkişaf etdirmək məqsədilə bu ərazidə 1956-cı ildə sovxoz yaradılıb. 1958-ci ildə ilk yaşayış evləri tikilib. Qəsəbədə əsasən Azərbaycanın müxtəlif bölgələrindən olan, xüsusilə 1949–1950-ci illərdə Qərbi Azərbaycan torpaqlarından deportasiya edilmiş insanlar məskunlaşıb. Ərazisi 1957 hektar, əhalisi isə 11624 nəfərdir.[3]
1999-cu ildə inzibati islahatlar aparıldı və yerli özünüidarəetmə orqanlarına ilk seçkilər keçirilərkən Mehdiabad bələdiyyəsi yaradılıb. Hazırda bələdiyyədə 13 nəfər üzv, 9 nəfər isə bələdiyyə qulluqçusu fəaliyyət göstərir.
İnfrastrukturu
[redaktə | mənbəni redaktə et]Sovet dövründə qəsəbədə üzümçülük sovxozu, şərabçılıq emalatxanası, orta məktəb, kitabxana, kinostansiya, tibb məntəqəsi yerləşirdi.[2].
Qəsəbədə şərab zavodu, kərpic zavodu, poçt, 5 orta məktəb, uşaq musiqi məktəbi, mədəniyyət evi, kitabxana, tibb məntəqəsi, şadlıq sarayı, polis bölməsi, məscid var.
Qəsəbədə Qara Yanvar qurbanlarının xatirəsinə abidə ucaldılıb.
İstinadlar
[redaktə | mənbəni redaktə et]- ↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində arxivləşdirilib (PDF). İstifadə tarixi: 2024-04-05.
- ↑ 1 2 Azərbaycan Sovet Ensiklopediyası (PDF) (az.). 6. Bakı. 1979. 467. 2018-11-27 tarixində arxivləşdirilib (PDF). İstifadə tarixi: 2024-03-28.
- ↑ "Arxivlənmiş surət". 2022-06-13 tarixində arxivləşdirilib. İstifadə tarixi: 2019-08-28.
- ↑ "Arxivlənmiş surət". 2022-06-21 tarixində arxivləşdirilib. İstifadə tarixi: 2019-08-28.