Monteneqroda nəqliyyat — Vikipediya
Monteneqroda nəqliyyat hava, avtomobil, dəniz və dəmir yolu kimi sahələri əhatə edir.
Hava nəqliyyatı
[redaktə | mənbəni redaktə et]Monteneqroda Podqoritsa (TGD) və Tivat (TIV) kimi iki əsas beynəlxalq hava limanı vardır. Hər iki hava limanı 2006-cı ildə açılmışdır: Podqoritsa şəhərində yeni bir sərnişin terminalı da inşa edilmişdir. Hər iki hava limanında 2017-ci ildə sərnişin dövriyyəsi 2184857 nəfər təşkil etmişdir. Həmin ildə hər bir aeroportda sərnişin dövriyyəsi 1 milyonu keçmişdir[1]
Berane, Jabljak və Nikşiçdə də hava limanı vardır. Lakin daxili uçuşlar üçün istifadə olunur və böyük təyyarələrin qəbulu üçün uyğun deyildir. İlsiçdə isə təyyarələr çəmənlik sahəyə eniş edir.
Dəmiryolları
[redaktə | mənbəni redaktə et]Dəmiryollarının ümumi uzunluğu 250 km-dir. Relslər arasında məsafə 1435 mm-dir. Ensiz dəmiryolu xətti yoxdur.
Digər ölkələrlə əlaqə
[redaktə | mənbəni redaktə et]Serbiya: eyni ölçülü, elektrikləşdirilən yollar.
Albaniya: yalnız yük qatarları dəstəklənir.
Xorvatiya: yoxdur
Bosniya və Herseqovina: yoxdur
Struktur
[redaktə | mənbəni redaktə et]Əsas dəmiryolu xətti 1976-cı ildə açılan Belqrad-Bar yoludur. Yolun xüsusiyyətləri Mala-Reku çayının üzərində olan körpü, dünyanın ən yüksək dəmir yolu körpüsüdür. Üstəlik bu yolda 6.2 km uzunluğunda Sozinski tuneli vardır. Dəmir yolunun Monteneqro hissəsinin təxminən üçdə biri tunellər və körpülərdən keçir. 1990-cı illərdə ölkədəki zəif iqtisadi və siyasi vəziyyətə görə yolun istismarında vəziyyət pisləşdi və nəticədə Bioçedə dəmiryol qəzası baş verdi. 2006-cı il qəzasında 47 nəfər öldü. Bununla əlaqədar yol təmir işləri aparılır.
Uzunluğu 56,6 km olan Nişkis-Podqoritsa dəmiryolu 1948-ci ildə ensiz dəmir yolu kimi qurulmuşdur. 1965-ci ildə ildə isə geniş reysli dəmiryolu ilə əvəz edilir. 1992-2012-ci illərdə Nikşis boksit yataqlarından çıxarılan yük qatarlar ilə Podqoritsaya daşınırdı. 2006-2012-ci illərdə yol yenidən qurulmuş və elektrikləşdirilmişdir. Sərnişin qatarları bu istiqamətdə işə başlamışdır. Maksimal sürət 75-100 km/saat təşkil edir.
Tiranaya gətirib çıxaran dəmiryolu Podgorica-Şkoder dəmir yolu əsasən yük üçün istifadə edilir. 1997-ci ildə Albaniyadakı yolun bir hissəsi sökülmüşdür. 2002-ci ildə isə yol yenidən bərpa edilir. 2009-cu ildə yol təmir olunub, təmir işləri 9,7 milyon avro təşkil emişdir.
Avtomobil nəqliyyatı
[redaktə | mənbəni redaktə et]![](http://upload.wikimedia.org/wikipedia/commons/thumb/a/a1/Montenegro_all_roads.svg/220px-Montenegro_all_roads.svg.png)
![](http://upload.wikimedia.org/wikipedia/commons/thumb/f/f4/A_road_tunnel_in_Montenegro%2C_near_the_Ostrog_Monastery_%28September%2C_2018%29.jpg/220px-A_road_tunnel_in_Montenegro%2C_near_the_Ostrog_Monastery_%28September%2C_2018%29.jpg)
Avtomobil yollarının ümumi uzunluğu 5277 km-dir, bunun isə 1729 kilometri isə asfaltlaşdırılmışdır.
Su nəqliyyatı
[redaktə | mənbəni redaktə et]Ən böyük limanı Bardır. Liman 5 milyon tona qədər yük qəbul etmə imkanına sahibdir. İtaliyanın Bari və Ankona limanları arasında bərə fəaliyyət göstərir. Digər limaları — Kotor, Risan, Tivat və Zelenika (Kotor körfəzi). Ölkədə yalnız Tara çayı turistik məqsədlər üçün naviqasiyada istifadə edilir.
Mənbə
[redaktə | mənbəni redaktə et]- Montenegro Travel Service Arxivləşdirilib 2021-02-25 at the Wayback Machine
- Road Map of Montenegro
İstinadlar
[redaktə | mənbəni redaktə et]- ↑ "Airports of Montenegro". montenegroairports.com. 2022-03-04 tarixində arxivləşdirilib. İstifadə tarixi: 2019-04-16.