Faiq Cəfərov (hərbçi) — Vikipediya

Faiq Cəfərov
Faiq Əliqulu oğlu Cəfərov
Şəxsi məlumatlar
Doğum tarixi	1 may 1974(1974-05-01)
Doğum yeri	Şiləvəngə, Cəlilabad rayonu, Azərbaycan SSR, SSRİ
Vəfat tarixi	19 avqust 1999(1999-08-19) (25 yaşında)
Vəfat yeri	Azərbaycan
Vəfat səbəbi	avtomobil qəzası[d]
Dəfn yeri	Şiləvəngə
Hərbi fəaliyyəti
Rütbəsi	Gizir
Döyüşlər	Birinci Qarabağ müharibəsi
Təltifləri

Cəfərov Faiq Əliqulu oğlu (1 may 1974, Şiləvəngə, Cəlilabad rayonu – 19 avqust 1999, Azərbaycan) — gizir, Azərbaycanın Milli Qəhrəmanı (27 dekabr 1995), Mart hadisələri zamanı dövlətçiliyimiz, suverenliyimiz uğrunda xüsusi fəallıq göstərmiş şəxs.^[1]

Faiq Cəfərov 1974-cü il may ayının 1-də Cəlilabad rayonunun Şiləvəngə kəndində doğulmuşdur. 1991-ci ildə Bakı Maşınqayırma Texnikumuna daxil olmuşdur. 1992-ci ilin sentyabr ayından Sərhəd Qoşunları Baş İdarəsinin Naxçıvan Sərhəd Dəstəsində hərbi xidmətə başlamışdır. Sərhəd Qoşunlarında xidmət etdiyi dövrdə Azərbaycanın cənub hüdudlarının mühafizəsində fərqlənmişdir. 1995-ci ilin mart ayında dövlət çevrilişi cəhdinin qarşısının alınması zamanı xüsusi qəhrəmanlıq nümunəsi göstərmiş, həmin döyüşlərdə ağır yaralandığı üçün Faiq Cəfərov ehtiyata buraxılır.^[2]

Bir müddət sonra öz həyatını dövlətçiliyimiz və xalqımıza xidmət etməyə bağlayan qəhrəmanımız bir ildən sonra yenidən orduya qayıdır.

Faiq Cəfərov 1999-cu ildə avtomobil qəzası nəticəsində həlak olmuşdur.

Ailəli idi, iki övladı var.

Azərbaycan Respublikasının Prezidentinin 27 dekabr 1995-ci il tarixli 427 saylı Fərmanı ilə gizir Cəfərov Faiq Əliqulu oğlu "Azərbaycan Milli Qəhrəmanı" adına layiq görülmüşdür.

Cəlilabad rayonunda dəfn edilmişdir.

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 58–59.

• AMTN Arxivləşdirilib 2008-08-27 at the Wayback Machine

• Mart hadisələri (1995)