Seyran Səxavət — Vikipediya

Bu məqalədə heç bir məlumatın mənbəsi göstərilməmişdir. Lütfən, etibarlı mənbələr əlavə etməklə məqaləni təkmilləşdirməyə kömək edin. Qərəz yaradan mənbəsiz hissələr müzakirəsiz silinə bilər.

Seyran Səxavət
Seyran Əsgər oğlu Xanlarov
Doğum adı	Seyran Əsgər oğlu Xanlarov
Təxəllüsləri	Seyran Səxavət
Doğum tarixi	23 mart 1946 (78 yaş)
Doğum yeri	Yağlıvənd, Füzuli rayonu, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Həyat yoldaşı	Almaz Mirzəli qızı Xanlarova
Uşaqları	Samir Xanlarov, Röyanə Xanlarova, Toğrul Xanlarov, Orxan Xanlarov, Ləman Xanlarova
Atası	Əsgər Xanlar oğlu Muradov
Anası	Zərifə Əliyeva
Təhsili	ADU-nun Şərqşünaslıq fakültəsinin fars dili şöbəsi
İxtisası	tərcüməçi
Fəaliyyəti	Yazıçı, şair, dramaturq, tərcüməçi
Fəaliyyət illəri	1962—h.h.
Əsərlərinin dili	Azərbaycan dilinə və bir sıra xarici dillərə tərcümə olunub
Janrlar	insan, sevgi, vətən kimi bəşəri mövzular
seyransexavet.az

Xanlarov Seyran Əsgər oğlu — yazıçı, şair, nasir, tərcüməçi, 1980-ci ildən Azərbaycan Yazıçılar Birliyinin üzvü.

Seyran Səxavət 1946-cı il martın 23-də Füzuli rayonunun (keçmiş Qarabulax rayonu) Yağlıvənd kəndində anadan olmuşdur. Həmin kənddə orta məktəbi bitirdikdən sonra Natəvan adına Füzuli şəhər məktəbində direktorun köməkçisi vəzifəsində işləmişdir (1962-1964). Sonra ADU-nun şərqşünaslıq fakültəsində təhsil almışdır (1964-1970). Sovet Ordusu sıralarında əsgəri xidmət zamanı SSRİ Müdafiə Nazirliyində tərcüməçi olmuşdur (1970-1972). "Ədəbiyyat və incəsənət" qəzeti redaksiyasında xüsusi müxbir, ədəbi işçi kimi çalışmış, sonra iki il İranda tərcüməçi işləmişdir (1974-1976). Yenidən Bakıda "Ədəbiyyat və incəsənət" qəzeti redaksiyasında ədəbi işçi kimi fəaliyyət göstərmişdir (1976-1981). Sonra "Ulduz" jurnalı redaksiyasında nəsr şöbəsinin müdiri işləmişdir (1981-1991).

Bədii yaradıcılığa 1962-ci ildən dövri mətbuatda çap etdirdiyi şeir, hekayə və publisist yazıları ilə başlamışdır. Həmin vaxtdan mərkəzi və respublika mətbuatı səhifələrində müntəzəm çıxış edir. Əsərləri keçmiş SSRİ xalqlarının dillərinə və bir sıra xarici dillərə tərcümə olunmuşdur. "Qızıl teşt" pyesi Azərbaycan Akademik Dram teatrında (1988), "Büst" pyesi Lənkəranda (1989), "Qapıların o üzündə qalan dünya" pyesi Füzulidə (1990) Dövlət dram teatrında tamaşaya qoyulmuşdur.

2002-ci ildə "Nekroloq" romanı Azərbaycan Yazıçılar Birliyinin Y.Səmədoğlu adına "İlin ən yaxşı romanı" mükafatına layiq görülmüşdür^{[mənbə göstərin]}.

1. Adalar (şeirlər). Bakı: Gənclik, 1970, 25 səh.
2. Mənim planetim (şeirlər). Bakı: Gənclik, 1977, 40 səh.
3. Hamı elə bilirdi ki (hekayələr və povest). Bakı: Gənclik, 1982, 204 səh.
4. Daş evlər (roman). Bakı: Gənclik, 1985, 308 səh.
5. Dar köynək (povestlər). Bakı: Yazıçı, 1987, 180 səh.
6. Daş evlər (roman). Bakı: Gənclik, 1989, 415 səh.
7. Qızıl teşt (povestlər, hekayələr). Bakı: Çaşıoğlu, 1999, 912 səh.
8. Nekroloq (roman). Bakı: Mütərcim, 2003, 392 səh.
9. Palıd toxumu (roman). Bakı: Qanun, 2003, 220 səh.
10. Yüz ilin kişisi (povestlər və hekayələr)

1. A.Ebnoidze. İki ay kənddə və ya imeretisayağı evlənmə (roman). Bakı: Gənclik, 1986, 264 səh.

• Seyran Səxavət. Bu saat "Azərbaycan" sözü reanimasiya vəziyyətindədir (müsahibə)^{[ölü keçid]}