Giorgi Meşvildişvili — Vikipediya

Bu səhifədə iş davam etməkdədir. Müdaxilə etməyə tələsməyin! Əgər kömək etmək istəyirsinizsə, ya da səhifə yarımçıq qalıbsa, səhifəni yaradan istifadəçi ilə əlaqə qura bilərsiniz. Səhifənin tarixçəsində səhifə üzərində işləmiş istifadəçilərin adlarını görə bilərsiniz. Redaktələrinizi mənbə və istinadlarla əsaslandırmağı unutmayın. Bu məqalə sonuncu dəfə 16 saat əvvəl Grenzsoldat (müzakirə | töhfələr) tərəfindən redaktə olunub. (Yenilə)

Giorgi Meşvildişvili
Şəxsi məlumatlar
Tam adı	Giorgi Kaxa oğlu Meşvildişvili
Vətəndaşlığı	Gürcüstan → Azərbaycan
Doğum tarixi	13 may 1992(1992-05-13) (32 yaş)
Doğum yeri	Tbilisi, Gürcüstan
Boyu	184 sm. (5 ft 6 in)
İdman növü	Güləş
Karyera illəri	2004—
Məşqçisi	Georgi Qoxşelidze
Medallar Azərbaycan üçün Olimpiya Oyunları Bürünc 2024 Paris 125 Kq. Avropa Çempionatı Bürünc 2023 Zaqreb 125 Kq. Bürünc 2024 Buxarest 125 Kq. Dövlət təltifləri 2024

Giorgi Meşvildişvili (13 may 1992, Tbilisi) — 2012–2018-ci illərdə Gürcüstanı, 2023-cü ildən isə Azərbaycanı təmsil edən sərbəst güləşçi.^[1]

Giorgi Meşvildişvilinin beynəlxalq turnirlərdə debütü 2012-ci ilin 4-10 sentyabrda Tailandın Pattaya şəhərində baş tutan gənclər arasında Dünya Çempionatı oldu.^[2] Həmin turnirdə Meşvildişvili uğursuz çıxış etdi və turniri 22 güləşçi sırasında 14-cü pillədə başa vurdu.^[2]

Həmin il Ermənistanda baş tutan Stepan Sarqsyanın xatirəsinə həsr olunan beynəlxalq turnirdə isə Giorgi Meşvildişvili bürünc medala sahib oldu.^[3]

2013-cü ildə Kazan şəhərində (Rusiya) baş tutan Universiada Oyunlarını 8-ci pillədə^[4] başa vuran Giorgi Meşvildişvili, 2014-cü ildə Fransada Qızıl Qran-Pri beynəlxalq turnirinin^[5] və Rusiyada Dmitri Korinin xatirəsinə həsr olunnan beynəlxalq turnirin qalibi oldu.^[6]

Giorgi Meşvildişvili 2015-ci ildə Polşada baş tutan U23 Avropa Çempionatının gümüş medalına^[7] sahib olsa da, il ərzində üç beynəlxalq turniri medalsız başa vurdu.^[8][9][10]

2016-cı ildə Ermənistanda baş tutan Stepan Sarqsyanın xatirəsinə həsr olunan beynəlxalq turnirinin bürünc medalına^[11] sahib olan Giorgi Meşvildişvili, 2017–2018-ci illərdə də nüfuzlu beynəlxalq turnirlərdə, o cümlədən Dünya və Avropa Çempionatlarında mübarizə aparmadı.^{[12][13][14][15][16][17][18]} Həmin illərdə Gürcüstan yığmasının lideri Qeno Petriaşvili idi.

2023-cü ildə Azərbaycan Güləş Federasiyası (AGF) Giorgi Meşvildişvilini heyətinə cəlb elədi. Giorgi Meşvildişvilinin 2023-cü ilin fevralında Zaqreb şəhərində (Xorvatiya) Zagreb Open beynəlxalq turnirinin gümüş^[19], martda Sofiya şəhərində (Bolqarıstan) D. Kolov — N. Petrov beynəlxalq turnirinin gümüş medalına sahib oldu.^[20] Apreldə isə Giorgi Meşvildişvili Avropa Çempionatlarında debüt elədi. Zaqreb şəhərində (Xorvatiya) baş tutan turnirin bürünc medal uğrunda görüşündə İtaliya nümayəndəsi Abraham Konyedoya 8:4 hesabı ilə qalib gələn Giorgi Meşvildişvili Avropa Çempionatının bürünc medalına sahib oldu.^[21] İyulda Polşada Poland Open beynəlxalq turnirinin gümüş medalına sahib olan Giorgi Meşvildişvili sentyabrda Belqrad şəhərində baş tutan Dünya Çempionatını 12-ci pillədə başa vurdu.^[1]

Giorgi Meşvildişvili 2024-cü ilin fevralında Rumıniyanın Buxarest şəhərində Avropa Çempionatını bürünc medalla başa vurdu. Apreldə isə o, Avropa Olimpiya Təsnifat Turnirinin nəticələrinə əsasən olimpiya lisenziyasına sahib oldu.^[22][23]

Sıra	İl	Yarış	Ev sahibi	Kg.	Nəticə
Gürcüstan
1	2012	Gənclərin Dünya Çempionatı	Tailand	96 Kg.	14.
2		Stepan Sargsyan Turniri	Ermənistan	120 Kg.	3.
3		Moscow Lights Turniri	Rusiya		4.
4	2013	Universiada Oyunları	Rusiya		8.
5	2014	Fransa Qran-Prisi	Fransa		1.
6		Dmitri Korin Turniri	Rusiya		1.
7	2015	Taxti Cup	İran		8.
8		A. Medved Turniri	Belarus		20.
9		U23 Avropa Çempionatı	Polşa		2.
10		Əli Əliyev Turniri	Rusiya		5.
11	2016	Stepan Sarqsyan Turniri	Ermənistan		3.
12	2017	G. Kartozia — V. Balavadze Turniri	Gürcüstan		3.
13		Poland Open	Polşa		3.
14		Stepan Sarqsyan Turniri	Ermənistan		2.
15		Alaniya Turniri	Rusiya		2.
16		D. Kunayev Turniri	Qazaxıstan		3.
17	2018	Kiyev Turniri	Ukrayna		3.
18		D. Kolov — N. Petrov Turniri	Bolqarıstan		7.
Azərbaycan
19	2023	Zagreb Open	Xorvatiya		2.
20		D. Kolov — N. Petrov Turniri	Bolqarıstan		3.
21		Avropa Çempionatı	Xorvatiya		3.
22		Poland Open	Polşa		2.
23		Dünya Çempionatı	Serbiya		12.
24	2024	Zagreb Open	Xorvatiya		5.
25		Avropa Çempionatı	Rumıniya		3.
26		Polya İmre Turniri	Macarıstan		7.

• 3-cü dərəcəli "Vətənə xidmətə görə" ordeni — Azərbaycan Prezidenti İlham Əliyevin 13 avqust 2024-cü il tarixli Sərəncamına əsasən XXXIII Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Meşvildişvili Giorgi Kaxa oğlu 3-cü dərəcəli "Vətənə xidmətə görə" ordeni ilə təltif edildi.^[24]

• Azərbaycan 2024 Yay Olimpiya Oyunlarında