Aqil Musayev — Vikipediya
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Aqil Musayev | |
---|---|
Aqil Hüseyn oğlu Musayev | |
![]() Aqil Musayev | |
Şəxsi məlumatlar | |
Doğum tarixi | |
Doğum yeri | Aşağı Əskipara, Qazax rayonu, Azərbaycan SSR, SSRİ |
Vəfat tarixi | (20 yaşında) |
Vəfat yeri | Gəncə, Azərbaycan |
Vəfat səbəbi | döyüşdə ölüm |
Vətəndaşlığı | ![]() ![]() |
Hərbi fəaliyyəti | |
Mənsubiyyəti | ![]() |
Qoşun növü | ![]() |
Xidmət illəri | 1993-1994 |
Rütbəsi | ![]() |
Döyüşlər | |
Təltifləri | ![]() |
Aqil Musayev (3 noyabr 1973, Qazax rayonu – 5 oktyabr 1994, Gəncə) — Qarabağ müharibəsinin iştirakçısıdır. 5 oktyabr 1994-cü ildə Gəncə hadisələri zamanı qiyamçı dəstənin zərərsizləşdirilməsində iştirak edərkən, qəhrəmancasına həlak oldu. Aqil Musayev 5 oktyabr 1994-cü ildə Azərbaycan Respublikası Prezidentinin cənab Heydər Əliyevin 215 saylı fərmanı ilə ölümündən sonra Azərbaycanın Milli Qəhrəmanı adına layiq görülmüşdür.
Həyatı
[redaktə | mənbəni redaktə et]Aqil Musayev 3 noyabr 1973-cü ildə Azərbaycanın Qazax rayonunun Aşağı Əskipara kəndində anadan olmuşdur. 1981-ci ildə birinci sinfə getmiş, 1991-ci ildə onuncu sinfi bitirmişdir. Sonra təhsilini Qazax şəhərindəki 117 saylı texniki-peşə məktəbində davam etdirmişdir. Sürücü peşəsinə yiyələnmişdir.
Qarabağ müharibəsi
[redaktə | mənbəni redaktə et]1993-cü il mayın 18-də Qazax rayon Hərbi Komissarlığı tərəfindən Milli Ordu sıralarına çağırılmışdır. Bir müddət təlim-məşq toplanışlarında iştirak etmişdir. Az müddətdə əsgər və zabit heyətinin hörmətini qazanmışdır. O, 777 saylı hərbi hissənin tərkibində cəbhəyə getmişdir. İlk döyüşü Ağdam bölgəsində olmuşdur. Aqil hər dəfə döyüşə yollananda, ürəyindən bir arzu keçirdi — torpaqlarımızı tezliklə erməni tapdağından təmizləmək arzusu! Döyüşlərdə ölümün gözünə dik baxır, rəşadətlə vuruşurdu.
Aqil Musayev Füzuli və Tərtər bölgələrində də erməni işğalçılarına qarşı aparılan əməliyyatlarda fəal iştirak etmişdir. Füzuli istiqamətində gedən döyüşdə yaralanmışdır. Bir müddət müalicə olunduqdan sonra yenidən səngərə qayıtmışdır. O böyük arzularla yaşayırdı. Lakin arzuları yarımçıq qaldı.
Gəncə hadisələri 1994
[redaktə | mənbəni redaktə et]Aqil Musayev 5 oktyabr 1994-cü ildə Gəncə hadisələri zamanı qiyamçı dəstənin zərərsizləşdirilməsində iştirak edərkən, qəhrəmancasına həlak oldu.
Milli Qəhrəman
[redaktə | mənbəni redaktə et]Aqil Musayev 5 oktyabr 1994-cü ildə Azərbaycan Respublikası Prezidentinin cənab Heydər Əliyevin 215 saylı fərmanı ilə ölümündən sonra Azərbaycanın Milli Qəhrəmanı adına layiq görülmüşdür.
Qazax rayonu Əzizbəyli kəndi Şəhidlər Xiyabanında dəfn edilmişdir.
Ailəsi
[redaktə | mənbəni redaktə et]Subay idi.