Mol — Vikipediya

Mol
Ümumi məlumatlar
Adını daşıyır	Molekul
Vikianbarda əlaqəli mediafayllar

Mol — kütləsi 0,012 kq olan karbondakı atomların sayı qədər molekullardan və ya atomlardan təşkil olunmuş maddə miqdarına deyilir. Bu ifadədən görünür ki, karbonun molyar kütləsi 12 q/mol-dur. Mol BS-də 1971-ci ildən başlayaraq əsas yeddi vahiddən biri olub,^[1] maddə miqdarının vahididir. Bütün maddələrin 1 molunda 6,023·10²³ sayda molekul olur. Şimali Amerikada hər il 23 oktyabr 1991-ci ildən etibarən səhər 6:02-dan, axşam 6:02-yə kimi "Mol günü" keçirilir. Əsas səbəbi isə məhz həmin gün Avoqadro ədədinin (N_A=6,023·10²³mol⁻¹) hesablanmasıdır.^[2]

${\displaystyle \mathrm {v={\frac {m}{M}}} }$

• Müəyyən kütləli maddənin neçə mol olduğunu tapmaq üçün həmin kütləni ${\displaystyle ({m})}$ maddənin molyar kütləsinə ${\displaystyle ({M})}$ bölmək lazımdır.

${\displaystyle \mathrm {v={\frac {V}{V_{m}}}} }$

• Müəyyən həcmdə verlmiş qazın neçə mol olduğunu tapmaq üçün həmin həcm ${\displaystyle ({V})}$ molyar həcmə ${\displaystyle ({V_{m}})}$ bölmək lazımdır.

${\displaystyle \mathrm {v={\frac {N}{N_{A}}}} }$

• Müəyyən sayda hissəciyin neçə mol olduğunu tapmaq üçün həmin sayı ${\displaystyle ({N})}$ Avoqadro ədədinə ${\displaystyle ({N_{A}})}$ bölmək lazımdır.