Nəzakət Ağazadə — Vikipediya
Nəzakət Orucova | |
---|---|
Nəzakət Ağazadə | |
Doğum tarixi | |
Doğum yeri | Gəncə, Yelizavetpol quberniyası |
Vəfat tarixi | (69 yaşında) |
Vəfat yeri | Bakı, Azərbaycan SSR |
Milliyyəti | azərbaycanlı |
Həyat yoldaşı | Əliheydər Orucov |
Atası | Həsən bəy Ağayev |
Anası | Xədicə Ağayeva |
Elm sahəsi | filologiya |
Elmi dərəcəsi | professor |
İş yerləri | Azərbaycan Dövlət Xarici Dillər İnstitutu kafedra müdiri (1942-1961), Azərbaycan Pedaqoji Rus dili və ədəbiyyatı İnstitutunun prorektoru (1966-1968) |
Təhsili | Moskva Xarici Dillər İnstitutu |
Nəzakət Ağazadə (Nəzakət Orucova, d. 13 fevral 1910, Gəncə şəhəri, Yelizavetpol quberniyası–ö. 10 aprel 1979, Bakı şəhəri, Azərbaycan SSR)— dilçi alim, filologiya elmlər doktoru, professor, Həsən bəy Ağayevin qızı [1]
Həyatı
[redaktə | mənbəni redaktə et]Nəzakət Ağazadə 13 fevral 1910-cu ildə Gəncə şəhərində Həsən bəy Ağayevlə, Xədicə xanım Ağayevanın ailəsində dünyaya gəlmişdir. O, ailəsnin 3-cü qız övladı idi. 1931-ci ildə Azərbaycan Pedaqoji İnstitutuna daxil olan Nəzakət xanımı 1932-də “Müsavat Parlamanı başçısının qızı” olduğu üçün 2-ci kursdan çıxarmışdılar. Daha sonra Moskva Xarici Dillər İnstitutunun alman dili fakültəsini bitirmişdi. 1948-də Moskvada namizədlik, 1966-da Bakıda doktorluq dissertasiyası müdafiə etmiş, professor adını almışdır. [2]
"Azərnəşr"də tanış olduğu Əliheydər Orucovla evlənən Nəzakət xanımın 1942-ci ildə Elxan adlı bir oğlu dünyaya gəlmişdir. Onun həyat yoldaşı da özü kimi professor, EA-nın müxbir üzvü, görkəmli Azərbaycan dilçilərindən biri olmuşdur.
Fəaliyyəti
[redaktə | mənbəni redaktə et]Nəzakət xanım uzun illər Azərbaycan Dövlət Xarici Dillər İnstitutunun alman dili kafedrasının müdiri vəzifəsində çalışmışdır. 1966-cı ildən 1968-ci ilə qədər isə Azərbaycan Pedaqoji Rus dili və ədəbiyyatı İnstitutunun prorektoru olmuşdur. Alimin araşdırmaları əsasən azərbaycan və alman dillərinin müqayisəli öyrənilməsinə aiddir. Bunda başqa onun Azərbaycan məktəbləri üçün alman dili dərslikləri yaradılmasında böyük xidmətləri olmuşdur.
Vəfatı
[redaktə | mənbəni redaktə et]Nəzakət Ağazadə 1979-cu ildə səfərdə olarkən vəfat edib. Sonradan onun tabutu Bakıya gətirilib.