TRT Kurdî — Vikipediya
TRT Kurdî | |
---|---|
![]() | |
Ölkə | ![]() |
Yayım ərazisi | Türksat 3A, Eutelsat W3A, Atlantic Bird 4A və Galaxy 19 peyklərinin əhatə dairəsi |
Dil | Kürd dili (Kurmanci və Sorani ləhcələri) Zaza dili və Türk dili |
Baş qərargah | |
Yaranma tarixi | 1 yanvar 2009 (TRT 6 adıyla) 10 yanvar 2015 (TRT Kurdî adıyla) |
Sahibi | |
Şüar | Em di bin eynî esmanî da ne (türk. Aynı gökyüzünün altındayız) |
Sayt | trtkurdi.com.tr |
TRT Kurdî, 25 dekabr 2008-ci ildə test yayımına başlayan ictimai, çoxdilli televiziya kanalı. Kanal 1 yanvar 2009-cu il tarixində Türkiyə Radio Televiziya Qurumuna bağlı olaraq normal yayıma başlamışdır. "Türkiyənin zənginliyini və rənglərini ekrana daşıma" məqsədilə qurulmuşdur. 10 yanvar 2015-cu il tarixində isə quruluş adı olan "TRT 6", "TRT Kurdî" olaraq dəyişdirilmişdir.
Kanal əsasən Kürd dilinin "Kurmanci" və "Sorani" ləhcələrində və Zaza dilində yayımlanır. 25 dekabr 2008-ci ildə cümə axşamı günü test yayımına başlayan kanal, İstiqlal marşından sonra ilk olaraq Rojin tərəfindən səsləndirilən Türkiyə Qurtuluş Savaşı dövründə həyatını itirənlər üçün yandırılan bir türkü ilə açılmışdır. Kanalın təqdimatlarında "Em di bin eynî esmanî da ne" (Eyni Səmanın altındayıq) sözü ön plana çıxmışdır. Açılışı Ciwan Haco və Rojin konsertləri ilə başlayacağı elan edilsə də bu xəbərlər sənətkarlar tərəfindən yalanlanmışdır. 1 yanvar 2009-cu il tarixində Türkiyə vaxtı ilə saat 19:00-da rəsmi açılışına İstiqlal marşı ilə başlayan kanalın ilk proqramında Nilüfer Akbal və Rojin aparıcılığını etmişdir. İlk proqramda Türkiyə prezidenti Abdullah Gül və Türkiyə baş naziri Rəcəb Tayyib Ərdoğanın kanalla bağlı ismarıcları Kürd dilində dublyaj və Türk dilində altyazı yayımlanmışdır. Kanal İstanbul, Ankara, İzmir, Adana, Diyarbəkir, Van və Nusaybində daha çox izlənilməkdədir.
Bundan əlavə kanalın qeyri-rəsmi səbəbi də "Kürdüstan Fəhlə Partiyası"nın yayım orqanı olanı olan "Roj TV"nin təsirini azaltmaqdır.