Borjomi-Xaraqauli Milli Parkı — Vikipediya
Borjomi-Xaraquli Milli Parkı | |
---|---|
gürc. ბორჯომ-ხარაგაულის ეროვნული პარკი | |
Borjomi-Xaraquli Milli Parkı | |
BTMB kateqoriyası — II (Milli park)![]() | |
Sahəsi | 851 km2 ha |
Yaradılma tarixi | 1995 |
Yerləşməsi | |
41°51′00″ şm. e. 43°10′00″ ş. u. | |
Ölkə | ![]() |
Vilayət | Samtsxe-Cavaxeti diyarı |
Yaxın şəhər | Tiflis |
borjomi-kharagauli-np.ge | |
| |
![]() |
![](http://upload.wikimedia.org/wikipedia/commons/thumb/1/14/Borjomi_Kharaguli_National_Park_-_Georgia_%285%29.jpg/220px-Borjomi_Kharaguli_National_Park_-_Georgia_%285%29.jpg)
Borjomi-Xaraquli Milli Parkı (gürc. ბორჯომ-ხარაგაულის ეროვნული პარკი, borjom-kharagaulis erovnuli parki) və ya qısaca BXMP — Gürcüstanın paytaxtı Tiflisin cənub-qərbində, Kiçik Qafqazda yerləşən milli park.
Gürcüstanın ən böyük milli parklarından biridir. Altı inzibati rayondan ibarət olub Borjomi kurortundan Xaraqauli şəhərinə qədər uzanır. Qonşu Borjomi qoruğu ilə birlikdə sahəsi 851 km2-dir və Gürcüstan ərazisinin 1 %-indən çoxunu təşkil edir. Milli park 1995-ci ildə qurulsa da, rəsmi açılışı 2001-ci ildə baş tutmuşdur.
Milli parkın özünəməxsus xüsusiyyətləri ekoloji və coğrafi zonalarının müxtəlifliyi, mənzərəsi, tarixi abidələri, zəngin flora və faunasıdır. Milli parkın turizm infrastrukturu sürətlə inkişaf edir.
Tarixi
[redaktə | mənbəni redaktə et]Milli parkın tarixi orta əsrlərə gedib çıxır. Buradan əvvəllər yerli zadəganlar ovçuluq üçün istifadə etmişlər.
Gürcüstan öz müstəqilliyini itirib Rusiya İmperiyasından asılı olandan sonra Mixail Nikolayeviç Romanova Cənubi Qafqazın qubernator-general vəzifəsi verilmişdir. O, buranın təbii gözəlliyini kəşf etmiş və burada özü üçün yay iqamətgahı — Likani iqamətgahını tikdirmişdir.
Park üçün əsas gözədəyən dəyişiklik Mixailin park ərazisində icazəsiz ağac kəsməyi məhdudlaşdırmasından sonra baş vermişdir. Beləliklə, gələcək milli parkın bünövrəsi qoyulmuşdur.
1995-ci ildə Dünya Təbiəti Qoruma Fondunun və Almaniya hökumətinin dəstəyi ilə milli park yaradılmış və 2001-ci ildə rəsmi açılışı olmuşdur.
Problemlər
[redaktə | mənbəni redaktə et]Bakı-Tbilisi-Ceyhan neft kəmərinin bir hissəsi milli parkın kənarından və onun su hövzəsindən keçir.[1] Bu neft kəmərinin bu hələ zərər görməmiş ərazinin yaxınlığından keçməsi bir çoxlarının etirazına səbəb olmuşdur.[2] Onlar həmçinin bunun torpaq sürüşmələrinə səbəb ola biləcəyini də ehtimal edirlər.
2008-ci ilin avqustunda milli parkda 3 km2 meşə sahəsi yanmış və Gürcüstan Rusiyanın ekosiddən istifadə etdiyini iddia etmişdir.[3]
İstinadlar
[redaktə | mənbəni redaktə et]- ↑ Michael Meacher. "Casualties of the oil stampede". The Guardian. 2005-06-15. 2007-12-03 tarixində arxivləşdirilib. İstifadə tarixi: 2007-12-30.
- ↑ "pbs.org:Extreme Oil BTC Pipeline Georgia". 2017-08-19 tarixində arxivləşdirilib. İstifadə tarixi: 2015-03-29.
- ↑ "Main hearths of fire localised in Borjomi-Kharagauli forest reserve". 2008-09-04 tarixində arxivləşdirilib. İstifadə tarixi: 2015-03-29.
Xarici keçidlər
[redaktə | mənbəni redaktə et]- Rəsmi sayt
- Qiqa Çixladzenin məqaləsi Arxivləşdirilib 2017-01-09 at the Wayback Machine
- Gəzinti rəhbəri Arxivləşdirilib 2010-11-23 at the Wayback Machine