Fransa krallığı — Vikipediya

Tarixi dövlət
Fransa krallığı
fr. royaume de France
Bayraq Gerb
«Montjoye Saint Denis»
987 — 4 sentyabr 1791
Paytaxt	Paris, Versal, Paris
Dilləri	fransız dili
Rəsmi dilləri	fransız dili (1539–)
Dövlət dini	katolisizm
Valyuta	Tur livri, Fransa frankı
İdarəetmə forması	mütləq monarxiya, konstitusiyalı monarxiya, aristokratik monarxiya[d], ikili monarxiya[d], Fransa Krallığı[d]
Vikianbarda əlaqəli mediafayllar

Fransa Krallığı — 843–1792-ci illərdə mövcud olmuş qədim krallıqdır. Son orta əsrlərə və yüzillik müharibəyə qədər Avropanın ən güclü dövlətlərindən biri idi. Həm də dünyada müstəmləkəyə malik olan erkən müstəmləkə dövlətlərindən biri idi. Hökmdarın səlahiyyətləri 1791-ci ildə məhdudlaşdırıldı, 1792-ci ildə monarxiya ləğv edildi və Birinci Fransa Respublikası yaradıldı. Krallığın paytaxtı Paris şəhəri, dini Roma katolikliyi idi. Sloqanı Montjoie Saint Denis!, dövlət himni Marche Henri IV (1590–1792, 1814–1830)
La Parisienne (1830–1848) olmuşdur.

Əsas məqalə: Yüzillik müharibə

Yüzillik müharibə 1337-ci ildə başlamış və 1453-cü ildə başa çatmışdır. Topdan dünyada ilk dəfə bu müharibədə istifadə edildi. İngiltərə 1337-ci ildə Fransaya müharibə elan etdi. Ancaq ingilislər məğlub oldular.

Fransa kralı IV Henrix 1534-cü ildə Fransa adından Şimali Amerikanı kəşf etdi və orada bir koloniya qurdu. Amerikada qurduğu koloniya "Yeni Fransa" adlanırdı.

İtaliya müharibələri 1494-cü ildə başladı. Müharibənin səbəbi super güc olmaq idi. 1494-cü ildə başlamış müharibə 1559-cu ildə başa çatdı. 1524-cü ildə müharibə davam edərkən Fransa kralı Osmanlı sultanı Sultan Süleyman Qanunidən kömək istədi. Bu müharibə ilə İspaniya Avropada super gücə çevrildi.

Əsas məqalə: Fransada dini müharibələr

Fransada dini müharibələr və ya Hugenot Müharibələri 1562–1598-ci illərdə Fransada katoliklər və protestantlar (hugenotlar) arasında baş verən vətəndaş müharibəsi

Əsas məqalə: Səksənillik müharibə

Hollandiya İstiqlal Müharibəsi 1568-ci ildə, Almaniyanın on yeddi əyalətindəki üsyanla birlikdə başladı. 1581-ci ildə Hollandiya müstəqil oldu. Vestfaliya ilə rəsmi olaraq İsveçrə və Hollandiya Almaniyadan müstəqilliyini qazandı. Müharibə 1648-ci ildə Vestfaliya müqaviləsi ilə başa çatdı.

Əsas məqalə: Otuzillik müharibə

Otuz illik müharibə 1618-ci ildə başladı; 1648-ci ildə Vestfaliya müqaviləsi ilə başa çatdı.

Əsas məqalə: XIV Lüdovik

XIV Lüdovik 1643-cü ildə 5 yaşında taxt-taca sahib oldu. Dünyanın və Fransanın ən uzun müddətdə taxta qalmış şəxsi olaraq rekorda imza atmışdır. Onun hakimiyyəti 72 il davam etmişdir. XIV Louis 1715-ci ildə vəfat etdi və onun yerinə XV Lüdovik 5 yaşında (1 sentyabr 1715 – 10 may 1774) taxta sahib oldu.

Əsas məqalə: Yeddiillik müharibə

Əsas məqalə: Paris müqaviləsi (1763)

Yeddiillik müharibə 1756-cı ildə müstəmləkə sərhədi mübahisəsinə görə başladı. 1763-cü ildə müharibəyə son qoyan Paris müqaviləsi imzalanmışdır; Bu müqavilə ilə Fransa Amerikadakı müstəmləkələrini itirdi və İngiltərə çoxlu torpaq qazandı. Bununla yanaşı, bugünkü ABŞ-ni meydana gətirəcək on üç koloniya meydana gəldi.

Əsas məqalə: Böyük Fransa inqilabı

Böyük Fransa inqilabı (fr. Révolution française; 1789–1799) — Fransa və Avropanın siyasi tarixində köklü dəyişikliklərə səbəb olmuş ən mühüm tarixi hadisələrdən biri. O dövr Fransasında, eləcə də digər aparıcı Avropa ölkələrində hakim zadəgan və katolik ruhanilərinə verilmiş qeyri-məhdud imtiyazlarla xarakterizə olunan mütləq monarxiyadan demokratiyaya keçid, vətəndaşlıq və insan hüquq və azadlıqları kimi mütərrəqqi prinsiplərə əsaslanan siyası-sosial inqilab.