Volter Vayt — Vikipediya
Volter Hartvell Vayt | |
---|---|
Breaking Bad personajı | |
![]() | |
İlk görünmə |
"Pilot" (2008)
|
Son görünmə |
El Kamino (2019)
|
Yaradan | Vins Qilliqan |
Canlandıran | Brayan Krenston |
Məlumat | |
Ləqəb(lər)i | Heisenberg |
Cinsi | kişi[d] |
Peşə |
|
Həyat yoldaşı | Skayler Vayt |
Uşaqlar | Volter Vayt Cuniyor (oğlu) Holli Vayt (qızı) |
Qohumlar | Henk Şreyder (bacanağı) Mari Şreyder (baldızı) |
Milliyyəti | Amerikalı |
Evi |
|
Doğum tarixi | 7 sentyabr 1958 |
Ölüm tarixi | 7 sentyabr 2010 (52 yaşında) |
Volter Hartvell Vayt (ing. Walter Hartwell White Sr.), həmçinin Heyzenberq kimi tanınır — ABŞ drama serialı "Breaking Bad"in baş qəhrəmanı, aktyor Brayan Krenston canlandırmışdır.
Volter Vayt təcrübəli kimyaçı olmuşdur. Müəllim kimi işə başlamazdan qabaq yoldaşı Eliot Şvarts ilə birlikdə “Gray Matter Technologies” şirkətini təsis etmişdir. Şirkətin adında olan “Boz maddə” onların hər ikisinin soyadının birləşməsindən yaranmışdır. İngiliscə “Ağ” və almanca qara mənasına gələn “Şvars” — ikisi bir araya gələndə boz rəng əmələ gəlir. O vaxtlar bu şirkətin laboratoriyasında imkanlı ailədən olan Qretçen adlı xanım da işə düzəlmişdi. Çox keçmir ki, Volter işlərində yardım edən bu xanıma aşiq olur. İkisi bir-birini sevir və sonralar nişanlanırlar. Qretçen dörd iyul bayramının birində Volteri valideynləri ilə tanış etmək üçün onların evinə qonaq çağırmışdı. Volter bu var-dövlət sahibi olan ailənin süfrəsində çörək yeyərkən özünü “aşağılıq” və “sınmış” kimi hiss edirdi. O, özünü Qretçenə yaraşdırmırdı. Sonda heç bir açıqlama vermədən şirkətdə sahib olduğu səhmlərini Eliota cəmi 5000 dollara sataraq ayrılır. Volter gör necə “bədbəxt” adamdır ki, gələcəkdə milyard dollar dəyərində olacaq bu şirkəti qədrini bilməyən adamların əllərinə əmanət edib gedir. Elliot və Qretçen baş verənlərin ardınca münasibət qurub ər-arvad olurlar. İkisi şirkət sayəsində milyardlarla dollar gəlir əldə edirlər. Bəlkə də deyə bilərik ki, onlar hər şeylərini Volterin kimya sahəsində apardığı tədqiqatlara borclu idilər. Volter onlarla mehriban münasibətini saxlamışdı, içdən isə hər ikisinə kin bəsləyirdi. Volter özündə noqsan görmürdü, düşünürdü ki, Eliot və Qretçen onu şirkətdən məqsədyönlü şəkildə qovub ki, araşdırmalarını oğurlayıb sərvət qazansınlar.
Cənab Vayt həyat yoldaşı Skayleri (Anna Qann) və oğlu balaca Volteri (Ar Cey Mitt) çətinliklə dolandırarkən 50-ci ad gününün ertəsi ağciyər xərçənginə tutulduğunu öyrənir. Sağalmaz xəstəliyə düçar olan Volter yaxında öləcəyini bilir və bu səbəbdən ölümündən sonra ailəsi üçün pul qoymağa qərar verir. Kimya biliklərinə sahib olan Volter keçmiş şagirdi Cessi Pinkman (Aaron Pol) ilə bir araya gəlir və ikisi metamfetamin istehsal edib satmağa başlayır.
Volter serial davam etdikcə qəddarlaşmağa doğru gedir, sonralar narkobarona çevrilir və kimliyini gizlətmək üçün "Heyzenberq" ləqəbindən istifadə edir. Volter törətdiyi bu çirkin əməllərdən Skaylerin bacısı əri DEA (Narkotiklə Mübarizə İdarəsi) əməkdaşı Henk Şreyderin (Din Norris) xəbərdar olmasını istəmir.
Yaranması
[redaktə | mənbəni redaktə et]"The Sopranos" serialından ilham alan Vins Qilliqan istəyirdi ki, "Breaking Bad"in baş qəhrəmanı Toni Soprano kimi yaxşı adamdan pis adama çevrilsin.[1] Soprano rolunun ifaçısı Ceyms Qandolfini vəfat edəndə Qilliqan demişdi ki, "Soprano olmasa idi Volter Vayt da olmazdı".[2] Vins Qilliqan "Breaking Bad"i yaratmazdan əvvəl uzun illər televiziya sənayesində çalışmışdı. O, "Məxfi materiallar" serialında senaristlik etmiş və sonralar bu şounun prodüser olmuşdur. Məhz bu serialda işlədiyi müddət zamanı o, həmkarı Tomas Şnauzla birlikdə RV sürən iki oğlanın met hazırlaması haqqında zarafatla bir konsepsiya ortaya atmışdı. Bu ideyanı sonralar reallaşdırmaq qərarına gəlirlər. Qilliqan baş qəhrəman olan Volter Vaytı orta yaş böhranından əziyyət çəkən, bu səbəbdən pis işlərə baş vuran və cinayətə yönələn personaj edir.
Qilliqan "Məxfi materiallar" serialının "Drive" seriyasında Brayan Krenston ilə birlikdə işləmişdi. O, Volter Vayt personajını Krenstonun canlandırmasını istəyirdi, AMC rəsmiləri isə aktyoru çəkmək niyyətində deyildilər, Krenston o vaxtlar "Ortancıl Malkolm" komediya serialı ilə tanınırdı.[3] Prodüserlər Krenstonun "Məxfi materiallar"dakı performansına nəzər saldıqdan sonra onu serialın çəkilişlərinə hazırlamışdılar.
Bioqrafiya
[redaktə | mənbəni redaktə et]Volter Vayt 7 sentyabr 1958-ci ildə anadan olmuşdur. Valideynlərinin yeganə övladıdır. Nyu-Meksiko ştatının Albukerke şəhərində boya-başa çatıb. Atası Hantinqton xəstəliyindən dünyasını dəyişəndə onun cəmi altı yaşı var idi. Mərhum atasının xəstəxanada nələr çəkdiyini görmək ona uzun müddət çox pis təsir etmişdi. Kiçik bir uşaq ikən xəstəxana otağındakı “kimyəvi” maddələrin xoşagəlməz qoxusu hələ də yadında idi. Volter Vayt Kaliforniya Texnologiya İnstitutunda kimya üzrə ali təhsil almışdır. İnstitutda tanış olduğu tələbə yoldaşı Eliot Şvarts ilə dostluq edirdi. Volter özünü parlaq bir kimyaçı kimi sübut etmişdi. Bu sahədə olan biliyi və istedadı ilə seçilirdi. 1985-ci ildə 27 yaşlı Volterin foton radioqrafiyası ilə bağlı apardığı mühüm tədqiqatı sayəsində İnsititutun bir layihəsi kimya üzrə "Nobel" mükafatı qazanır.[4][5] Volter təhsilili başa vurduqdan sonra yaxın dostu Eliot Şvartz (Adam Godley) ilə birlikdə "Gray Matter Technologies" şirkətini təsis edir.[6] Təxminən şirkətdəki bu vaxtlarda Volter laboratoriya köməkçisi Qretçen Şvartz (Jessica Hecht) ilə münasibət qurur. Volt sonralar "Gray Matter Technologies" şirkətindəki səhmlərini 5000 dollara sataraq ayrılır.[5][7] Qretçen və Elliot sonralar evlənirlər və var-dövlət qazanırlar, bunu Volterin apardığı araşdırmalara borclu idilər.[7][8] Volter bu səbəbdən onların hər ikisindən inciyir.[8][9]
50 yaşlı Volter Nyu-Meksiko ştatının Albukerke şəhərində yerləşən məktəblərin birində kimya müəllimi işləyir.[4][10] Volter bununla yanaşı gəlirini artırmaq üçün yerli avtoyuma məntəqəsində də çalışır.[11] Onun serebral iflicdən əziyyət çəkən Volter Cuniyor (R. J. Mitte) adlı yeniyetmə oğlu var. Volter və Skaylerin ikinci mövsümdə Holli adlı qızları dünyaya gəlir.[12] Volterin qohumları; Skaylerin bacısı Mari Şreyder (Betsy Brandt), onun əri DEA əməkdaşı Henk Şreyder (Din Norris) və Volterin heç vaxt görünməyən anasıdır.[13]
İstinadlar
[redaktə | mənbəni redaktə et]- ↑ Chuck Klosterman. "Bad Decisions". Grantland. August 2, 2011. October 21, 2020 tarixində arxivləşdirilib. İstifadə tarixi: July 17, 2011.
- ↑ "Vince Gilligan: Without Tony Soprano There Would Be No Walter White". The Hollywood Reporter. June 26, 2013. January 8, 2021 tarixində arxivləşdirilib. İstifadə tarixi: January 6, 2021.
- ↑ Weingus, Leigh. "'Breaking Bad': John Cusack, Matthew Broderick Turned Down Walter White Role". The Huffington Post. New York City: Huffington Post Media Group. July 16, 2012. June 5, 2013 tarixində arxivləşdirilib. İstifadə tarixi: October 9, 2013.
- ↑ 1 2 Gustini, Ray. "You Can Totally Still Catch Up on 'Breaking Bad' Before the Premiere". The Atlantic. Boston, Massachusetts. July 13, 2011. July 17, 2011 tarixində arxivləşdirilib. İstifadə tarixi: July 23, 2011.
- ↑ 1 2 Woodward, Richard B. "Breaking Bad: Better Television Through Chemistry". The Huffington Post. New York City: Huffington Post Media Group. July 20, 2011. November 13, 2012 tarixində arxivləşdirilib. İstifadə tarixi: July 23, 2011.
- ↑ Hughes, Jason. "Breaking Bad: Gray Matter". TV Squad. February 25, 2008. May 13, 2012 tarixində arxivləşdirilib. İstifadə tarixi: July 22, 2011.
- ↑ 1 2 Bowman, Donna. "Breaking Bad: 'Peekaboo'". The A.V. Club. Chicago, Illinois: Onion, Inc. April 12, 2009. October 21, 2020 tarixində arxivləşdirilib. İstifadə tarixi: March 30, 2017.
- ↑ 1 2 Amitin, Seth. "Breaking Bad: "Peekaboo" Review". IGN. San Francisco, California: j2 Global. April 13, 2009. June 21, 2011 tarixində orijinalından arxivləşdirilib. İstifadə tarixi: July 24, 2011.
- ↑ Sepinwall, Alan. "Breaking Bad, 'Peekaboo': Jesse collects a debt". The Star-Ledger. Newark, New Jersey. April 13, 2009. July 12, 2011 tarixində orijinalından arxivləşdirilib. İstifadə tarixi: July 23, 2011.
- ↑ Sepinwall, Alan. "Breaking Bad: This guy walks into an oncologist's office..." The Star-Ledger. Newark, New Jersey: Advance Publications. January 20, 2008. September 15, 2012 tarixində orijinalından arxivləşdirilib. İstifadə tarixi: July 22, 2011.
- ↑ Bowman, Donna. "Breaking Bad: "Pilot"". The A.V. Club. Chicago, Illinois: Onion, Inc. January 22, 2008. July 31, 2011 tarixində orijinalından arxivləşdirilib. İstifadə tarixi: July 22, 2011.
- ↑ Owen, Rob. "Tuned In: 'Breaking Bad'". Pittsburgh Post-Gazette. January 20, 2008. October 12, 2008 tarixində orijinalından arxivləşdirilib. İstifadə tarixi: July 22, 2011.
- ↑ Porter, Rick. "'Breaking Bad': Betsy Brandt says Marie and Hank have 'a tough road' in Season 4". Zap2it. Chicago, Illinois: Tribune Media Services. July 16, 2011. July 22, 2011 tarixində orijinalından arxivləşdirilib. İstifadə tarixi: July 24, 2011.