Aşağı meydan — Vikipediya
Aşağı meydan | |
---|---|
Ölkə | ![]() |
Şəhər | ![]() |
Yerləşir | Şuşa |
Aidiyyatı | Şuşa Tarix-Memarlıq Qoruğu |
Tikilmə tarixi | XVIII əsr |
Aşağı meydan və ya Torpaq meydanı— Şuşa şəhərinin ən qədim şəhər meydanlarından biridir. Şuşa qalasının aşağı hissəsində yerləşir.
Tarixi
[redaktə | mənbəni redaktə et]Aşağı meydan adı Meydanın yerləşdiyi ərazi ilə müqayisədə Aşağı meydanın ərazisinin Şuşa qalasının aşağı hissəsində yerləşməsi ilə əlaqəlidir. Aşağı meydan xalq arasında həm də Torpaq meydanı adı ilə tanınır.[1] Bu adın yaranmasının səbəbi isə Şuşanın digər şəhər meydanlarından fərqli olaraq daşlarla döşənməməsi və torpaq örtüyə malik olması ilə əlaqəlidir.[1]
Şuşa şəhərinin tarixi qeyd edilməmiş baş planında Aşağı meydanın qərb tərəfində yerləşən, bir-birinə bitişik iri ictimai binalar diqqət çəkir.[1] Həmin binaların heç biri dövrümüzə çatmamışır.[1] Planda heç bir izah və şərh verilmədiyinə görə həmin binaların hansı funksiyanı yerinə yetirməsi naməlumdur.[1] Qarabağ tarixçisi Baharlının məlumatına görə, Aşağı meydanda Qazı Mirzə Əli hamamı yerləşirdi.[2]
Xüsusiyyətləri
[redaktə | mənbəni redaktə et]Aşağı meydan düz Aşağı məhəllənin ortasında yerləşir. Ərazinin sakit, düz relyefi, geniş ölçüləri, ictimai ticarət kompleksinin olması və Aşağı bazar küçəsi vasitəsiylə Yuxarı Gövhər ağa məscidi ilə əlaqələndirilməsinə əsaslanan E. Avalov Aşağı meydanın şəhərin ən qədim meydanlarından biri olmasını və uzun müddət əsas ictimai-ticarət mərkəzi kimi fəaliyyət göstərməsini qeyd edir.[1]
İstinadlar
[redaktə | mənbəni redaktə et]- ↑ 1 2 3 4 5 6 Авалов, 1977. səh. 47
- ↑ Məhəmmədəli bəy Məxfi. Əhvalati-Qarabağ (PDF). Bakı: Şərq-Qərb. 2006. səh. 40. ISBN 978-9952-34-070-9. Archived from the original on 2020-01-10. İstifadə tarixi: 2022-01-01.
Ədəbiyyat
[redaktə | mənbəni redaktə et]- Авалов, Э. В. Архитектура города Шуши и проблемы сохранения его исторического облика. Баку: Элм. 1977.