Zərbalı Mirzə — Vikipediya
Zərbalı Mirzə | |
---|---|
Zərbalı Mirzə oğlu Allahverdiyev | |
![]() | |
Doğum adı | Zərbalı |
Təxəllüsü | Mirzə |
Doğum tarixi | |
Doğum yeri | |
Vətəndaşlığı | ![]() ![]() |
Milliyyəti | azərbaycanlı |
Uşaqları | Ülvi, Həmid, Rüfət |
Atası | Mirzə |
Təhsili | S.M. Kirov adına Azərbaycan Dövlət Universiteti |
İxtisası | Jurnalistika |
Fəaliyyəti | “İnşaatçı” qəzeti redaksiyası Baş redaktor |
Fəaliyyət illəri | 1987–indi |
Mükafatları | "Qızıl qələm" mükafatı Həsən bəy Zərdabi mükafatı Əməkdar Jurnalist |
Zərbalı Mirzə (tam adı: Allahverdiyev Zərbalı Mirzə oğlu; d. 1 yanvar 1960, Ucar rayonu, Yuxarı Şilyan kəndi, Azərbaycan SSR, SSRİ) — jurnalist, “İnşaatçı” qəzetinin baş redaktoru, Əməkdar Jurnalist (2015)
Həyatı
[redaktə | mənbəni redaktə et]1 yanvar 1960-cı ildə Azərbaycan Respublikası Ucar rayonunun Yuxarı Şilyan kəndində qulluqçu ailəsində anadan olub. 1967-1977-ci illərdə Yuxarı Şilyan kənd məktəbində orta təhsil alıb. Orta məktəbi bitirdikdən sonra 1979-1981-ci illərdə ordu sıralarında hərbi xidmətdə olub.
Nümunəvi xidmətinə görə ordu komandanlığının göndərişi ilə 1981-ci ildə S.M. Kirov adına Azərbaycan Dövlət Universitetinin (Bakı Dövlət Universiteti) jurnalistika fakültəsinin hazırlıq şöbəsinə daxil olmuş, 1982-1987-ci illərdə isə S.M. Kirov adına Azərbaycan Dövlət Universitetinin jurnalistika fakültəsinin əyani şöbəsində tam kursu bitirərək jurnalist ixtisasına yiyələnmişdir.
Hələ jurnalistika fakültəsində təhsil aldığı illərdə respublikanın aparıcı mətbuat orqanlarında – “Kommunist”, Sovet kəndi”, “Bakı”, “Azərbaycan gəncləri” və bir sıra digər qəzetlərdə tələbə-jurnalist kimi maraqlı yazılarla çıxış etmişdir.
Universiteti bitirdikdən sonra – 1987-ci ildə təyinatla “İnşaatçı” qəzeti redaksiyasında işə başlamış, qısa vaxt ərzində müxbir, xüsusi müxbir, şöbə müdiri və məsul katib vəzifələrində pillə-pillə yüksələrək 2001-ci ildən qəzetin redaktor müavini vəzifəsinə təyin olunmuşdur.
2006-cı ildən “İnşaatçı” qəzetinin baş redaktoru vəzifəsində çalışır.
Tanınmış inşaatçıların həyatından bəhs edən 5 avtobioqrafik əsərin müəllifidir. Həmçinin “Azərbaycan Respublikasının inkişafında tikinti kompleksinin rolu” kitabının və “Azərbaycan Tikinti Kompleksinin Ensiklopediyası” kitablarının nəşr olunuş 1, 2, 3, 4 və 5-ci cildlərinin müəlliflərindən biridir.
Ailəlidir, 3 oğlu var.
Mükafatları
[redaktə | mənbəni redaktə et]Mətbuatda fasiləsiz, səmərəli fəaliyyətinə və publisistik yazılarına görə Azərbaycan jurnalistlərinin “Qızıl qələm” mükafatı laureatı adına və Həsən Bəy Zərdabi adına mükafata layiq görülmüşdür.
Azərbaycan Respublikasının Prezidenti İlham Əliyevin 9 aprel 2015-ci il tarixli Sərəncamı ilə “İnşaatçılar Günü” peşə bayramı münasibətilə və Azərbaycan Respublikasında tikinti kompleksinin təbliğində və inkişafındakı xidmətlərinə görə “Əməkdar Jurnalist” fəxri adı verilmişdir.[1]
Kitabları
[redaktə | mənbəni redaktə et]![](http://upload.wikimedia.org/wikipedia/commons/thumb/2/23/ATKE-5cild.png/220px-ATKE-5cild.png)
- 0 elə yaşadı..., Bakı: "Əbilov, Zeynalov və oğulları" nəşriyyatı, 2002, 256 səh.
- İnşaat kompleksinin kənd tikinti zirvəsi, Bakı: “İndigo” mətbəəsi,2006, 352 səh.
- Eldar istedadının ziyası, Bakı: Çaşıoğlu Elm İstehsalat Firması, 2007, 208 səh.
- Ömrün üfüqlıri, Bakı: Nurlan nəşriyyatı, 2008, 208 səh.
- Zəhmət dolu 60 il, Bakı: Şərq-Qərb nəşriyyatı, 2009, 272 səh.
- Bakı Baş Tikinti İdarəsi İnşaat Kompleksinin Akademiyasıdır, I cild Bakı: Şərq-Qərb nəşriyyatı, 2009, 353 səh.
- Azərbaycanın inkişafında tikinti kompleksinin rolu, Bakı: Şərq-Qərb nəşriyyatı, 2011, 296 səh.
- Azərbaycan Tikinti Kompleksinin Ensiklopediyası (ATKE) – toplu, I cild, Bakı: Yeni Poliqrafist, 2011, 336 səh.
- Azərbaycan Tikinti Kompleksinin Ensiklopediyası (ATKE) – toplu, II cild, Bakı: Yeni Poliqrafist, 2012, 256 səh.
- Azərbaycan Tikinti Kompleksinin Ensiklopediyası (ATKE) – toplu, III cild, Bakı: Yeni Poliqrafist, 2013, 216 səh.
- Azərbaycan Tikinti Kompleksinin Ensiklopediyası (ATKE) – toplu, IV cild, Bakı: Yeni Poliqrafist, 2014, 232 səh.
- Azərbaycan Tikinti Kompleksinin Ensiklopediyası (ATKE) – toplu, V cild, Bakı: Yeni Poliqrafist, 2015, 216 səh.
- Azərbaycan Tikinti Kompleksinin Ensiklopediyası (ATKE) – toplu, VI cild, Bakı: "Şərq-Qərb", 2016, 216 səh.
- Azərbaycan Tikinti Kompleksinin Ensiklopediyası (ATKE) – toplu, VII cild, Bakı: "Şərq-Qərb", 2017, 216 səh.
- Azərbaycan Tikinti Kompleksinin Ensiklopediyası (ATKE) – toplu, VIII cild, Bakı: "Şərq-Qərb", 2018, 216 səh.
- Azərbaycan Tikinti Kompleksinin Ensiklopediyası (ATKE) – toplu, IX cild, Bakı: "Şərq-Qərb", 2019, 216 səh.
İstinadlar
[redaktə | mənbəni redaktə et]- ↑ "İnşaat işçilərinə fəxri adların verilməsi haqqında Azərbaycan Respublikası Prezidentinin 9 aprel 2015-ci il tarixli, 1166 nömrəli Sərəncamı". e-qanun.az (azərb.). 09 aprel 2015. 2019-02-27 tarixində arxivləşdirilib. İstifadə tarixi: 2 iyun 2016.
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
Xarici keçidlər
[redaktə | mənbəni redaktə et]Sözün işığında yaşanan ömür... https://525.az/site/?name=xeber&news_id=131495#gsc.tab=0