Hadisə (müğənni) — Vikipediya
Hadisə | |
---|---|
türk. Hadise Açıkgöz | |
![]() | |
Ümumi məlumatlar | |
Doğum tarixi | 22 oktyabr 1985 (38 yaş) |
Doğum yeri | |
Musiqiçi məlumatları | |
Fəaliyyəti | müğənni, mahnı yazarı[d], bəstəkar, müğənni-mahnı yazarı |
Fəaliyyət illəri | 2003-cü ildən |
Janrlar | R&B, pop musiqisi, müasir R&B[d] |
Albom şirkəti | Seyhan Müzik[d] |
hadise.com | |
![]() |
Hadisə Açıqgöz (22 oktyabr 1985, Mol[d], Flamand regionu[d]) — Belçikada doğulmuş, həm Belçika, həm Türkiyə vətəndaşı olan müğənni və televiziya aparıcısı. Belçikada təşkil olunan "Pop İdol" yarışması ilə tanınmışdır.
Həyatı
[redaktə | mənbəni redaktə et]Hadisə 22 oktyabr 1985-ci ildə Anvers şəhəri yaxınlığında yerləşən Mol qəsəbəsində anadan olmuşdur. Atası əslən ləzgi, anası isə qumuq kökənlidir .[1][2] Ailəsi Sivasın Yıldızeli ilçəsinin Yavu və Fındıcak kəndlərindəndir. 2003-cü ildə Türkiyədəki Pop Star müsabiqəsinin oxşarı olan Pop İdol müsabiqəsində iştirak etmişdir. Bu müsabiqənin qalibi olmasa da, təşkilatçılar ona mahnılarından ibarət albom çıxarmasını təklif etmişdirlər.
Sweat
[redaktə | mənbəni redaktə et]Hadisənin ilk klipi Sweat 1 noyabr 2004-cü ildə televiziya ekranlarına çıxdı. Bu mahnının uğurlu alınması ilə klipləri musiqi kanallarında tez-tez göstərilməyə başlandı. İkinci albomu Stir Me Up, 6 may 2005-ci ildə çıxdı və Avropada bəyənildi. Xüsusilə albomun çıxış parçası "Stir Me Up" o ilin bir çox yay albomlarına daxil oldu. Üçüncü klipinin adı olan Milk Chocolate Girl 9 oktyabr 2005-ci ildə çıxdı və mahnının adı zamanla Hadisənin ləqəbi halına gəldi. Dördüncü klipi olan Ain't No Love Lost isə 13 yanvar 2006-cı ildə göstərildi.
Hadisə
[redaktə | mənbəni redaktə et]Hadisə, 3 oktyabr 2007-ci ildə yeni mahnı çalışması olan A Good Kissi satışa çıxardı və klipini İstanbulda çəkdirdi. 2008 yay mövsümünə yeni bir albom ilə girməyə hazırlaşan Hadisə Bodrumda Halikarnas Diskoda verdiyi bir konsertlə 2008-ci il yay sezonunun açılışını edən müğənni oldu.
Digər çalışmalar
[redaktə | mənbəni redaktə et]Hadisə, Türkiyədə aprel 2006-cı ildən bəri Runltd. menecerlik şirkəti və Süheyl Atay ilə əməkdaşlıq edir. Türkiyədəki ilk konsertini isə, İzmir Loop Kulübündə eyni tarixlərdə verdi. 2006-cı ildə ildə tez-tez Türkiyəyə gələn Hadisə başda Beyaz Show olmaqla bir çox verilişlərdə göründü. Bu vaxtda pərəstiş etdiyi Tarkanla səhnəyə çıxma fürsətini əldə etdi. Maxim, Esquire, Tempo və Aktual jurnallarının üz qabığında şəkilləri çıxdı.
Sərdar Ortaçın 2008-ci ilin yayında satışa çıxan Nefes albomunda yer alan Düşman adlı mahnısını Ortaçla duet oxudu. Kristina Aqulera, Brandy və Beyonse kimi isimleri örnək aldığını bildirən Hadisə, musiqisindən təsirləndiyi musiqiçilər arasında Prince, Janet Jackson, Tina Törner, Alişa Kiz, Toni Brekston, Jamiroquai və U2yi saymaqdadır. Mahnılarında klassik musiqiçi, rok, soul və dünya musiqiçilərini sintez etməyə çalışdığını bildirir.
Hadisə yüksək səviyyədə holland, fransız, alman, türk və ingilis dilini bilir.
Diskoqrafiya
[redaktə | mənbəni redaktə et]- 2005: Sweat
- 2008: Hadise
- 2009: Fast Life
- 2009: Kahraman
- 2011: Aşk Kaç Beden Giyer?
- 2014: Tavsiye
- 2017: Şampiyon
Avroviziya Mahnı Müsabiqəsi
[redaktə | mənbəni redaktə et]Dostu Kate Ryanın 2006 Avroviziya Mahnı Müsabiqəsində yarımfinalda məğlub olmasından sonra Hadisə Avroviziyada iştirakı heç bir zaman fikirləşmədiyini bildirsə də, Rusiyanın paytaxtı Moskva şəhərində təşkil olunmuş 2009 Avroviziya Mahnı Müsabiqəsində Türkiyəni Düm Tek Tek mahnısı ilə təmsil edib və dördüncü yerə layiq görülüb. Türkiyədən əvvəl ona Belçikadan da bu müsabiqədə Belçikanı təmsil etməyi ilə əlaqədar təklif gəlmişdir, lakin Hadisə bu təklifi qəbul etməmişdir.
- Mayın 1-i Azərbaycanda konsert verməsi nəzərdə tutulsa da, konsert baş tutmayıb.[3]
- Konsert 10 iyulda Yaşıl Teatrda baş tutdu.[4][5]
Konsert
[redaktə | mənbəni redaktə et]Oktyabrın 14-də Türkiyənin Bursa şəhərindəki "Atatürk" stadionunda Türkiyə və Ermənistanın milli yığma komandaları arasında 2010-cu ilin dünya çempionatının seçmə mərhələsi çərçivəsində keçiriləcək cavab oyununun açılışında Ermənistanı 2009-cu ildə Avroviziya Mahnı Müsabiqəsində təmsil etmiş İnqa və Anuş Arşakyan bacıları ilə birgə iştirak edəcəyi gözlənilir.[6]
Hadisə Türkiyənin "Show TV" kanalına açıqlamasında Türkiyənin Ermənistanla sərhədləri açmasının tərəfdarı olduğunu, hətta bunun həyata keçməsi üçün "Barış mələyi" olmaq istədiyini deyib:"Ermənistanla Türkiyə qardaş ölkələrdir, iki ölkə arasında sərhədlər açılmalıdır. Mən bunun həyata keçməsi üçün "Barış mələyi" olmağa belə hazıram. Artıq İnqa və Anuş qardaşlarımla danışmışam, onlar da Türkiyəyə gəlməyi, burada konsert verməyi çox arzulayırlar. Onların arzusunu mütləq həyata keçirmək lazımdır. Qoy, bu barışığın səbəbkarı elə musiqi olsun. Mən 14 oktyabr tarixini öz proqramımda boş saxlamışam. Razılıq verilsə, İnqa və Anuşla birgə möhtəşəm konsertlə çıxış edəcəyik. Hələ vaxt var, bunu həyata keçirmək çox gözəl hadisə olardı"[7][8]
Hadisə azərbaycanlılardan üzr istəyib. O, sözlərinin yanlış anlaşıldığını deyib. "Azəriləri çox sevirəm. Hamısından üzr istəyirəm".[9]
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ "Haber3-Türkiyenin haber sitesi". 2016-03-12 tarixində arxivləşdirilib. İstifadə tarixi: 2010-10-19.
- ↑ "Türkiyenin en büyük aşk platformu". 2016-03-05 tarixində orijinalından arxivləşdirilib. İstifadə tarixi: 2010-10-19.
- ↑ "HADİSƏ BAKIDA KONSERT VERMƏYƏCƏK" Arxivləşdirilib 2009-05-27 at the Wayback Machine İtv.az tarix: 1 may 2009
- ↑ "Hadisə Bakıda". 2010-04-03 tarixində orijinalından arxivləşdirilib. İstifadə tarixi: 2009-09-21.
- ↑ "Hadisəni iki saat gözləməyə dəyərdimi?". 2010-04-03 tarixində orijinalından arxivləşdirilib. İstifadə tarixi: 2009-09-21.
- ↑ Arşakyan bacıları Türkiyədə konsert verəcək? Arxivləşdirilib 2020-09-28 at the Wayback Machine Anspress. tarixi:2009.08.31
- ↑ Hadisənin artıq Azərbaycanda konserti olmayacaq Arxivləşdirilib 2009-09-06 at the Wayback Machine Anspress. tarixi:2009.09.04
- ↑ Bundan sonra Azərbaycanda Hadisənin konserti keçirilməyəcək Arxivləşdirilib 2009-09-06 at the Wayback Machine APA. tarixi:2009.09.04
- ↑ "Hadisə azərbaycanlılardan üzr istəyib". 2020-09-28 tarixində orijinalından arxivləşdirilib. İstifadə tarixi: 2014-07-13.
Xarici keçidlər
[redaktə | mənbəni redaktə et]- hadise.com — Hadisənin rəsmi saytı
- Hadise on vidsbook Arxivləşdirilib 2012-09-05 at the Wayback Machine
Əvvəlki: Mor ve Ötesi | Türkiyə Avroviziya Mahnı Müsabiqəsində 2009 | Sonrakı: MaNga |