Paqoda — Vikipediya
![](http://upload.wikimedia.org/wikipedia/commons/thumb/6/6f/Yokohama_Garden4editHueSat.jpg/200px-Yokohama_Garden4editHueSat.jpg)
Paqoda — Uzaq Şərq ölkələrində dini xarakterli tikili[1], buddizm və hinduizm məbədi. Yaponlar ona - 塔 too; hindlilər - भगवत् bxaqavat, "müqəddəs, şərəfli" deyirlər.
Тailand, Myanma, Şri-Lanka, Laos və Kambocada paqoda buddist məbədləri adlanır. Paqodalar bəzi ölkələrdə həm dini ibadətgah, həm də məbəd funksiyasını yerinə yetirirlər. Burada dini əşyaları saxlayır və memorial kompleks kimi fəaliyyət göstərirlər. Müxtəlif ölkələrdə paqoda kateqoriyasına müxtəlif tip binaları aid edirlər. Hər yerin milli motivinə uyğun olaraq paqodalar fərqli tərzlərdə olur.
Nepal, Çin, Çinin Tibet bölgəsində, Koreya, Yaponiya, Vyetnam, İndoneziya, Hindistanın şimal bölgəsində və Qərb ölkələrində məbəd kimi istifadə edilən çoxmərtəbəli qüllələrə paqoda deyilir.
Belə hesab edilir ki, ilk paqodalar Nepalda meydana gəlmiş, sonralar nepal memarları bütün Uzaq Şərq boyu yayılmışlar. Nepalda paqoda formasında hinduizm məbədləri tikirlər.
Məşhur paqodalar
[redaktə | mənbəni redaktə et]- Hanoydakı bir sütunlu paqoda
- Yaponiyanın Nara şəhəri yaxınlığındakı Yakusi-dzi paqodası
- Yaponiyanın Kioto şəhərindəki Kiyomidzu-dera məbədindəki paqoda
- Çinin Syan şəhərindəki vəhşi qazların böyük poqodası
- Çinin Syan şəhərindəki vəhşi qazların kiçik paqodası
- Pekindəki Vansun paqodası
- Londondakı böyük paqoda - şinuazri abidəsi
- Pekindəki ağ paqoda
- Liszyan çayı sahilindəki çin paqodası
İstinadlar
[redaktə | mənbəni redaktə et]- ↑ Azərbaycan Sovet Ensiklopediyası, VII cild. Bakı, 1983. səh.426
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)