French
DeutschMehman Yusifov — Vikipediya
| Mehman Yusifov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Tovuz rayonu, Azərbaycan SSR |
| Vəfat tarixi | (41 yaşında) |
| Vəfat yeri | Cəbrayıl rayonu, Azərbaycan |
| Dəfn yeri | Tovuz rayonu, Azərbaycan |
| Vətəndaşlığı |  Azərbaycan |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |  Xüsusi Təyinatlı Qüvvələr |
| Xidmət illəri | 1998—2000 / 2002—2020 |
| Rütbəsi | Baş gizir |
| Döyüşlər | |
| Təltifləri |         |
Mehman Musa oğlu Yusifov (18 iyul 1979, Bayramlı, Tovuz rayonu – 5 oktyabr 2020, Cəbrayıl rayonu) — Azərbaycan Müdafiə Nazirliyinin Xüsusi Təyinatlı Qüvvələrinin baş giziri; 2020-ci ildə Qarabağ müharibəsi zamanı Cəbrayılın azad edilməsi uğrunda gedən hərbi əməliyyatlarda şəhid olub, ölümündən sonra "Qarabağ" ordeni ilə təltif edilib.
Tərcümeyi-halı
[redaktə | mənbəni redaktə et]Mehman Musa oğlu Yusifov 18 iyul 1979-cu ildə Tovuz rayonunun Bayramlı qəsəbəsində anadan olub.[1] 1985–1996-cı illərdə E. Orucov adına Bayramlı kənd tam orta məktəbində təhsil alıb.
1998-ci ildə Tovuz Rayon Hərbi Komissarlığı tərəfindən müddətli həqiqi hərbi xidmətə çağırılıb və 1998–2000-ci illərdə "N" saylı hərbi hissədə xidmət edib.
2002-ci ildə Azərbaycan Silahlı Qüvvələrin Təlim və Tədris Mərkəzində "Gizir Hazırlığı Kursu"na qatılıb. Müdafiə Nazirliyinin 10 iyul 2002-ci il tarixli əmri ilə "gizir" hərbi rütbəsi verilib və Xüsusi Təyinatlı Qüvvələrin 052 nömrəli hərbi hissəsində xidmətə başlayıb.
Müdafiə Nazirliyinin 25 iyun 2013-cü il tarixli əmri ilə "baş gizir" hərbi rütbəsi verilib.
2002–2020-ci illərdə Xüsusi Təyinatlı Qüvvələrin 052 nömrəli hərbi hissəsində Rabitə Bölüyünün baş çavuşu, Mühafizə və Təminat Bölüyünün baş çavuşu və Maddi-Texniki Təminat Bölüyünün baş çavuşu vəzifələrində xidmət edib.
2016-cı ilin 2–5 aprelində Azərbaycan və Ermənistan arasında baş verən silahlı toqquşma zamanı cəbhənin Goranboy-Tərtər istiqamətlərində gedən hərbi əməliyyatlar zamanı döyüş tapşırığının icrasında fərqlənib.
2020-ci ilin sentyabrın 27-də başlanan Qarabağ müharibəsi zamanı Cəbrayılın azad edilməsi uğrunda gedən hərbi əməliyyatlar zamanı da fərqlənib. 05.10.2020-ci ildə Cəbrayıl rayonu istiqamətində şəhid olub. Doğulduğu Tovuz rayonunun Bayramlı qəsəbəsində dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[2], həmçinin "Cəbrayılın azad olunmasına görə" və "Vətən uğrunda" medalları ilə təltif edilib.[3][4]
Müxtəlif illərdə müdafiə nazirlərinin əmrləri ilə 2-ci və 3-cü dərəcəli "Qüsursuz xidmətə görə" medalları, Azərbaycan Silahlı Qüvvələrinin 90 və 95 illiyi, "Azərbaycan Ordusunun 100 illiyi" yubiley medalları ilə, həmçinin fəxri fərmanlarla da təltif edilib.
Evli idi, 2 oğlu və 1 qızı var.
İstinadlar
[redaktə | mənbəni redaktə et]- ↑ Müdafiə Nazirliyi. "Vətən müharibəsində şəhid olmuş hərbi qulluqçuların SİYAHISI" (PDF). www.e-qanun.az ( (az.)). 01.10.2022. 2022-09-22 tarixində arxivləşdirilib (PDF). İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli 2338 nömrəli Sərəncamı". www.e-qanun.az ( (az.)). 01.10.2022. 2022-11-17 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli 2358 nömrəli Sərəncamı". www.e-qanun.az ( (az.)). 01.10.2022. 2022-09-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli 2349 nömrəli Sərəncamı". www.e-qanun.az ( (az.)). 01.10.2022. 2022-09-22 tarixində arxivləşdirilib. İstifadə tarixi: 01.10.2022.