Xəqani Cəbrayılov — Vikipediya

Xəqani Cəbrayılov
Xəqani Sərdar oğlu Cəbrayılov
Şəxsi məlumatlar
Doğum tarixi	24 yanvar 1968(1968-01-24) (56 yaş)
Doğum yeri	Cahangirbəyli, Zəngilan rayonu, Azərbaycan SSR, SSRİ
Vətəndaşlığı	SSRİ  Azərbaycan
Milliyyəti	azərbaycanlı
Təhsili	Blaqoveşnsk Ali Tank Komandanlıq Məktəbi[d], Azərbaycan Respublikası Silahlı Qüvvələrinin Hərbi Akademiyası
Hərbi fəaliyyəti
Qoşun növü	quru qoşunları
Xidmət illəri	1989-2021
Rütbəsi	General-mayor
Döyüşlər	Birinci Qarabağ müharibəsi
Təltifləri

Cəbrayılov Xəqani Sərdar oğlu (24 yanvar 1968, Cahangirbəyli, Zəngilan rayonu) — ehtiyatda olan general-mayor.

Xəqani Cəbrayılov 24 yanvar 1968-ci ildə Zəngilan rayonun Cahangirbəyli kəndində anadan olub. 1985-ci ildə Cahangirbəyli kənd orta məktəbini bitirdikdən sonra Blaqoveşensk Ali Tank Komandanlıq Məktəbinə daxil olub. 23 iyul 1989-cu ildə həmin məktəbi bitirdikdən sonra leytenant hərbi rütbəsi alıb. 1989-1992-ci illərdə Uzaq Şərq Hərbi Dairəsində taqım və bölük komandiri vəzifələrində xidmət edib. 1992-ci ilin mart ayından etibarən Azərbaycan Ordusunda xidmətə başlayıb. Bölük, tabor və birləşmə komandiri vəzifələrində xidmət edib. Birləşmə komandiri vəzifəsinə təyin edilib. 1992-1994-cü illərdə Qarabağ uğrunda gedən döyüşlərdə tabor komandiri olub. 1998-ci ildə Silahlı Qüvvələrin Hərbi Akademiyasını bitirib. 25 iyun 2014-cü ildə Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin sərəncamı ilə general-mayor ali hərbi rütbəsinə layiq görülüb.

2021-ci ilin yanvar ayında ehtiyata buraxılıb.

Xidməti dövründə 1 orden və 15 medalla təltif edilib.

1. "Azərbaycan Respublikası Silahlı Qüvvələrinin 10 illiyi (1991-2001) yubileyi" medalı — Azərbaycan Respublikası Müdafiə nazirinin 26.06.2003 tarixli əmri
2. "Qüsursuz xidmətə görə" 3-cü dərəcəli medalı — Azərbaycan Respublikası Müdafiə nazirinin 26.06.2003 tarixli əmri
3. "Hərbi xidmətdə fərqlənməyə görə" 3-cü dərəcəli medalı — Azərbaycan Respublikası Müdafiə nazirinin 23.06.2005 tarixli əmri
4. "Vətən uğrunda" medalı — Azərbaycan Respublikası Prezidentinin 24.06.2005 tarixli Sərəncamı
5. "Hərbi xidmətlərə görə" medalı — Azərbaycan Respublikası Prezidentinin 25.06.2011 tarixli Sərəncamı
6. "Azərbaycan Respublikası Silahlı Qüvvələrinin 95 illiyi (1918-2013) yubileyi" medalı — Azərbaycan Respublikası Müdafiə nazirinin 24.06.2013 tarixli əmri
7. "Azərbaycan Respublikası Silahlı Qüvvələrinin 90 illiyi (1918-2008) yubileyi" medalı — Azərbaycan Respublikası Müdafiə nazirinin 05.07.2014 tarixli əmri
8. "Azərbaycan Respublikası Silahlı Qüvvələri Veteranı" medalı — Azərbaycan Respublikası Müdafiə nazirinin 20.10.2014 tarixli əmri
9. 3-cü dərəcəli "Vətənə xidmətə görə" ordeni — Azərbaycan Respublikası Prezidentinin 24.06.2015 tarixli Sərəncamı
10. "Qüsursuz xidmətə görə" 2-ci dərəcəli medalı — Azərbaycan Respublikası Müdafiə nazirinin 26.06.2015 tarixli əmri
11. "Qüsursuz xidmətə görə" 1-ci dərəcəli medalı — Azərbaycan Respublikası Müdafiə nazirinin 26.06.2016 tarixli əmri
12. "Hərbi xidmətdə fərqlənməyə görə" 2-ci dərəcəli medalı — Azərbaycan Respublikası Müdafiə nazirinin 26.06.2016 tarixli əmri
13. "İgidliyə görə" medalı — Azərbaycan Respublikası Prezidentinin 25.06.2018 tarixli Sərəncamı
14. "Azərbaycan Ordusunun 100 illiyi (1918-2018)" Azərbaycan Respublikasının yubileyi medalı — Azərbaycan Respublikası Müdafiə nazirinin 26.06.2018 tarixli əmri
15. "Azərbaycan Xalq Cümhuriyyətinin 100 illiyi (1918-2018)" Azərbaycan Respublikası yubileyi medalı — Azərbaycan Respublikası Prezidentinin 25.07.2019 tarixli Sərəncamı
16. "Hərbi xidmətdə fərqlənməyə görə" 1-ci dərəcəli medalı — Azərbaycan Respublikası Müdafiə nazirinin 09.12.2019 tarixli əmri.