Vüsal Yaqubov — Vikipediya
Vüsal Yaqubov | |
---|---|
![]() | |
Şəxsi məlumatlar | |
Doğum tarixi | 2 mart 2001 (23 yaş) |
Doğum yeri | |
Vətəndaşlığı | |
Təhsili | Göyçay rayon İdarəetmə Texnologiya Kolleci (yarımçıq) |
Hərbi fəaliyyəti | |
Mənsubiyyəti | ![]() |
Qoşun növü | ![]() |
Xidmət illəri | 2020-ci ildən |
Rütbəsi | Əsgər |
Döyüşlər | İkinci Qarabağ müharibəsi • Cəbrayılın azad edilməsi • Füzulinin azad edilməsi • Şuşanın azad edilməsi |
Təltifləri | |
![]() ![]() ![]() ![]() ![]() | |
![]() |
Vüsal Elşən oğlu Yaqubov (2 mart 2001, Bakı) — Azərbaycan Silahlı Qüvvələrinin əsgəri, İkinci Qarabağ müharibəsinin iştirakçısı, Vətən Müharibəsi Qəhrəmanı.
Həyatı
[redaktə | mənbəni redaktə et]Vüsal Yaqubov 2 mart 2001-ci ildə Bakının Xətai rayonunun Əhmədli qəsəbəsində anadan olmuşdur. Əslən Qubadlı rayonunun Yusifbəyli kəndindəndir. 2002-ci ildə ailəsi ilə Sumqayıt şəhərinə köçmüşdür.
Təhsili
[redaktə | mənbəni redaktə et]Birinci sinifə 2007-ci ildə qəbul olan Vüsal Yaqubov 2018-ci ilə qədər orta təhsilini almışdır. Həmin Göyçay rayon İdarəetmə Texnologiya Kollecinə qəbul olsa da, təhsilini donduraraq müddətli həqiqi hərbi xidmətə yollanmışdır.
Ailəsi
[redaktə | mənbəni redaktə et]Evlidir. 2020-ci ilin noyabrın 22-də Laçın rayonu istiqamətində ermənilər tərəfindən öldürülən İkinci Qarabağ müharibəsi iştirakçısı, Təcili Tibbi Yardım Stansiyasının sürücüsü Fəxrəddin Yaqubovun qardaşı oğlu idi.
Hərbi xidməti
[redaktə | mənbəni redaktə et]![](http://upload.wikimedia.org/wikipedia/commons/thumb/4/4f/Ilham_Aliyev_and_Vusal_Yagubov_at_Gubadli.jpg/220px-Ilham_Aliyev_and_Vusal_Yagubov_at_Gubadli.jpg)
Vüsal Yaqubov 1 ay Quru Qoşunlarında xidmət etdikdən sonra hərbi hissə rəhbərliyinin diqqətini cəlb elədiyinə görə xidmətini Xüsusi Təyinatlı Qüvvələrdə davam eləməsi barədə qərar verilmişdir.
Azərbaycan Ordusunun əsgəri olan Vüsal Yaqubov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsi zamanı Cəbrayılın, Füzulinin və Şuşanın azadlığı uğrunda gedən döyüşlərdə savaşıb.
Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Azərbaycan Prezidenti İlham Əliyevin 09.12.2020-ci il tarixli Sərəncamına əsasən Vüsal Yaqubova "Vətən Müharibəsi Qəhrəmanı" adı verildi.[1]
Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli Sərəncamına əsasən Vüsal Yaqubov "Cəbrayılın azad olunmasına görə" medalı ilə təltif edildi.[2]
Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Vüsal Yaqubov "Füzulinin azad olunmasına görə" medalı ilə təltif edildi.[3]
Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Vüsal Yaqubov "Şuşanın azad olunmasına görə" medalı ilə təltif edildi.[4]
Azərbaycan Prezidenti İlham Əliyevin 2 fevral 2024-cü il tarixli Sərəncamı ilə "Heydər Əliyevin 100 illiyi (1923–2023)" yubiley medalı ilə təltif edildi.
İrsi və xatirəsi
[redaktə | mənbəni redaktə et]- 2021-ci il noyabrın 18-də İctimai Televiziyanın "Heç kim unudulmur, heç nə yaddan çıxmır" verilişinin növbəti seriyası Vüsal Yaqubova həsr edilmişdir.[5]
Təltifləri
[redaktə | mənbəni redaktə et](09.12.2020) — "Vətən Müharibəsi Qəhrəmanı" medalı
(24.12.2020) — "Cəbrayılın azad olunmasına görə" medalı[6]
(25.12.2020) — "Füzulinin azad olunmasına görə" medalı[7]
(29.12.2020) — "Şuşanın azad olunmasına görə" medalı[8]
(02.02.2024) — "Heydər Əliyevin 100 illiyi (1923–2023)" yubiley medalı
İstinadlar
[redaktə | mənbəni redaktə et]- ↑ "Azərbaycan Silahlı Qüvvələrinin hərbi qulluqçularına "Vətən Müharibəsi Qəhrəmanı" adının verilməsi haqqında Azərbaycan Prezidentinin 09.12.2020-ci il tarixli Sərəncamı" ( (az.)). 09.12.2020. 2020-12-09 tarixində arxivləşdirilib. İstifadə tarixi: 08.12.2020.
- ↑ "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli Sərəncamı" ( (az.)). 24.12.2020. 2020-12-24 tarixində arxivləşdirilib. İstifadə tarixi: 24.12.2020.
- ↑ "Azərbaycan Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı" ( (az.)). 25.12.2020. 2020-12-25 tarixində arxivləşdirilib. İstifadə tarixi: 25.12.2020.
- ↑ "Azərbaycan Silahlı Qüvvələrinin hərbi qulluqçularının "Şuşanın azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı" ( (az.)). 29.12.2020. 2020-12-29 tarixində arxivləşdirilib. İstifadə tarixi: 29.12.2020.
- ↑ "Heç kim unudulmur, heç nə yaddan çıxmır - Vətən Müharibəsi Qəhrəmanı Vüsal Yaqubov". 2024-05-11 tarixində arxivləşdirilib. İstifadə tarixi: 2024-05-11.
- ↑ "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli Sərəncamı" ( (az.)). 24.12.2020. 2020-12-24 tarixində arxivləşdirilib. İstifadə tarixi: 24.12.2020.
- ↑ "Azərbaycan Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı" ( (az.)). 25.12.2020. 2020-12-26 tarixində arxivləşdirilib. İstifadə tarixi: 25.12.2020.
- ↑ "Azərbaycan Silahlı Qüvvələrinin hərbi qulluqçularının "Şuşanın azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı" ( (az.)). 29.12.2020. 2021-01-04 tarixində arxivləşdirilib. İstifadə tarixi: 29.12.2020.