Luka Yoviç — Vikipediya
Luka Yoviç | |||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Lua xətası: expandTemplate: template "dil-sr-cyrl" does not exist. | |||||||||||||||||||||||||||||||||||||
![]() Luka Yoviç DÇ-2018-də | |||||||||||||||||||||||||||||||||||||
Ümumi məlumatlar | |||||||||||||||||||||||||||||||||||||
Doğum tarixi | 23 dekabr 1997[1][2] (26 yaş) | ||||||||||||||||||||||||||||||||||||
Doğum yeri | |||||||||||||||||||||||||||||||||||||
Vətəndaşlığı | |||||||||||||||||||||||||||||||||||||
Boyu | 182 sm[1] | ||||||||||||||||||||||||||||||||||||
Çəkisi | 75 kq | ||||||||||||||||||||||||||||||||||||
Mövqeyi | hücumçu | ||||||||||||||||||||||||||||||||||||
Klub haqqında məlumat | |||||||||||||||||||||||||||||||||||||
Klub | Real Madrid | ||||||||||||||||||||||||||||||||||||
Karyerası | |||||||||||||||||||||||||||||||||||||
| |||||||||||||||||||||||||||||||||||||
| |||||||||||||||||||||||||||||||||||||
![]() |
Luka Yoviç (Лука Јовић; 23 dekabr 1997-ci il, Biyelina, Bosniya və Herseqovina) — Serbiyalı futbolçu. İtaliyanın Fiorentina və futbol üzrə Serbiya Milli komandasının hücumçusu.
Həyatı
[redaktə | mənbəni redaktə et]Luka Yoviç Biyelina şəhərinin yaxınlığında yerləşən Batar qəsəbəsində Milan və Svetlana Yoviçlərin ailəsində dünyaya gəlmişdir. 2002-ci ildə 5 yaşında olarkən Serbiyanın qərbində yerləşən Loznitsa şəhərində həvəskar futbola başlamışdır. Burada oynadığı oyunların birində "Srvena Zvezda FK"-nın oyunçu izləmə komitəsi tərəfindən klubun futbol məktəbinə qəbul edilmişdir.
Klub karyerası
[redaktə | mənbəni redaktə et]Həvəskar karyerası
[redaktə | mənbəni redaktə et]2005-ci ildə Luka Yoviçə "Srvena Zvezda FK"-da oynamaq təklif edildi. Bundan başqa, "Partizan FK" da Yoviçin atasına aylıq 200 avroluq maaş ilə oğlunu komandalarına gətirməsini istəmişdir, lakin Milan Yoviç oğlunun "Srvena Zvezda FK"-da oynamasını istəmişdir.
2013–2014-cü illər mövsümü
[redaktə | mənbəni redaktə et]Luka Yoviç, 28 may 2014-cü ildə; 16 yaşında olarkən peşəkar karyerasının ilk oyununa "Voyvodina FK" qarşısında çıxmışdır. Həmin oyunda qol vuraraq klub tarixində rəsmi qarşılaşmalarda qol vuran ən gənc futbolçu olmuşdur. Belə ki, oyuna girdikdən 2 dəqiqə sonra qol vuraraq komandasına 1 xal qazandırmışdır. Bu nəticə ilə birlikdə "Srvena Zvezda FK" 2013–2014-cü illər mövsümünün çempionu olmuşdur.
2014–2015-ci illər mövsümü
[redaktə | mənbəni redaktə et]18 oktyabr 2014-cü ildə Yoviç "Belqrad derbisi"ndə oynayan ən gənc oyunçu olmuşdur. Luka Yoviç həmin mövsümdə qış fasiləsinə qədər 6 qol vurmağı bacarmışdı. Mövsümdə ilk qolunu "Srvena Zvezda FK"-nın 70 illik yubileyini qeyd etdiyi gün "Voyvodina" komandasına vurmuşdur. 17 may 2015-ci ildə klubu ilə 3 illik yeni müqavilə imzalamışdır.
2015–2016-cı illər mövsümü
[redaktə | mənbəni redaktə et]Mövsümün başlanğıcında Yoviç artıq klubunun Huqo Viyera ilə birlikdə əsas hücumçusu idi. İlk 3 matçda 5 qol vurmağı bacarmışdı. Gənc oyunçunun bu performansı artıq Avropanın bir sıra klubları tərəfindən izlənilirdi.
Benfika
[redaktə | mənbəni redaktə et]2016-cı ilin fevral ayında Luka Yoviç Portuqaliya çempionu "Benfika" ilə 5 illik müqavilə imzalamışdır. Uzun müddət klubun əvəzedici komandasında oynamışdır. Əsas komandada ilk oyununda isə 30 yanvar 2017-ci ildə "Vitoriya Setubal" klubuna qarşı oynamışdır. Həmin qarşılaşmada oyunun 81-ci dəqiqəsində meydana daxil olmuşdur.
Ayntraxt Frankfurt
[redaktə | mənbəni redaktə et]2017-ci ilin iyun ayında Yoviç 2 illik icarə əsasında "Ayntraxt Frankfurt" komandasına transfer olunmuşdur. 2017–2018-ci illər mövsümündə Almaniya kubokunun sahibi olan komandada Yoviç də 5 oyunda iştirak etmiş və yarım-final oyununda "Şalke"yə qol vurmağı bacarmışdır. Finalda isə "Bayern Münhen" klubunu 3–1 hesabı ilə məğlub edərək kuboku muzeylərinə aparmışdırlar.
2018–2019-cu illər mövsümü
[redaktə | mənbəni redaktə et]19 oktyabr 2018-ci ildə "Fortuna Düsseldorf" komandasını 7–1 məğlub etdikləri matçda 5 qol vuran Yoviç "Bundesliqa" tarixində bir oyunda 5 qol vuran ən gənc oyunçu olmuşdur. 17 aprel 2019-cu ildə komanda onun icarə əsasında olan müqaviləsinin müddətini 2023-cü ilə qədər uzatmışdır.
Milli komanda karyerası
[redaktə | mənbəni redaktə et]2018-ci ilin may ayında Serbiya milli komandasının Rusiyada keçirilən futbol üzrə Dünya Çempionatındakı iştirak ərizəsinə daxil edilmişdir. İyunun 4-də milli komandadakı ilk oyununa Çili milli komandası ilə oynanan yoldaşlıq oyunda çıxmışdır. 20 mart 2019-cu ildə milli komandadakı ilk qolunu Almaniya millisi ilə oynanan yoldaşlıq görüşündə vurmuşdur.