Qabırğa sümüyü — Vikipediya
Qabırğa sümüyü | |
---|---|
![]() Döş qəfəsi | |
![]() Qabırğa sümüyü | |
Oynaq | arxadan Fəqərə, öndən Döş sümüyü |
Bitişir | |
![]() |
Qabırğa (lat. costa,ae f., q.yun. πλευρά) - cüt və yastı qövs səkilli döş qəfəsinə aid sümük olub, insanda sayı 12 cütdür. Qabırğa sümüyü iki: ön qığırdağa keçən və arxa fəqərəyə birləşən ucdan, baş (lat. Caput costae), boyun (lat. collum costae) və cismdən (lat. corpus costae) ibarətdir. Qabırğa sümüyünün iki: xarici qabarıq və daxili batıq səthi var. Arxa ucunda iki oynaq səthi: qabırğa qabarcığı oynaq səthi (lat. Facies articularis tuberculi costae) və köndələn çıxıntı oynaq səthi (lat. Fovea costalis processus transversi) yerləşmişdir. Qabırğaların 10 cütü ön ucları ilə qabırğa qığırdağı (lat. cartilago costalis) vasitəsilə döş sümüyünə birləşirlər. I-VII qabırğalar "həqiqi" (lat. costae verae), qalan VIII-X qabırğalar isə "yalançı" (lat. costae spuriae) qabırğalar adlanırlar. Son XI və XII qabırğalar öndən döş sümüyü ilə birləşmədiklərinə görə "azadə" (lat. costae fluitantes) qabırğalar adlanırlar. Anomaliya hallarında bəzi insanlarda XI və XII qabırğalar olmaya və ya XIII cüt qabırğalar müşadidə oluna bilinir. Insanda XI və XII cüt qabırğalar təkamül nəticəsində funksiyasını itirərək rudimentləşmişlər. Estetik cərrahiyənin inkişafı bu qabırğalardan yan keçməmişdir. Belə ki bəzi qadınlar estetik zövqlü bel arzusu ilə cərrahi yolla bu rudimentləşmiş qabırğalardan "imtina" edə bilirlər. Döş qəfəsi cərrahiyyəsində döş qəfəsi qabırğalar arası sahədən kəsik aparılmaqla yarılır. Bu əməliyyat torakotomiya adlanır.