Рәмис Аймәт — Wikipedia
Рәмис Аймәт | |
---|---|
Туган телдә исем | Рәмис Кыям улы Аймәтев |
Туган | 4 октябрь 1968 (55 яшь) Мунчалы авылы, Чүпрәле районы, Татарстан АССР |
Милләт | татар |
Ватандашлыгы | ![]() ![]() |
Әлма-матер | Казан (Идел буе) федераль университеты |
Һөнәре | шагыйрь, җырчы |
Эш бирүче | Татарстан язучылар берлеге, Татар әдәбияты тарихы музее һәм Шәриф Камалның мемориаль фатиры һәм Тукай музее |
Бүләк һәм премияләре | Муса Җәлил премиясе (2017) Һади Такташ премиясе ТР атказанган сәнгать эшлеклесе |
Рәмис Кыям улы Аймәтев — татар шагыйре, җырчы, Татарстан язучылар берлеге әгъзасы (2001 елдан). Һ. Такташ (2012) һәм М. Җәлил (2017) исемендәге әдәби премияләр лауреаты, ТР атказанган сәнгать эшлеклесе (2019).
Тәрҗемәи хәле
[үзгәртү | вики-текстны үзгәртү]Ул 1968 елның 4 октябрендә Татарстанның Чүпрәле районы Мунчалы авылында колхозчы гаиләсендә дөньяга килә. Бала чактан ук шигырьгә-җырга мавыгып үсә. Урта мәктәпне 1986 елда тәмамлагач, ул Казанга килә һәм Казан дәүләт университетының татар теле һәм әдәбияты бүлегенә укырга керә. Студент елларында ук шигъри иҗат белән ныклап шөгыльләнә башлый, көндәлек матбугатта беренче шигырьләрен бастыра. «Казан утлары», «Идел» кебек абруйлы журналларда шигъри цикллары дөнья күреп, әдәби җәмәгатьчелекнең игътибарын үзенә тарта. 2000 елда аның «Шомырт салкыннары» исемле беренче җыентыгы басылып чыга һәм көндәлек матбугатта югары бәя ала (Лена Шагыйрьҗан, Рафаэль Мостафин, Флера Гыйззәтуллина мәкаләләре). 2005 елда Рәмис Аймәтнең «Мәгариф» нәшриятында «Айның аръягында» исемле шигъри җыентыгы басылып чыга.
Университетны тәмамлаганнан соң, Рәмис Аймәт биш-алты ел чамасы газета редакцияләрендә («Мәгърифәт», «Шәһри Казан») хәбәрче, мәдәният бүлеге, әдәбият бүлеге мөдире, җаваплы сәркәтип вазифаларын башкара, 1995—1998 елларда Татарстан язучылар берлегендә рәис ярдәмчесе сыйфатында да берникадәр вакыт эшләп ала. 1998—2004 елларда Рәмис Аймәт — Шәриф Камал музееның директоры. Бу эштә үзен оста оештыручы итеп таныта, әдәби кичәләр, язучыларның укучылар белән очрашуларын, юбилейларын уздыруны төп мәдәни чараларның берсенә әйләндерә, музейның бинасын ремонтлау, мәйданын киңәйтү юнәлешендә нәтиҗәле эшләр башкара. 2004 елдан ул — Габдулла Тукайның Казандагы әдәби музее мөдире. 2013 елдан Татарстан язучылар берлегендә рәис урынбасары булып эшли.
Бүләкләре, мактаулы исемнәре
[үзгәртү | вики-текстны үзгәртү]- 2012 — Һади Такташ премиясе [1][2]
- 2017 — Хүсәйн Байкара[d] исемендәге премия (Төркия Язучылар берлеге)[3][4]
- 2017 — Муса Җәлил премиясе — «иҗади яшьләр белән күпьеллык уңышлы эшчәнлеге өчен[5]
- 2019 — ТР атказанган сәнгать эшлеклесе[6]
Искәрмәләр
[үзгәртү | вики-текстны үзгәртү]- ↑ Премия имени Хади Такташа. ТР Язучылар берлеге. 2022 елның 24 октябре тикшерелгән.
- ↑ Рәмис Аймәт: Һади Такташ һәйкәле янында Шигърият бәйрәмен үткәрүне традициягә кертәсе иде. Татар-информ, 18.06.2023
- ↑ Поэт Рамис Аймет удостоен литературной премии XII Международного фестиваля тюркской поэзии. ТР мәдәният министрлыгы (2017 елның 26 декабре). 2022 елның 24 октябре тикшерелгән.(үле сылтама)
- ↑ «Türkçe'nin 12. Uluslararası Şiir Şöleni» Türkistan'da gerçekleştirildi. Төркия Язучылар берлеге[tr] (2017 елның 24 декабре). 2022 елның 25 октябре тикшерелгән.
- ↑ ТР министрлар кабинеты карары № 420 23.06.2017 (PDF), archived from the original (PDF) on 2021-04-13, retrieved 2017-07-04
- ↑ Шагыйрь Рәмис Аймәт "Татарстан Республикасының атказанган сәнгать эшлеклесе" исеменә лаек булган.(үле сылтама) Татар-информ, 5.05.2019
Чыганаклар
[үзгәртү | вики-текстны үзгәртү]- Әдипләребез — 1 нче том. Төзүчеләре — Рәис Даутов, Равил Рахмани. Казан: Татарстан китап нәшрияты, 2009.
- Татар язучылары порталы
Сылтамалар
[үзгәртү | вики-текстны үзгәртү]- Татар электрон китапханәсе 2012 елның 28 гыйнвар көнендә архивланган.
- РӘМИС АЙМӘТ: «ВАКЫТЛЫЧА ОЧРАШКАНДА ХАТЫН-КЫЗ ТАБЫШМАК БУЛЫП КАЛА»