Berlin Texniki Universiteti — Vikipediya

Berlin Texniki Universiteti
Technische Universität Berlin
Loqonun şəkli
Xəritə
52°30′43″ şm. e. 13°19′35″ ş. u.HGYO
Əsası qoyulub 1770
Tip Dövlət
Rektor Xristian Tomsen
Tələbə sayı 34.842[1]
Şəhər Berlin şəhəri
Ölkə
Sayt tu.berlin
Vikianbarın loqosu Vikianbarda əlaqəli mediafayllar

Berlin Texniki Universiteti (alm. Technische Universität Berlin‎) — Almaniya Federativ Respublikasının paytaxtı Berlin şəhərində yerləşən ali təhsil müəssisəsi; texniki sahə üzrə ixtisaslaşan məşhur ali təhsil ocaqlarından biri.

Tarixi

[redaktə | mənbəni redaktə et]

Berlin Texniki Universitetinin yaranma tarixi kral II Fridrixin hakimiyyəti illərinə - XVIII əsrə təsadüf edir.[2] 1770-ci ildə Dağ-Metallurgiya Tədris İnstitutunun əsası qoyulur.[2] 4 il sonra İnstitutun adı dəyişdirilərək Dağ Sənayesi Akademiyası olur. Sonradan akademiya və 1799-cu ildə yaradılmış Arxitektura Akademiyası, həmçinin 1821-ci ildə yaradılmış Biznes Akademiyası, 1916-cı ildə kralın fərmanı ilə isə Dağ Sənayesi Akademiyası Berlin Texniki İnstitutunun nəzdinə keçirilir.[2] Universitet 1946-cı ilədək Berlin Ali Texniki Məktəbi adlandırılmışdır.[2]

Şarlottenburqdakı əsas binanın şimal hissəsi, 1895-ci il[3].

Sənaye sahələrinin sürətli inkişafı nəticəsində XIX əsrdə ali təhsilli mühəndislərə tələbatın artması Berlin Texniki İnstitutuna böyük ehtiyac yaratmışdır.[2] 1878-ci ildən 1884-cü ilədək institutun əsas korpusları tikilmişdir.[2] 1899-cu ildə alman imperatoru və Prussiya kralı II Vilhelm institut tərəfindən Almaniyada ilk dəfə olaraq elmlər doktoru dərəcəsinin verilməsinə göstəriş vermişdir.[2]

Əsas binasının cənub tərəfi

İnstitut 20 aprel 1945-ci ildə bağlanmış və 9 aprel 1946-cı ildə Berlin Texniki Universiteti adı altında yenidən fəaliyyətə başlamışdır.[2]

Təhsil

[redaktə | mənbəni redaktə et]

Berlin Texniki Universitetində ümumilikdə 30 mindən artıq tələbə təhsil alır. Onlardan 6 mini, yəni 20%-i əcnəbilərdir.[2]

Universitetə qəbul olmaq üçün alman dilinin səviyyəsi yüksək olmalıdır.[4] Dil bilikləri zəif olan tələbələr Universitetin tərkibində alman dili kurslarında hazırlaşırlar.[4]

Digər texniki ali məktəblərdən fərqli olaraq universitet zəngin tədris vəsaitləri təqdim edir. Burada biotexnologiya, mühəndis elmləri, inşaat, iqtisadiyyat, informatika, eləcə də humanitar və sosial elmlər üzrə bakalavr və magistrlər hazırlanır.[2]

Fakültələri

[redaktə | mənbəni redaktə et]

Hazırda Berlin Texniki Universitetində təhsil ümumilikdə 7 fakültə üzrə aparılır:[2]

  • Humanitar elmlər;
  • Riyaziyyat və dəqiq elmlər;
  • Elektrotexnika və informatika;
  • Nəqliyyat və maşınqayırma;
  • İqtisadiyyat və menecment;
  • Ekologiya;
  • Sosiologiya.

Kampusu

[redaktə | mənbəni redaktə et]
Misirdəki kampusu

Berlin Texnoloji Universitetinin ərazisi Berlin şəhərinin müxtəlif yerlərində təqribən 600 000 m² ərazini əhatə edir.[2] Əsas universitet şəhərçiyi Şarlottenburqda yerləşir.[2]

Kitabxanası

[redaktə | mənbəni redaktə et]
Kitabxanası

Universitetin yeni əsas kitabxanası 2004-cü ildə açılmışdır.[2] Həmin vaxt əvvəlki 17 kitabxana da bu kitabxanaya birləşdirilmişdir.[2]

Xarici əlaqələri

[redaktə | mənbəni redaktə et]

Bu ali təhsil müəssisəsi Almaniyanın 9 aparıcı texniki ali məktəbinin birliyi olan TU9 ittifaqının üzvüdür.[5]

Reytinqi

[redaktə | mənbəni redaktə et]

Berlin Texniki Universiteti 2004-cü ilin "Times Higher Education–QS World University Rankings" siyahısında 60-cı yerdə olmuşdur.[6]

Məşhur məzunları

[redaktə | mənbəni redaktə et]

Buranın məzunu olan məşhurlardan misal olaraq aşağıdakıların adlarını çəkmək olar:

Şəkilləri

[redaktə | mənbəni redaktə et]
Əsas binası

İstinadlar

[redaktə | mənbəni redaktə et]
  1. ↑ https://web.archive.org/web/20240411010423/https://www.tu.berlin/ueber-die-tu-berlin/profil/tu-berlin-in-zahlen/.
  2. ↑ 1 2 3 4 5 6 7 8 9 10 11 12 13 14 15 Berlin Texniki Universiteti Arxivləşdirilib 2023-07-03 at the Wayback Machine. ict.az, 19.01.2011  (az.)
  3. ↑ Grüße aus Berlin und Umgebung, Verlag Kunstanstalt W. Sommer, Berlin-Schöneberg 1898  (alm.)
  4. ↑ 1 2 Berlin Texniki Universiteti (Technische Universitat Berlin) Arxivləşdirilib 2016-03-05 at the Wayback Machine. edu.info.az  (az.)
  5. ↑ Über TU9 Arxivləşdirilib 2015-08-21 at the Wayback Machine. tu9.de  (alm.)
  6. ↑ World University Rankings 2004 Arxivləşdirilib 2013-09-25 at the Wayback Machine. timeshighereducation.co.uk  (ing.)

Xarici keçidlər

[redaktə | mənbəni redaktə et]
Vikianbarda Berlin Texniki Universiteti ilə əlaqəli mediafayllar var.
Mənbə — "https://az.wikipedia.org/w/index.php?title=Berlin_Texniki_Universiteti&oldid=7407261"