Əhməd Əhmədzadə (siyasətçi) — Vikipediya

Əhməd Əhmədzadə
Azərbaycan Respublikası Meliorasiya və Su Təsərrüfatı Açıq Səhmdar Cəmiyyətinin sədri
2006 – 2021
Sonrakı	Zaur Mikayılov
Azərbaycan Respublikasının kənd təsərrüfatı nazirinin birinci müavini - Dövlət Meliorasiya və Su Təsərrüfatı Agentliyinin baş direktoru
25 oktyabr 2004[1] – 23 fevral 2006[2]
Nazir	İsmət Abasov
Əvvəlki	İsmət Abasov
Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin sədri
1993 – 2004
Quba Rayon İcra Hakimiyyətinin başçısı
1991 – 3 sentyabr 1992
Şəki Rayon Xalq Deputatları Sovetinin sədri
1991 – 1991
Sonrakı	Vəzifə ləğv edildi.
Azərbaycan Kommunist Partiyası Şəki Şəhər Komitəsinin birinci katibi
1991 – 1991
Əvvəlki	Mürvət Əliyev
Sonrakı	Vəzifə ləğv edildi.
Azərbaycan Kommunist Partiyası Şamxor Rayon Komitəsinin birinci katibi
1988 – 1991
Əvvəlki	Əjdər Əsədov
Sonrakı	Vəzifə ləğv edildi.
Azərbaycan Kommunist Partiyası Füzuli Rayon Komitəsinin birinci katibi
1980 – 27 avqust 1988
Sonrakı	Cavanşir Məmmədov
Abşeron Rayon Xalq Deputatları Soveti İcraiyyə Komitəsinin sədri
1978 – 1980
Qax Rayon Zəhmətkeş Deputatları Soveti İcraiyyə Komitəsinin sədri
1975 – 1976
Şəxsi məlumatlar
Doğum tarixi	7 yanvar 1945(1945-01-07) (79 yaş)
Doğum yeri	Qaxmuğal, Qax rayonu, Azərbaycan SSR, SSRİ
Partiya	Sovet İttifaqı Kommunist Partiyası (1969–1991)
Təhsili	Azərbaycan Texniki Universiteti
Fəaliyyəti	mühəndis
Təltifləri	2020
Vikianbarda əlaqəli mediafayllar

Əhməd Cuma oglu Əhmədzadə (7 yanvar 1945, Qaxmuğal, Qax rayonu) — Azərbaycan Respublikası Meliorasiya və Su Təsərrüfatı Açıq Səhmdar Cəmiyyətinin sabiq sədri (2006–2021).^[3]

1945-ci ildə Qax rayonunun Qaxmuğal kəndində anadan olmuşdur. 1961-ci ildə 1 saylı orta məktəbi və 1966-cı ildə Azərbaycan Politexnik İnstitutunu bitirərək mühəndis-hidrotexnik ixtisasına yiyələnmişdir. 1976–1978-ci illərdə keçmiş Sov. İKP yanında İctimai Elmlər Akademiyasında ali partiya-siyasi təhsili almışdır.

Əmək fəaliyyətinə 1961-ci ildə 11 saylı Bakı şəhər Tikinti İdarəsində fəhlə kimi başlamış, 1966-cı ildə Azərbaycan Elmi-Tədqiqat Hidrotexnika və Meliorasiya İnstitutunda böyük mühəndis, 1967–1975-ci illərdə Qax Suvarma Sistemləri İdarəsində böyük mühəndis, idarənin rəisi vəzifələrində işləmişdir.

Ailəlidir, üç övladı var.

• Mübariz Əhmədzadənin qardaşıdır.
• Elman Rüstəmov ilə qudadır.^[4]

Əhməd Əhmədzadə 1975–1976-cı illərdə Qax Rayon Xalq Deputatları Soveti İcraiyyə Komitəsinin sədri, 1978–1980-ci illərdə Abşeron Rayon Xalq Deputatları Soveti İcraiyyə Komitəsinin sədri, 1980–1988-ci illərdə Azərbaycan Kommunist Partiyası Füzuli Rayon Komitəsinin birinci katibi, 1988–1991-ci illərdə Azərbaycan Kommunist Partiyası Şamxor Rayon Komitəsinin birinci katibi, 1991-ci ildə Azərbaycan Kommunist Partiyası Şəki Şəhər Komitəsinin birinci katibi, Şəki Rayon Xalq Deputatları Sovetinin sədri, 1991–1992-ci illərdə Quba Rayon İcra Hakimiyyətinin başçısı vəzifələrində işləmişdir. 1981–1995-ci illərdə Azərbaycan Respublikası Ali Sovetinin deputatı seçilmişdir.

1993–2004-cü illərdə Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin sədri, 2004–2006-cı illərdə Kənd Təsərrüfatı Nazirinin birinci müavini, Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyinin baş direktoru, 2006–2021-ci illərdə Azərbaycan Meliorasiya və Su Təsərrüfatı Açıq Səhmdar Cəmiyyətinin sədri vəzifələrində çalışmışdır. Respublika Dövlət Aqrar İslahatı Komissiyasının üzvü, Fövqəladə Hallar üzrə Dövlət Komissiyasının sədr müavini olmuşdur.

2021-ci ilin aprel ayında Baş nazir Əli Əsədovun müşaviri təyin olunub. 2024-cü ilin oktyabr ayında baş nazirin köməkçisi vəzifəsinə keçirilib.^[5]

Azərbaycan Respublikasının orden və medalları, Azərbaycan Respublikası Ali Soveti Rəyasət Heyətinin Fəxri Fərmanı ilə təltif olunub.

Respublikanın meliorasiya və su təsərrüfatının inkişafı sahəsindəki xidmətlərinə görə 2015-ci ildə Azərbaycan Respublikası Prezidentinin Sərəncamı ilə "Şöhrət" ordeni, "Əməkdar mühəndis" fəxri adına, 2019-cu ildə Azərbaycan Xalq Cümhuriyyətinin 100 illiyi münasibətilə "Cümhuriyyət medalı"na və 2020-ci ildə meliorasiya və su təsərrüfatı sahəsində uzunmüddətli səmərəli fəaliyyətinə görə 1-ci dərəcəli "Əmək" ordeninə layiq görülüb.