Müseyib Allahverdiyev — Vikipediya

Müseyib Allahverdiyev
Şəxsi məlumatlar
Doğum tarixi	22 aprel (5 may) 1909
Doğum yeri	Dağ Kəsəmən, Qazax qəzası, Yelizavetpol quberniyası, Rusiya imperiyası
Vəfat tarixi	19 may 1969(1969-05-19) (60 yaşında)
Vəfat yeri	Qazax, Qazax rayonu, Azərbaycan SSR, SSRİ
Vətəndaşlığı	Rusiya imperiyası  SSRİ
Uşağı	Abdulla Allahverdiyev
Təhsili	Tbilisi Ali Artilieriya Məktəbi[d]
Hərbi fəaliyyəti
Mənsubiyyəti	Sovet Sosialist Respublikaları İttifaqı
Qoşun növü	piyada
Rütbəsi	mayor, kapitan
Döyüşlər	Böyük Vətən müharibəsi
Təltifləri

Allahverdiyev Müseyib Abdulla oğlu (22 aprel (5 may) 1909, Dağ Kəsəmən, Qazax qəzası – 19 may 1969, Qazax) — Sovet İttifaqı Qəhrəmanı.

Müseyib Allahverdiyev 1909-cu ildə Qazax rayonun Dağkəsəmən kəndində dünyaya göz açmışdır. 1936-cı ildə hərbi siyasi məktəbi bitirib və 1941-ci ildə könüllü olaraq orduda xidmətə getmişdir.

Böyük Vətən müharibəsində batalyon komandiri olub. Böyük Vətən müharibəsi illərində döyüşən ordu sıralarında Moskva altındakı döyüşlərdən başlayaraq Budapeştə qədər döyüş yolu keçmişdir. Mayor Müseyib Allahverdiyevin komandir olduğu batalyon Dnepri keçərək Macarıstan ərazilərində ağır döyüşlərdə iştirak etmişdir. Batalyonun 1944-cü ilin 1 dekabrında apardığı döyüşdə düşmənin 500 əsgəri məhv edilmiş və 2200 nəfəri əsir alınmışdır. M. Allahverdiyev Budapeştin azad edilməsi əməliyyatında da iştirak etmişdir.^[1]

Müharibədə göstərdiyi şücaətlərə görə SSRİ Ali Soveti Rəyasət Heyətinin 1945-ci il 24 mart tarixli fərmanı ilə Sovet İttifaqı Qəhrəmanı adına layiq görülmüşdür.^[2]

Qazax və Ağstafa rayonlarının yeganə Sovet İttifaqı Qəhrəmanıdır.^[3]

19 may 1969-cu ildə vəfat edib^[4].

Qazax avtovağzalının qarşısında büstü qoyulub.

• Аллахвердиев Мусеиб Абдулла оглы
• 9may.az. Qəhrəmanlar. Arxivləşdirilib 2010-01-18 at the Wayback Machine