Taskmaster (komiks) — Vikipediya

Taskmaster
ing. Taskmaster
Nəşriyyat	Marvel Comics
Yayım tarixi	"Qisasçılar" #195 (may, 1980)
Yaradıcı(lar)	David Miçelin Corc Peres
Xüsusiyyətlər
Əsl adı	naməlum
Doğum yeri	Bronks
Cinsiyyəti	kişi
Boyu	188 sm[1]
Çəkisi	100 kq
Göz rəngi	bilinmir
Saç rəngi	qəhvəyi
Növü	insan
Vətəndaşlıq	ABŞ
Təhsili	Ali təhsil
Komiks bioqrafiyası
Üzvlükləri	AIM X Agentliyi Kabal Qorxunc Dördlük Təşəbbüs Gizli Qisasçılar Kölgə Təşəbbüs SHIELD İldırımsaçanlar
Ləqəbləri	Kapitan Amerika Toni Masters
Gücləri	Başqasının hərəkətlərini təqlid etmək
Silahları	qalxan, qılınc, iki birləşə bilən çubuq.

Taskmaster — Marvel Comics nəşriyyatının uydurduğu anti-qəhrəman. İlk dəfə 1980-ci ilin mayında "Qisasçılar" komiksinin 195-ci buraxılışında görünmüşdür.

İndiyə qədər heç bir filmdə Taskmaster görünməsə də, 2014-cü ildə "Qisasçılar Məxfi: Cəzalandıran və Qara dul" və "Qəhrəmanlar birliyi: Dəmir adam və Kapitan Amerika" animasiyalarında yer almışdır.

Əsl adı bilinmir. Qəribə bacarığını uşaq yaşlarında ikən kəşf etmişdir. Anasının çağırdığı psixoloqlar onun digərlərinin hərəkətlərini təqlid edə bildiyini söyləmişdilər. Gənclik illərində bacarığından öz ehtiyacları üçün istifadə etmişdir. Məktəbdən məzun olduqdan sonra cinayətlə mübarizə aparmağa başladı, amma daha sonra cinayətkar olmağın daha əlverişli olduğu qərarına gəlmişdir.

Televizorda döyüş proqramlarını izləyərək hərəkətlərini əzbərləməyə başlamışdır. Öyrəndiyi döyüş texnikaları ilə adi cinayətkarları peşəkar cinayətkarlara çevirən bir akademiya qurmuşdur. Məqsədi cinayətkar qrupları işçi ilə təmin etmək idi. Akademiyasını Soutqemptondakı Uzun adada qurmuşdur.

Qisasçılar tərəfindən planları əngəllənincə akademiya əməliyyatlarını təxirə salmalı olmuşdur. Qisasçılar akademiyanın bir çox üzvünü yaxalasalar da, Taskmaster qaça bilmişdir. Taskmaster Manhettenin qərb bölgəsində yeni akademiya açmışdır. Amma Hörümçək-adam və Qarışqa-adam buranı da tapa bilmişdirlər. Taskmaster yenidən qaçmağa məcbur olmuşdur. Daha sonra bir səyyar karnavaldan əməliyyatları üçün istifadə etməyə başlamışdır. Amma bu yer Şahingözün böyüdüyü yer idi və Qarışqa-adam ilə Şahingöz onun planlarını yenidən dayandırmışdılar. Taskmaster yenidən qaçmışdır.

Taskmaster yenə bir sirkdən öz məqsədləri üçün istifadə etməyə cəhd etmişdir. Bir neçə ay idarə edə bilmişdir. Amma sirkin Ohayodakı çıxışında Şey arxa planda nələrin baş verdiyini anlamış və hökumət cəsusunu xəbərdar etmişdir.^[2] Cəsus onu yaxalamış, amma cəsusun onun adamı olduğu məlum olmuşdur.

Super gücü yoxdur, amma gördüyü hərəkətləri əzbərləyib təqlid edə bilər. Buna görə də adi insandan daha sürətli, dayanıqlı, güclü ola bilir. Rəqibinin hərəkətlərini izləyərək onun döyüş stilini oğurlamaq bacarığına sahibdir.

• Taskmaster (komiks) Marvel Dünyası Vikisində