Şəkərçörəyi — Vikipediya
![](http://upload.wikimedia.org/wikipedia/commons/thumb/4/4e/Portakal_-_tahin.jpg/260px-Portakal_-_tahin.jpg)
Şəkərçörəyi — Azərbaycan mətbəxinə aid şirniyyat növüdür.
Lazım olan məmulatlar
[redaktə | mənbəni redaktə et]I variant
Əla növ buğda unu — 350q, ərinmiş yağ — 260q, şəkər kirşanı — 300q, yumurta — 1əd, vanilin — 3q.
II variant
500 qr əla növ un, 200 qr ərinmiş yağ, 300 qr şəkər tozu, 15 qr maya, 1 yumurta, 0,3 qr vanilin.
Hazırlanma qaydası
[redaktə | mənbəni redaktə et]I variant
Ərinmiş yağ şəkər kirşanı ilə 25–30 dəq.çalınır, bu zaman ona az-az yumurta ağı əlavə edilir. Çalıntıya vanilin və ələnmiş un qatılır, xəmir yoğrulur. Həmin xəmirdən 60–70 qramlıq girdə kündələr hazırlanır, perqament kağızı sərilmiş listlərə düzülür, üzərinə yumurta sarısı çəkilib 175–180 °S istilikdə 25–30 dəq. bişirilir. Şəkərçörəyi soyuduqdan sonra üzərinə şəkər kirşanı səpilir.
II variant
Maya yumurta ağında əridilir, üzərinə ərinmiş yağ tökülərək bir qədər qarışdırılır, sonra şəkər tozu və vanilin əlavə edilib, 20 – 25 dəqiqə möhkəm çalınır. Daha sonra un əlavə edilir və möhkəm qarışıncayadək yoğrulur. Alınmış xəmir xırda – xırda kəsilib girdələnir və bir vərəqəyə düzülür. Sonra üzərinə yumurta sarısı çəkilib, fırında bişirilir.
Xarici keçidlər
[redaktə | mənbəni redaktə et]- Şəkərçörəyi hazırlanma qaydası Arxivləşdirilib 2015-05-28 at the Wayback Machine