Mixail Boyarski — Vikipediya
Mixail Boyarski | |
---|---|
rus. Михаи́л Серге́евич Боя́рский | |
![]() 2010-cu il | |
Doğum adı | Михаил Сергеевич Боярский |
Doğum tarixi | |
Doğum yeri | ![]() ![]() |
Vətəndaşlığı | |
Həyat yoldaşı | |
Uşaqları | |
Fəaliyyəti | müğənni, teatr aktyoru, kino aktyoru, aparıcı, gitaraçı, klaviaturaçı[d], kaskadyor, televiziya aparıcısı, Azarkeş |
Fəaliyyət illəri | 1973-cü ildən |
Təhsili | |
Mükafatları | ![]() ![]() ![]() |
IMDb | ID0101614 |
![]() | |
mboyarskiy.ru | |
![]() |
Mixail Boyarski (rus. Михаи́л Серге́евич Боя́рский; 26 dekabr 1949[1][2], Leninqrad) — Rusiyanın Xalq artisti, tanınmış aktyor və müğənni.[3]
Həyatı
[redaktə | mənbəni redaktə et]1949-cu il dekabrın 26-da Leninqradda anadan olmuşdur.[3]
Atası Sergey Boyarski və anası Yekaterina Melenteva teatr aktyorları olublar, lakin valideynləri Mixailin aktyor olmasını istəməyiblər və övladlarını musiqi məktəbinin fortepiano sinfinə qoyublar.[3]
Məktəbi bitirən Mixail valideynlərinin razılığını almasa da, sənədlərini Leninqrad Dövlət Teatr, Musiqi və Kinematoqrafiya İnstitutuna verir və qəbul olur. 1972-ci ildə institutu bitirdikdən sonra "Lensovet" teatrında işləməyə başlayır. İlk dəfə Q. Qladkovun "Trubadur və onun dostları" musiqili tamaşasında baş rolu canlandırır. Şahzadə rolunu isə onun gələcəkdə həyat yoldaşı Larisa Luppian oynayır. Onlar hələ institutdan tanış idilər, bu tamaşa isə evlilikləri üçün bir təməl olur. Bu xoşbəxt nikahdan oğulları Sergey və qızları Yelizaveta dünyaya gəlir.[3]
Karyerası
[redaktə | mənbəni redaktə et]![](http://upload.wikimedia.org/wikipedia/commons/thumb/b/b4/Putin_Boyarskiy.jpg/220px-Putin_Boyarskiy.jpg)
Kinoda
[redaktə | mənbəni redaktə et]Mixail Boyarskinin kinoda debütü rejissor Vasili Paskarunun 1973-cü ildə çəkdiyi "Körpülər" filmində Qitsu rolu ilə başlayır. 1974-cü ildə rejissor Leonid Kvinixidzenin "Saman papaq" komediya filmində (Ninardi) rol alır. Bundan sonra bir neçə uşaq filmində — 1975-ci ildə "Maşa və Vityanın Yeni il sərgüzəştləri"ndə Matvey pişik, 1976-cı ildə Lyudmila Qurçenko ilə birgə məşhur "Mama" filmində Canavar və digər rollara çəkilir. 1975-ci ildə "Böyük oğul" filmində yaratdığı Silva rolu ilə tamaşaçı rəğbəti qazanır.[3]
Muşketyor
[redaktə | mənbəni redaktə et]1978-ci ildə rejissor Georgi Yunqvald-Hilkeviçin çəkdiyi "D’Artyanyan və üç muşketyor" filmində oynadığı baş rol və oxuduğu mahnılar ona böyük şöhrət gətirir. Aktyor o qədər populyarlaşır ki, həyat yoldaşı Larisa ilə birgə həyətə də çıxmaqda çətinlik çəkir, çünki dəhlizin divarlarında sevgi məktubları yazılır, pərəstişkarlar yolda onların qarşısını kəsir, telefon zəngləri isə heç susmur. Yeri gəlmişkən, filmin populyarlığını nəzərə alan rejissor Georgi Yunqvald-Hilkeviç 1992-ci ildə "Muşketyorlar 20 ildən sonra" və 1993-cü ildə "Şahzadə Annanın sirləri və ya muşketyorlar 30 ildən sonra" filmlərini çəkir. Bu filmlər də tamaşaçılar tərəfindən çox sevilir.
Bundan başqa, Mixail Boyarski "Qardemarinlər, irəli", "İlf qəsrinin məhbusu", "Böyük Pyotr. Vəsiyyət", "İdiot" və s. filmlərə çəkilib.[3]
Müğənni
[redaktə | mənbəni redaktə et]Uzun müddət Sankt-Peterburqda "Benefis" teatrının direktoru işləyən aktyor, müğənniliklə də məşğul olur, "Silver" qrupunda öz mahnılarını oxuyur.[3]
Teleaparıcı
[redaktə | mənbəni redaktə et]Məşhur aktyor Yuri Nikulinin ölümündən sonra televiziyada "Ağ tutuquşu" verilişinin aparıcısı olub.[3]
Ailəsi
[redaktə | mənbəni redaktə et]65 yaşlı aktyorun üç nəvəsi var.[3]
Qızı Yelizaveta atasının yolunu davam etdirir. O, aktrisa olmaqla yanaşı, həm də reklamlara çəkilir.[3]
İstinadlar
[redaktə | mənbəni redaktə et]- ↑ Michail Bojarskij // Česko-Slovenská filmová databáze (çeş.). 2001.
- ↑ БОЯРСКИЙ // Большая российская энциклопедия (rus.). Москва: Большая российская энциклопедия, 2004.
- ↑ 1 2 3 4 5 6 7 8 9 10 Sevimli muşketyor [ölü keçid]. medeniyyet.az, 26.12.2014 (az.)
Xarici keçidlər
[redaktə | mənbəni redaktə et]![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- boyarskiy.su — Mixail Boyarskinin rəsmi saytı