Mirzə Güllər — Vikipediya
Mirzə Güllər xanım (19 əsr, Cavad k. – 1914-cü ildən sonra Şamaxı) — xanəndə.[1]
19-cu əsrdə yaşayıb-yaratmış ilk azərbaycanlı peşəkar xanəndə qadın. O dövrdə qadınların çadrasız məclislərdə görünməsi yasaq olduğuna görə kişi paltarında çıxış etmişdir. 1890-cı illərdən Şamaxıda xanəndəlik etmiş, xanəndə Mirzə Məhəmmədhəsənin yaradıcılığından bəhrələnmiş, Şamaxı musiqi məclislərində iştirak etmişdir. Azərbaycanın digər bölgələrində də el məclislərində məşhurlaşmışdı. “Şur”, “Mahur–Hindi”, “Rast”, “Segah”, “Heyratı-Kabili”, “Bayatı-Şiraz”, “Bayatı-Qacar” muğamlarını xüsusi məlahətlə oxumuşdur. 1914-cü ildə Kiyevdə “Monarx-Rekord”, “Ekstrafon” səsyazma şirkətində Mirzə Güllərin ifasında bir neçə muğam və mahnılar qrammofon valına yazılmışdır.[2][3]
İstinadlar
[redaktə | mənbəni redaktə et]- ↑ "Bir səsin faciəsi və ya Mirzə Güllər xanım kimdir ?". 2022-07-03 tarixində arxivləşdirilib. İstifadə tarixi: 2018-04-17.
- ↑ Azərbaycan Muğam Ensiklopediyası, Bakı, “Şərq-Qərb”, 2012, s. 162
- ↑ "MİRZƏ GÜLLƏR". 2022-01-17 tarixində arxivləşdirilib. İstifadə tarixi: 2018-04-17.