Чәк-чәк музее — Wikipedia

Чәк-чәк музее
Нигезләнү датасы	сентябрь 2014
Дәүләт	Россия
Административ-территориаль берәмлек	Татарстан һәм Казан
Урын	Казан
Рәсми веб-сайт	chak-chak.muzeino.ru
Чәк-чәк музее Викиҗыентыкта

Чәк-чәк музее
Нигезләү датасы	сентябрь 2014
Нигезләүчеләр	Дмитрий һәм Раушания Полосиннар
Урын	Казан, Париж Коммунасы, 18
Директор	Полосин Дмитрий Николаевич
Сайт	http://chak-chak.museum
Чәк-чәк музее Викиҗыентыкта

Чәк-чәк музее Татарстан Республикасының Казан шәһәренең Иске Татар бистәсендә урнашкан.

Музей сәүдәгәр Вафа Бигаев йортында (19 гасыр башы архитектура һәйкәле^[1]) Казан, Париж Коммунасы, 18 адресы буенча урнашкан.

Музейдагы экскурсияләр Идел Болгарыннан бүгенге көнгә кадәр чорларны колачлый, әмма XIX гасыр азагы — XX гасыр башы чорына аерым игътибар бирелә.

Музейда XIX гасыр азагы — XX гасыр башы татар тормыш-көнкүреше торгызыла. Казан һәм Казан арты татар йортлары интерьерларының чын фотосурәтләре нигезендә, ул чордагы көнкүреш, кием-салым, хезмәт кораллары үрнәкләрен кулланып торгызыла. Бу музейның үзенчәлеге шундый: барысын да куллар белән тотып карарга һәм гамәлдә сынап карарга була.

Музей составына музей сәүдәсе да керә, анда борынгы рецепт буенча торгызылган чәк-чәк, бавырсак һәм XIX гасырның тагын бер ризыгын татып карарга мөмкин.

Музей 2014 елның сентябрендә музейны оештыручылар — Дмитрий Полосин һәм Раушания Сөләйманова акчасына ачыла^[2].

• Татарстан Республикасының Туризм буенча Дәүләт комитеты үткәрә торган «Туризм — XXI гасыр» XIV республика конкурсы. Чәк-чәк музее — «Ел ачышы-2014» номинациясендә җиңүче^[3];
• «Ял» номинациясендә Kids-friendly Business Award Казан 2014 премиясе җиңүчесе^[4];
• «Туристлык сувениры» Бөтенроссия конкурсында 1 урын (2015, 2016, 2017)^[5];
• «Туристлык сувениры» Бөтенроссия конкурсы Гран-прие (2018);
• Tour-taste халыкара конкурсында «Ел бренды», «иң яхшы тәэсир өчен», «иң яхшы төргәкләү», «традицияләрне саклау» номинацияләрендә җиңүче;
• Музей Казан шәһәре мэриясе һәм Татарстан Республикасының Туризм буенча комитеты исеменнән дәүләт бүләкләре белән бүләкләнә;
• Музей җитәкчеләре дәүләт бүләкләре белән бүләкләнә.

• 

  National Geographic Россия Россиянең гастрономик мирасы белән таныштырган 5 төп урыннан торган «тәмле карта»ны төзегән^[6]. Алар арасында Чәк-чәк музеендагы чәк-чәк тә бар.
• Adme.ru Россиянең иң кызыклы 18 музееннан торган коллекция җыя, Чәк-чәк музее турында алар болай язалар: «Бу гаҗәеп урын, анда сез татар халкының тарихын һәм гореф-гадәтләрен белә аласыз, берничә төр чәк-чәк татып карыйсыз һәм татар халкының милли ризыгын әзерләү серен ача аласыз.»^[7]
• «Аргументы и Факты» газетасы версиясе буенча «Казанда күрергә кирәк булан 14 урын» исемлегенә керә^[8].
• Жанна Бадоева «Орёл и решка» сәяхәтләр турында программа кысаларында Чәк-чәк музеенда чәк-чәк әзерләгән^[9].
• Вилле Хаапасало, Татарстан турында тапшыруны төшергәндә, музейга нигез салучыларның берсе белән аралашкан^[10].