Məmməd Əsgərov — Vikipediya

Məmməd Əsgərov
Azərbaycan SSR kənd təsərrüfatı naziri
26 dekabr 1977 – 11 dekabr 1985
Əvvəlki	Məmməd Xəlilov
Sonrakı	nazirlik ləğv edilib
Azərbaycan Kommunist Partiyası Şamxor Rayon Komitəsinin birinci katibi
6 yanvar 1970 – 1977
Əvvəlki	İbrahim Əhmədov
Sonrakı	Hidayət Vəliyev
Azərbaycan SSR yüngül sənaye nazirinin müavini
1968 – 1970
Nazir	Sadıq Rəhimov
Azərbaycan Kommunist Partiyası Ağcabədi Rayon Komitəsinin birinci katibi
1965 – 1968
Sonrakı	Vahid İsmayılov
Naxçıvan MSSR Nazirlər Sovetinin sədri
1959 – 1964
Əvvəlki	Rəhim Rəhimov
Sonrakı	Ramazan İsmayılov
Naxçıvan MSSR Nazirlər Soveti sədrinin birinci müavini
1958 – 1959
Sədr	Rəhim Rəhimov
Bərdə Rayon Zəhmətkeş Deputatları Soveti İcraiyyə Komitəsinin sədri
1954 – 1958
Şəxsi məlumatlar
Doğum tarixi	25 dekabr 1918(1918-12-25)
Doğum yeri	Naxçıvan qəzası, AXC
Vəfat tarixi	27 iyul 1988(1988-07-27) (70 yaşında)
Vəfat yeri	Bakı, Azərbaycan SSR, SSRİ
Partiya	Sovet İttifaqı Kommunist Partiyası (1945–1988)
Fəaliyyəti	siyasətçi
Uşağı	Ağabəy Əsgərov
Təltifləri

Məmməd Həsən oğlu Əsgərov (25 dekabr 1918, Naxçıvan qəzası – 27 iyul 1988, Bakı) — Azərbaycan SSR kənd təsərrüfatı naziri (1977–1985), Azərbaycan Kommunist Partiyası Şamxor Rayon və Ağcabədi Rayon komitələrinin birinci katibi, Azərbaycan SSR yüngül sənaye nazirinin müavini, Naxçıvan MSSR Nazirlər Sovetinin əvvəlcə sədrinin birinci müavini, sonra isə sədri, Bərdə Rayon Zəhmətkeş Deputatları Soveti İcraiyyə Komitəsinin sədri.

Məmməd Əsgərov 1918-ci ildə Culfa rayonu Yaycı kəndində anadan olub.

Məmməd Əsgərov 1943–1944-cü illərdə Tovuz MTS-in baş aqronomu, 1944–1948-ci illərdə Cəbrayıl MTS-də, 1948–1954-cü illərdə Bərdə MTS-in direktoru olmuşdur. 1954–1958-ci illərdə Bərdə rayonu Xalq Deputatları Soveti İcraiyyə Komitəsinin sədri olmuşdur. 1958-ci ildən Naxçıvan MSSR Nazirlər Sovetinin sədrinin birinci müavini vəzifəsini daşımışdır. 1959-cu ildə isə Naxçıvan MSSR Nazirlər Sovetinin sədri olmuşdur.

1964-cü ildən Ağdaş rayon kolxoz-sovxoz istehsalat idarəsinin rəisi seçilmişdir.

1965–1968-ci illərdə Ağcabədi Rayon Partiya Komitəsinin birinci katibi vəzifəsində, 1968–1970-ci illərdə Azərbaycan SSR Yüngül sənaye nazirinin müavini, 1970–1977-ci illərdə Şamxor (Şəmkir) Rayon Partiya Komitəsinin birinci katibi, 1977–1985-ci illərdə, yəni vəfat edənədək Azərbaycan SSR Kənd təsərrüfatı naziri vəzifəsini icra etmişdir.

SSRİ Ali Sovetinin (6-cı çağrış) Azərb. SSR Ali Sovetinin (4–11-ci çağrış) deputatı olmuşdur.

Azərbaycan KP MK-nın üzvü(1960–1983)

Məmməd Əsgərov dövlətə xidmət sahəsində qazandığı nailiyyətlərə görə bir çox orden və medallarla təltif edilmiş,1968-ci ildə Azərbaycan SSR əməkdar aqronomu fəxri adına layiq görülmüşdür. Daha sonra 4-dəfə "Lenin" ordeni, 2-dəfə "Qırmızı əmək bayrağı" ordeni ,"Oktyabr inqilabı" ordeni ən əsası O,1973-cü ildə sovet dövrünün ən yüksək adlarından biri olan Sosialist Əməyi Qəhrəmanı adına layiq görülmüşdür.

• Naxçıvan Ensiklopediyası. I cild (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V. Y. Talıbov. 2005. 360 səh. ISBN 5-8066-1468-9.